إلهـي كَـيف أفُـر مِن قـلبي ّ وهـي قلـبي 💔
ايهاب: رجعت للبيت بسرعه
فارغ ماكو احد جنت اتمنى يكون مقلب او لعبه وارجع الكاها موجوده بس للأسف ماكو لا اسيل ولا ريام الكناتير مفتحه والقاصه مفتوحه الاوراق ماكو ماخذين كلشي ذهب فلوس ممخلين شي رحت اركض ع كامرات المراقبه
من بداية اليوم شفت كلشي طبيعي وعادي لليل لحظه هاي وين رايحه الحقيره احذرها ما تطلع بس شتسوي العناد والخباثه يجري بدمها مستحيل تسمع الكلام
اخذت وياها ريام وطلعت وره شويه انفتح الباب دخل شخص منو هذا سد الباب وراح عطل جهاز الانذار بأقل من دقيقه حتى ماينكشف
وراها راح يفتر بالغرف وبيده جنطه يضم بيها
دخل ع غرفتنا لحظه شنو اخذ
هذا موبايلها يا كوا... اخذو موبايلها حتى لا تطلب المساعده
رجعت اسيل سمع صوت قفل الباب راح جوه ميز المكتب بقى هناك ..
هاي اسيل تفتر ع شنو تدور هاي
وراها تعشت ونومت ريام ونامت
هنا عطل الكهرباء وفتح باب السطح الجماعته بس ليش ما دخلهم من باب الشارع
كعدت اسيل ع صوت باب السطح
تصنتت ع صوتهم قفلت الباب واخذت مسدسي بس رجعته
هنا نهزمت من الشباك
رحت ع كامرات الشارع
تمشي وكفت سياره دفعها شخص وصارت داخلها واخذوها كبرت ع رقم السياره ماكو رقم
خرررب ولد ال ...
طلعت من البيت رحت ع مروان دكيت الباب بالكوه لازم نفسي جسمي يرجف من العصبيه
طلعت امه كالت نايم مروان بالليل تعارك وي مرته وطلع ورجع متأخر
دخلت رحت ع غرفته نايم واني امنتهن يمك كوم يا حقير
مروان: هااا شششكوو شبيك
ايهاب: مخلصها شرب حضرتك لك مرتي وبنتي ماعرف وين صار بيهن الدهر هو مو صوجك صوج الي يأمن بيك
عفته وطلعت رحت للمركز ..
اسيل: سمعت صوت ريام تبجي فتحت عيوني اني وين ..
غرفه جبيره تخبل كلها اضويه وفراش نظيف
اباوع ع نفسي الحمدلله بعدني بملابسي وشالي ريام يمي اخذتها بحضني هاي جوعانه طلعت صدري اريدها ترضع متقبل متعوده ع الممه رضعي ولج ماندري شنو مصيرنا هنا
اخلي بحلكها تدفعه بلسانها ضربتها ع خدها بنت الاوادم مو وكت عياره
باوعتلي وبرطمت وكوه عليها رضعتها حيوانه ...
سمعت صوت يقترب من الباب اعرف هذا الصوت
انفتح الباب
عدلت شالي بسرعه وضميت صدري وحضنت ريام
دخل شخص لابس ملابس رسميه
ووراه شخص ثاني بهيبته وضخامته
بسام: كافي رافد شنو غايتك من الخطف تبقى حياتك كلها تخطـ. ....هاااي منووو
رافد :اعرفك ع اسيل مرت الضابط الي خرب عليه كل شغلي
اسيل: انصدمت اريد احجي ماكدر
بسام: سويتلها حركة عود لا تحجين
رافد: تتذكريني مو وتتذكرين من شغلتج عندي وخدعتيني رحتي خليتي ايدج بيد الضابط وداهم فندقي راح كل تعبي من وراكم
اسيل: انت رأفت؟
رافد: يعني تتذكرين شوفي مايطلع اسمي رافد اذا ماندمتكم انتي وزوجج وعود خل ينقذج لو يكدر
اعرفكم ع رافد
عمره 35 سنه عنده حاله نفسيه وشبه مختل بكل مكان يلاحقه شبح حبيبته الميته
يشتغل بتجارة البشر والدعاره مجرم جبير ويعرف كل الناس شلون بده بكل هل اشياء جان انسان بسيط طالب كليه ويشتغل حتى يطلع مصروفه ويوفر فلوس حتى يخطب حبيبته فرح الي جانت وياه بالكليه
اهل فرح اغنياء ف محد قبل منهم من راح يخطبها لان فقير ومبين مراح يكدر يسعدها
حاول اكثر من مره وميقبلون وبيوم اجته فرح تبجي انو راح يزوجوها شخص من كرايبهم
ف مجان كدام رافد غير حل واحد اخذها بمكان مهجور ع اساس انو يريد يودعها وتكون هل مره اخر مره يلتقون بيها وهناك اغتصبهاا فرح من بعد الي صار تمرضت وصارت بيها حاله نفسيه وانتحرت
