الامر صعب حقا عندما تترك اغلى شخص لديك من اجل عائلتك ...
اسيل: حاول وياي ايهاب بس ماقبلت وضليت ابجي
ايهاب: هسه شبيج تبجين بس فهميني
اسيل: ماريد ماريد وخر عني
استغفرك ربي فهميني ليش بيج شي انتي
لا مابيه شي بس ماريد هسه اداوم اول
ايهاب: يعني شيختلف اني مو كلتلج ارجعج للمدرسه
اسيل: واني اوعدك اول يوم دوام بالليل نسويها تمام هيج
ايهاب: يلا ميخالف مابيدي شي اصبر والله كريم. نزعت قميصي يلا وخري اريد انام
اسيل: حضنته ونام ل12 يلا كعدنا
فجر: الشاحن مالتي بقى بغرفة اسيل دكيت الباب فتحته توها كاعده كالت دخلي اخذي الشاحن وهيه راحت للمطبخ
دخلت خليت جهازي ع الشحن بعد عليمن اخذه هناك واكعد ادور نقطة شحن هنا هم يشحن خليته بده يشحن درت واشوف ايهاب نايم
اسيل: خليت الجاي ع النار واجيت اكعده لكيت فجر صافنه ع ظهره
ركضت غطيته ولجج عينج وخريها هذا رجلي
فجر: ههههه يمعوده شسالفه مراح اكله
ايهاب: سمعتهن يحجن فتحت عيوني
فجر: كعد باوعلي ابتسمتله
ايهاب: دسدي حلكج شهل ابتسامه تخرع يلا طلعن منا اريد انام بالليل عندي دوام
اسيل: طلعنا وطفيت الضوه رحنا نتريك
ايهاب: نايم واكو صوت جهاز يهتز كعدت اباوع مو موبايلي مديت ايدي اخذت موبايل فجر اي منه الصوت فتحته اشعارات من الفيس سويته صامت ورجعته ع الشحن
فجر:نتريك اني واسيل فكرت شويه هيه تحب رجلها واني ماعندي غيرها اذا صار شي لو تركها علمودي راح تكرهني وهيه هم ماعدها غيرنا قررت اخلي خطه جديده
اسيل: وين صافنه ولج تريكي
فجر: اسيل اريدج تساعديني بشغله حبابه
اسيل: احجي شنو
فجر :باعي اني احب مروان بس هو يحب بنيه ثانيه وهاي البنيه اهلها مينطوها اله وباقي يتأمل اريده اخلي يحبني
اسيل: شلون تخليه يحبج
فجر: راح اسوي واتساب واضيفه واحجي وياه ع اساس بنيه معجبه واحاول اغير صوتي وشويه شويه اخلي يتعلق بيه ها شتكولين
اسيل: والله ماعرف وهو صديق ايهاب يعني اذا صار شي نروح بيها والله
فجر: هههههه لا تخافين ماريد منج بس شي واحد وبعد ما ادخلج ابد
اريد رقمج افعل بي واتساب لان تعرفين ماعندي خط
اسيل: ها اوك عادي اني ممسويه بي بس الفيس خلصي واخذي واني انظف شويه
فجر :خلصت اكل رحت لغرفتهم بهدوء فتحت الباب الموبايلات كلهن ع الميز اخذتهن وطلعت رحت لغرفتي قفلت الباب فتحت موبايلي نزلت واتساب وفتحت موبايل اسيل اخذت الرمز لان وصل ع موبايلها وفتحت موبايل ايهاب اخذت رقم مروان وبهدوء رجعتهن لمكانهن
دزيتله رساله انتظرت شكد بس مارد
مروان :سمر ليش تحجين هيج والله احبج
سمر :كافي عوفني اشوف حياتي ماكو فايده اهلي ميقبلون واخواني هددوني اذا رفضته يرموني واني اصلا كرهتك حياتي صارت جهنم من وراك كافي عوفني حرام عليك
مروان :ماشي اذا هذا يريحج شوفي حياتج ركعت الموبايل بالحايط وطلعت
اسيل :خلصت تنظيف وفجر خلت دجاجه بالفرن وطبخت تمن واني هم ساعدتها يعني سويت اشياء بسيطه زلاطه وطلعت طرشي والمواعين رحت اكعد ايهاب يتغده
كعدت يمه السرير واباوعله وهو نايم جريت موبايلي اخذتله صوره احس بعد ماشوفه نزلت دموعي ليش هيج
ايهاب :اسمعها تبجي وتشهك فتحت عيوني شبيج اسيل ليش تبجين ضجتي مني لو فجر غاثتج بحجايه تعالي جريتها بحضني
اسيل :احبك لا تعوفني
شبيه مخبل واعوفج لج انتي روحي شلون اعوفج كافي بجي واحجي منو مضوجج
:محد مضوجني بس مشتاقتلك مسحت دموعي يلا امشي نتغده
ايهاب :اغسل واجيج
خلصنا غده
اسيل :صبيت جاي لأيهاب اخذ الكلاص يريد يشرب واندك الباب راح فتحه سمعته يحجي طلعت وراه يحجي ويه مروان دخلت بسرعه لج فجر لحكي هذا مروان يمكن عرف رقمي و كال لأيهاب عزززه
فجر :لج شلوون هسه والله يذبحنه هذا رجلج مبين ميتفاهم
اسيل :😭😭الله يرحمني من هسه
فجر :ويرحمني تعالي نقفل الباب
ايهاب :شجاك يمعود تشرب بالنهار وجاي البيتي سكران
مروان :ششسوي رراحت الللل حقيره وورده تموت ااذا شافتني ششارب
ايهاب :ادخل الله يساعدج حجيه ورده ع هيج ابن معوق تفكيره تعال استند عليه
فجر :قفلت الباب واباوع من فتحة القفل دخل ايهاب لازم مروان ومدده بالصاله لجج عززززه رجلج كتل مروان
اسيل :لالا والله ميسويهاا هذا صديق عمره
ايهاب :وين اختفن دكيت باب فجر
اسيل :خلص انتهت حياتي تمددت جوه السرير
فجر :بهمس لج شسوين جوه تعالي نموت سويه
اسيل :والله مشكلتج تسوين مصايب اني شعليه
فجر :شسوي هسه اني وهذا كسر الباب من الدك يلا خل اعترفله واطلع اختي من الموضوع
ايهاب: شنو الموضوع فتحن الباب شسون جوه
فجر:فتحت الباب بس اسمعني والله اسيل معليها اني سويت هيج لان احب مروان
ايهاب: اني شعليه دمشي احسلج
اسيل: لالا عوف اختي اروحلك فدوه
ايهاب :روحي فجر سوي كهوه هذا سكران
فجر :ركضت للمطبخ الحمدلله طلعت سلامات
ايهاب :دنكت جوه السرير انتي شعندج هنا دطلعي لا تختنكين جريتها من ايدها
اسيل :لالا ماريد اموت الله يخليك
ايهاب :لج بابا انتي خبله طلعي ما اسويلج شي
اسيل :احلف
ايهاب :استغفرك ربي يابه وعيونج الي احبهن ما اسويلج شي
فجر :سويت كهوه انتظرت ايهاب وماكو عاد اخذتها اله لكيته متمدد ويهذي
عيني مروان اكعد اشرب الكهوه
مروان :بسيطه سمر مديت ايدي ع اساس اخذ الكهوه من ايد فجر جريتها وكعت فوكي حاوطتها وبستها
🌝🌺🌝🌺🌝🌺🌝🌺🌝🌺🌝🌺🌝🌺🌝🌺🌝🌺شويه قصير البارت باجر اعوضكم وغلسن ع السحكات 😚
