كولوله مآ تعشك بعد !
مره وجوتهآ الحركه
كولوله مآ تنشف دمع
مو هينه هيج الفركه.
.
.
.
.
حاولت افتح ايديه بس ماكدرت
وره شويه رجع وبيده بطل مي وجداحه
واكو رايحه مال نفط خفت حيل هذا يريد يحركني لو شنو ..وكف باوعلي شمر البطل وراح ياربي هذا مخبل والله مو صاحي
وره شويه رجع وبيده سطلين
هذاااا شنوو نفط شتريد تسوي عقلك وين
ايهاب: اشششش هسه اعلمج منو اني تقربت منها وبيدي سطل نفط هيه كاعده واني واكف وشمرته عليها غركتها نفط
فداء: سديت عيوني وخشمي هذا نفط وريحته قويه ماكدر اتحرك جسمي خدران من الوجع وايديه مربطه
اخذ السطل الثاني وع نفسه سبح بي
ياربي هذا شبي
شتريد تسوي حرام عليك تتيتم ريام
بعدها حتى مكامله سنه وحده طلكني اذا تريد بس لا تحرم بنتي من امها
والله اسفه ع كلامي لاتسوي بيه هيج
اني مرتك وانت تحبني ليش تريد تموتني
ايهاب: تقربت منها اي حبيبتي ولان احبج راح احرك نفسي وياج حتى ماتبقين وحيده بجهنم
فداء: خوف ع تفكير ع الم تقرب مني
خليت راسي ع صدره كـ محاوله اخيره فاشله
ايهاب: فتحت ايديها
واخذتها وكفنا بنص الغرفه جبت الجداحه
حضنتها وشعلت النار
فداء: دخت وفقدت الوعي
ايهاب: طفيت الجداحه واخذتها بحضني وكعدت بالكاع اضرب ع خدودها كعدي ولج خليت راسي ع صدرها كلبها ينبض مميته
شلتها وللحمام دخلتها بالبانيو والمي يصب
وره دقيقتين فتحت عيونها بثكل
اسيل حاجيني انتي بخير
اسيل: رفعت ايدي تلمست حلكه ..اشتاقيتلك
ايهاب: حبيبتي اني منو ها
اسيل: حبيبي اهوبي
ايهاب: يعني تتذكريني مو
اسيل: شبيك طبعا اتذكرك
ايهاب: يبتسم اييي واخيرا رجعتلج ذاكرتج هذا حسن كال لازم صدمه او حادث يلا تكدر تتذكر ...
اسيل: تعال جريته دخلته وياي وايدي تتلمس حلكه اضحك احب اشوف ضحكتك
ايهاب: خل نسبح ونطلع لان هذا نفط خاف نحترك
اسيل: تبجي ااخ وجع بجسمي ليش سويت هيج بيه
ايهاب وهو ينزعها ملابسها اسف عمري بس والله تعبت ومجان بيدي غير هذا الحل
حتى تتذكريني
بس وعد مراح اأذيج بعد لأي سبب جان
اسيل: حضنته وووو ....
عوفوهم فرحانين رجعت ذاكرتها 👐😹
ابرار: اخذني ابن خالتي لبيتهم حبسوني بالغرفه يوم ثاني كعدت كل حيل مابيه جوعانه وجسمي يرجف والدم يابس ع وجهي وملابسي
رجليه كلهن تراب وشعري مكطع
كمت بالكوه اكو شباك صغير ع الشارع
يدخل منه ضوه الشمس يعني هسه نهار اسمعهم كاعدين ياكلون مدري ريوك مدري غده ويسولفون ... رجعت تمددت ميته جوع
