هناك شيء لم ادركه ابدا وهو ان المركز والفندق مرتبطان فـ المركز يجمل الفتيات ثم يذهبن الى الفندق هذا امر ادركته بعد فوات الاوان
اسيل: وصلت للبيت حجيت ويه ماما وجان ردها
الام :بنتي اكو شي غريب بالموضوع محد يساعد احد هلكد اله يريد مقابل اكبر دير بالج توافقين واصلا مبين هذا المدير مو راحه بعد لا تروحين واني اشوفلج شغل يم رحمه الحفافه
اسيل: ماما شتحجين اصلا رحمه متحبني وتغار مني
ونحن نتكلم سمعت جرس الباب ذهبت لأفتح الباب وهنا كانت الصدمه كان اخي الصغير وزوجته
سيف: شبيج صفنتي هلووو
اسيل: تفضل دخل ومرته وياه اخذتهم للأستقبال رحبت امي بيهم
صبيتلهم عصير وكعدت يمهم
اسيل :لقد عرفت من البدايه قد اتى من اجل مصلحه فـ زوجته قد ولدت من فتره قريبه وتحتاج الى شخص يهتم بالطفل وبعد جدال دار بيني وبينهم وقفت امي الى جانبهم وذهبت معهم وتركتني وحيده ماذا افعل الان
سديت الباب والف فكره ببالي نمت كعدت المغرب ع صوت الأذان طلبت من ربي التوفيق
صليت وخلصت فتحت الثلاجه طلعت طماطه سويتها حمس 😋 طلعت مسلسل الي نتابعه اني وماما اريد اكل واندك الباب اهوو منو هذا
طلعت فتحت الباب
ابرار: هلاو اسيل شلونج هذا صحن دولمه سويت وتذكرتج تحبيها هاج اكلي بالعافيه
اسيل: عمري بروره فدوه للي تتذكرني وتعزلي 😍احبج اخذته من ايدها تعالي دخلي
ابرار: لا كنان يريد عشه رايحه اصب وانتي تعالي تعشي ويانه
اسيل: لا حبي دايمه اني ماارتاح اله هنا
بوستها وراحت قفلت الباب ورجعت ع المسلسل
ابرار:كنان تخبلت البنيه وحدها بالبيت مو عيب عليك اكعد واسكت لا تسوي فضيحه هي اصلا بدون شي وتكرهك
كنان: معليج انتي روحي منا لا اكطع الحزام ع ظهرج
غيث: الساعه 1 بالليل عندي بنات رجعتهن لبيوتهن ووكفت بشارع بيت اسيل ماعرف ليش بس وكفت وافكر بيها ياربي دخلت كلبي
اسيل: سمعت صوت شي وكع فتحت عيوني ماكو كهرباء اوف شبيه غفيت كمت اتلمس اريد الموبايل دخلت بالمواعين اهووو هاي اني ما شلتهن اوف
غيث :نزلت من السياره ورحت امشي وكفت يم بابهم شجابني هنا
كنان: بيتنا بصف بيت اسيل نزلت عليهم وكهرباء ماكو كلت اعلمها شلون ترفضني لان ظلمه عثرت بالطاوله ووكع كلاص رحت امشي شفتها طلعت من الغرفه رحت وراها وحضنتها من وره
اسيل: شخص حضني يمه حرامي صرخت صوت
كنان: اششش بت الكلب صوتج
اسيل: حيوان عووفني متستحي قليل ادب شتريد مني لك الدنيا متروسه بنات ما اجيت اله عليه
كنان: لج احبج انتي ماتفهمين لو حقاره
اسيل: شمرني ع الكاع وصار فوكاي ويجر بملابسي
صرخت ساعدوني وخله ايده ع حلكي
غيث: سمعت اصوات بس اخر شي جان صوتها واضح افتح الباب مقفول
صعدت السياج ونزلت بالبيت ظلمه فتحت فلاش الموبايل ودخلت
اسيل: ادفع بي ماكو ودخل علينا شخص كلت لا هاي هيه كملت اكيد هذا صديقه وراح يغتصبوني لو يذبحوني
غيث: شفتها تحاول تبعده عنها وهذا الحقير الي ضربته قبل فتره واشمر نفسي عليه وجريته منها ونمت فوكه بوكسات
اسيل: ماشوف منو هذا ركضت للغرفه دخلت وقفلتها
غيث: دممته واخذت شال ع الباب لكيته ربطت ايديه
اخذت موبايلي اتصلت
تعال هنا شخص حاول يعتدي ع بنيه هذا العنوان ربطته لا تتأخر باي
اسيل: ماكو بعد صوت واني خايفه وابجي منو هذولي شويه اجت الكهرباء واسمع الباب يندك اخاف اطلع
شويه انكسر الباب عزززه
مروان: الشرطه هنا لا تتحرك
سمعت شرطه فتحت الباب مال الغرفه
5 شرطه اخذو كنان وكالولي لا تبقين وحدج هنا امشي ويانه
اسيل: عموو معليه شي بس هذا اخذو واني اكون بأمان
مروان: ماكدر اعوفج هنا الضابط ايهاب وصاني عليج
عمو منو ضابط ايهاب
مروان: هو الي لزم هذا المجرم
يعني ضابط جان هنا ونقذني منه لازم اشكره
مروان: هسه امشي والله كريم
اخذت موبايلي وجنطتي ولبست حذائي وطلعت وياهم
وصلوني بيت ويمه شرطه
تعالي بنتي
رحت وياه دخلنا للبيت يخبل وهدوء
عمو هذا بيت منو
بيت الضابط وهو وصاني اجيبج هنا لان امان ومثل ماشفتي اكو حراسه لا تطلعين ابقي هنا احسن الج وشنو تحتاجين موجود اعتبري بيتج يلا هسه اني اروح عندي شغل
اسيل: نزعت حذائي ودخلت لغرفه نوم تخبل شمرت نفسي ع السرير اوف جانت ليله طويله لازم انام باجر عندي دوام
ايهاب: رجعت للبيت ب3 ونص بالليل دخلت لغرفتي لكيتها نايمه غطيتها وطلعت نمت بالغرفه الثانيه
اسيل: فزيت ب5 الفجر اني هذا طبعي اذا مو يم ماما انام يصير نومي متكطع كعدت اكو حمام غسلت وطلعت كلت لازم اشوفه حتلو صوره يجوز يطلع المعجب السري الله شكد حلو لو معجبي السري ضابط يارب مو شايب رحت افتر ماكو صور بس طبيعه وحيوانات فتحت غرفه عزززه شخص نايم يمكن هو خل اتقرب
رحت امشي ع اطراف اصابعي وصلت يم سريره نايم وبدون ملابس متغطي حد النص والمخده ع راسه يعني ماشفت بس ظهره اسمر وعضلات حسيته تحرك ركضت بسرعه انضربت بالباب اخخخ يمه
ايهاب: شبيج بابا ؟
👑👑👑👑👑👑👑👑👑👑👑👑👑👑👑👑👑👑👑👑👑👑👑👑👑👑
