هلاو رمضان كريم 🎊🎉
هذا جزء ثاني بس راح اسوي مثل تكمله للجزء الاول لا تنسوني بالدعم ...❤❤
الساعه 03:20 الفجر
ديأذن والناس تتوافد للمسجد حتى تصلي
شخطت سياره كدام المسجد انفتح الباب وانشمر منها شي
وبسرعه اختفت السياره عن انظار الكل
توجه الجميع للشي الموجود والصدمه تعلو وجوه الجميع ...
اسيل: كعدت الصبح لا والله مو صبح هسه ظهر كمت من الفراش ريام نايمه غطيتها وايهاب مموجود بالدوام اليوم
رحت غسلت وخلصت بعد مو وكت ريوك خل اسوي غده احسن
نكعت تمن وطلعت لحم من المجمده نكتعه
اخذت جدر صغير ورحت اسوي شوربه علمود ريام
خلصت شغل المطبخ رجعت للغرفه ريام بعدها نايمه هاي تخلص الليل كاعده والنهار نايمه
اخذت موبايلي يم رجلها مشمور بالليل اطلعلها بي اغاني حتى تسكت ومن تنام يبقى بمكانه
طافي خليته ع الشحن صار بي 1 فتحته اريد اشوف شنو موضوع فجر صارلها فتره مختفيه وجهازها مغلق راح تخبلني هل بنيه
يلا خل اخلص كل شغلي قبل لا تكعد
لل4 العصر خلصت كلشي تنظيف وغسل وطبخ وريام بعدها نايمه
سبحت بسرعه وغسلت الملابس وصعدت شريتهن ونزلت
تمددت يم ريام شويه ودك موبايلي
رديت
الو
ايهاب: هلا حبيبتي شلونج
اسيل:ها عمري تمام وانت شلونك
ايهاب:الحمدلله اكلج باجر ارجع انتبهي ع نفسج وع ريام ومن تحتاجين شي اتصلي ع مروان
اسيل:تمام حبيبي لا تخاف علينا
ايهاب: احبج
اسيل: اعشقك عمري
يلااا كعدت ريام بعدين نحجي
ايهاب: ماشي بوسيها الي
اسيل: ههههه ميخالف يلا باي حبي
وسديته منه رحت سويت ممه الها يااا الحليب بي شويه شلوون ميكفيها الليله
رحت شطفتها وبدلت حفاظتها ..
وهيج خلصنا الوكت اني وريام ساعه ناكل ساعه نتعارك ساعه نغني
المهم صارت ب8 بالليل اندك الباب
شلت ريام ورحت باوعت من العين السحريه هذا مروان فتحت الباب
تفضل اخويه
مروان: زاد فضلج بس اجيت خاف محتاجه شي ايهاب كل شويه يوصيني عليج
اسيل: لا اخويه تسلم ممحتاجه شي وهو باجر يرجع
مروان: لا تترددين من تحتاجيني
اسيل :ان شاء الله
وراها راح واني هم دخلت وسديت الباب
ضوجه فتحت التلفزيون طلعت قناة طيور الجنه وكعدت ريام تباوع
واني رحت فتحت الشباك مال الغرفه صاير ع الشارع ليل وماكو احد بقيت اباوع
شويه بجت ريام تريد ممه
تذكرت يااا عزززه مو اجه الولد نسيت الحليب هسه شلون
باوعت ع الساعه 8 وربع اكو محل قريب منا خل اروح اجيب وارجع يلا هو اصلا ايهاب مايدري
رحت لبست جبتي وشالي واخذت فلوس وشلت ريام وطلعنا خليت الباب مفتوح يعني ماقفلته لان هو بسرعه نرجع بعد عليمن
بس شنو الدرب يخوف ليل واني صار فتره طويله مطالعه
وصلت للمحل بي كومه شباب
ولد كال تفضلي خاله شنو تريدين
اسيل: خاله بعينك متشوف اصغر منك كلتها بكلبي
ها اريد حليب اطفال (ماعرف النوعيات مال اطفال عمر سنه غلسن 😂😂)
طلعلي انطيته الفلوس
اريد اطلع غير جلبت بجبس
يبووو ومنا عيونهم تريد تاكلني بسرعه اخذته ونطيته الف وطلعنا اوف منج يا ريام شالعه كلبي
رجعنا للبيت دخلت قفلت الباب وشمرتها بالكاع
رحت سويتلها ممه وبيدها الجبس تلعب بي
نزعت الشال والجبه
خليتها تشرب ممه ورحت صبيتلي عشه ورجعت كعدت يمها مدري شتحجي تناغي وحجي ممفهوم
وكيحه ع ابوها اوف مشتاقتله
يلا باجر يرجع بس خل اخابره
لحظه موبايلي وين اني وين خليته
اخر مره من كعدت ريام يعني بالغرفه بس شو ماكو
وين راح اختفى استغفر الله شسالفه
هسه يطلع واكع وره المجمده هاي اني كله هيج
يلا بعد ع باجر ادوره
تعشيت وخلصت وريام تلعب يمي بجيس الجبس ...
مروان: سمر كافي مشاكل والله تعبت منج هاي امي راح تموت من وراج شتريدين يعني فهميني البيت كله ع حسابج وممقصر وياج بشي شنو سالفتج
سمر: لا مشاكل ولا شي طلكني اني اريد اطفال وانت مايصير عندك شنو ذنبي اني ابقى وياك
مروان: ها يعني هيج والحب وين راح يعني جنتي خابصه نفسج وخابصتني احبك واحبك تاليها هيج
سمر: ها هيه اني كلت الي عندي طلكني وكل واحد بطريق والله يوفقك
مروان: ماشي بسيطه انتي طالق طالق طالق يلا ولي من كدامي
راحت لمت ملابسها وذهبها واجه اخوها اخذها روحه بلا رجعه
طلعت مخنوك وضايج وجكاره تجر جكاره ...
ايهاب: وصلتني رسالة تهديد من رقم غريب حاولت اتصل يطلعلي الرقم غير معروف دخت حيل اجه صديقي شافها وهم اتصل ونفس الشي ..
اسيل: ريام نعست اخذتها تمددت ونومتها يمي غفت واني هم غفيت ..
غافيه واسمع صوت باب السطح انفتح هو عدنا الباب حديد وبي زياده ماعرف شنو المهم يصير صوت قوي من ينفتح
كعدت خايفه ممعقوله بزونه تفتح الباب ولا نكول من الهوى
كمت من مكاني اكو حركه بالبيت وبس شنو ظلمه قفلت باب الغرفه وجسمي يرجف
ركضت ادور موبايلي ماكو نسيت
شلون ياربي
ايهاب: الرساله مكتوب بيها راح اندمك
ميكدرون يسوولي شي اكيد قصدهم عائلتي
اتصل ع اسيل مغلق مره مرتين عشره نفس الشي
اتصل ع مروان مايرد الف مكالمه ومايرد
اسيل: تقربت يم الباب اسمع حجي اكو ناس بالبيت يييمه شلوون شسوي
فتحت الجرار بهدوء طلعت مسدس ايهاب ماعرفله رجعته ضميته ... طلعت سجين صغيره خليتها بجنطتي
رحت ع ريام لفيتها ببطانيتها واني لفيت شالي حتى ماشوف اطلع حذاء
فتحت الشباك بهدوء شمرت جنطتي وكعت بالكاع
رحت شلت ريام ونزلت بالكوه هوب وكعنا بالكاع خليت ايدي ع حلكها هاي لو تبجي راح يلزموني
اخذت جنطتني ورحت امشي بهدوء
ماعرف بيش الساعه بس ليل وماكو احد بالشارع بس جلاب بيت مروان 10 دقايق ونوصل بس هم بعيد يعني واني وحدي وليل
امشي ووكفت سياره كدامي انفتح الباب وشخص دفعني من وره
ايهاب: اتصلت ع ضابط صديقي كال هسه اخذ دوريه واروح لا تخاف
وره شويه وصلتني رساله ثانيه
(مو كلتلك اندمك بنتك ومرتك بعد متشوفهن هههههه)
سمر :طلعت من جنطتي موبايل مروان اسفه بس مجان بيدي غير هذا الحل حتى احمي حبيبي💔
...............................................................................................................................................
شلون بدايه لعبان نفس 😟🌝
اعرف البارت قصير بس راح احاول كل يوم او يومين انزل بارت واطول
