تلونين كل قلب تسكنينه، وكل مكان تعبرين منه، وكأن العمر قبلك واهِن .. باهت .....!!
.
.
.
مروان: اشتغل بالمكتب ودخلت فجر
اهوو انتي كلما تجين لازم تصيرلي مصيبه
فجر: تقربت منه ودموعي تنزل ساعدني اختي ماعرف وينها مختفيه وايهاب مايقبل يحجيلي رحتله للمستشفى تجاوز عليه وطردني
مروان: اسيل مخطوفه اوكفي اتصل اشوف شصار وياه
هسه مايعرفني هذا رقم جديد
فداء: سديت عيوني كاعدين بسياره نزلت دموعي دفعته وخر عني ماعرفك اني
ايهاب: مسحت دمعتها دفعتني مره ثانيه وراحت
رجعت يمهم لكيت مكالمه فائته من رقم غريب عاودت الاتصال
الو
السلام عليكم
منو مروان؟
اي شلونك وينك انت رحت للمستشفى ماكو
ها اي طلعت
ليش شصار
هواي اشياء صارت بس اهم شي لكيت اسيل
مروان وين لكيتها ولك طبعا فاتح مكبر الصوت وفجر يمي تسمع
ايهاب: لكيتها بهيج مكان ووو ...... حجيتله
مروان: يلا ان شاء الله تتذكر خليك قوي
ايهاب: اي اكيد يلا لازم نطلع هسه بعدين نحجي
مروان :سديته ها سمعتي وين موجوده
فجر: اي سمعت اشكرك كمت اريد اروح لزمني
مروان: ها وين ماترحين الليله تبقين يمي مشتاقلج
فجر: اني اكثر مشتاقتلك موت كوم امشي مكافي شغل
مروان: اي هسه كلشي لعيونج يهون
مجتبى: طلعت من المركز اتصلت ع ايهاب
ايهاب: الو ها مجتبى زين اتصلت اكلك الجنطه بقت بسيارتك وبيها كلشي حتى الفلوس
مجتبى: بعدين اجيبها الك من انزل هسه اسمع انتبه من مروان سمعته من اتصل بيك قبل شويه جانت يمه بنيه وكاللها سمعتي وين موجوده
ايهاب: ماشي صار معلوم هاي اكيد فجر
لا تخاف ماتكدر تسوي شي يلا الله وياك
طلعنا اني وبسام وحسن ع ابو البيت جانت الساعه 4 العصر
رحب بينه الولد كال انتم كرايب حسن راح انزللكم من السعر هو 600 فكال نزلت ميه لعيونكم يعني 500
بسام: طلعت من محفظتي تفضل اخويه هاي مال شهر لان مراح نكعد هواي
ايهاب: ولك شكد جايب وياك فلوس
بسام: بعد الي لكيته كدامي جبته
حسن: بله طلعهن شكد لكيت جدامك
بسام: حشيت الي كدامي وجبته كلت كلشي يصير وهذا طريق طويل
حسن: ولك انت شتشتغل
بسام: كششش عين هو اني طلعت خمسميه خليتو عيونكم هسه تضيع المحفظه وكله يروح من وراكم
اخذنا المفتاح مال البيت ورحنا
حلو وبسيط بناء جديد بي غرفتين وصاله وصحيات يعني مناسب مابي تراب لان مصار هواي من طالعين منه
حسن: هاهيه شباب عجبكم
ايهاب: هاهيه
راح حسن واني كعدت جسمي تعبان حيل
بسام: شسالفة البيبان
ايهاب: شبيهن
بسام: مال اقزام يمعود لازم ادنك وادخل
ايهاب: هههههه لا مال ناس عاديه
بسام: شنو قصدك اني غول
ايهاب: يمكن
هسه تعال ماكو ملابس شلون نبقى هيج
بسام: خل شويه بعد وننزل للسوك بس تعال اني وين راح احصل ملابس لازم خياط ع قياسي
ايهاب :انت مصيبتك مصيبه
بسام: باجر الصبح اروح اجيب الجنطه واجي شتكول
ايهاب: لا خوش تفكر هيه بس الكراوي راح تصير اكثر من فلوس الي بجنطه
