اسفه اعرف متأخره بالتنزيل عندي شويه مشاكل .....
.
.
.
.
.
.
دعاء: شلت المواعين للمطبخ وسمعتهم يحجون وايهاب يسألها تغارين
اسيل: اي طبعا ليش هو اكو وحده متغار ع زوجها ومو اي زوج اسمر ومعضل وصوته رجولي وكلبه طيب وحنون
ايهاب: لالا صراحه اخجل هههههه دمشي جهزي باجر نطلع
دعاء: دخلت للمطبخ
اسيل: جريته من ايده وطلعنا راح كعد يم امه واني رحت للغرفه تمددت
مروان: اريد اطلع وصاحتني الحجيه
الحجيه: يمه تعال عندي موضوع وياك
مروان: ها يمه احجي شنو السالفه
فجر: صبيت جاي للحجيه اريد ادخل وسمعتها تحجي ويه مروان
الحجيه: يمه ليش ماتتزوج فجر خوش بنيه وهم تكسب بيها اجر وتسترها يمك
مروان: يمه شهل حجي تدرين بيه احب سمر وماعوفها
ولك يمه مو الف مره خطبناها وابوها ماقبل بعد شتريد منها عوفها تشوف حياتها وانته شوف حياتك وفجر بنيه خدومه وشايله البيت
مروان: يمه سدي الموضوع يلا طالع
فجر: رجعت للمطبخ وعيوني مدمعه خلص لازم مابقى هنا بعد
رحت للحجيه يمه عندج رقم رجل اختي
الحجيه: هاج يمه انتي شوفي كاتبه على رقمه ايهاب3
فحر: اخذت الموبايل اكلب اكلب طلعته اتصلت
اسيل: متمدده ودك موبايل ايهاب اخذته حجيه ورده فتحت خط الوو
فجر: الو هذا رقم ايهاب مو
اسيل: اني اسيل انتي فجر مو
فجر: ايي عمري شلونكم يمتى ترجعون
باجر نرجع وكال ايهاب ناخذج تعيشين وياي
فجر: تمام عمري انتظركم يلا باي
يوم ثاني ودعنا اهل ايهاب ورجعنا للبيت عبرنا ع فجر اخذناها
وصلنا ايهاب راح يسبح واني وفجر نسولف طلع ايهاب رحت وراه
اسيل: دخلت وقفلت الباب
ايهاب: ياساتر شكو
اسيل: شلوون وين انام اني اختي راح تبقى بغرفتي
ايهاب: تقربت منها شنو وين تبقين غير انتي مرتي ولازم تبقين بغرفتي
اسيل: كلبي يدك ع السريع وهو ملابس بس لاف المنشفه ووخرر دفعته وطلعت
فجر: كاعده امشط دخلت اسيل لونها مخطوف
شبيج ولج شصار
اسيل: ها لا ماكو شي ارتاحي هاي الغرفه الج جمعت اشيائي ورحت
ايهاب: لبست قميصي دخلت الفاهيه
اسيل: رتبتهن بالكنتور وخليت موبايلي ع الشحن وكعدت اباوعله وهو يبدل
ايهاب: شفت خلفية موبايلها بنيه تشبهه ها يا حلو شو تباوع
اسيل: اي معجبه بيها شي يعني
هسه انته تروح للدوام ويمتى ترجع
ايهاب: اشوف يمكن يومين او اقل لا تخافين اختج وياج وراح اوصي مروان هم يمر عليجن والبيت بي مسواك وها صح طلعه تره ماكو اكسر رجليها الي تطلع فاهمه
اسيل: تمام وكفت وراه وهو يباوع للمرايه
ايهاب: ها شتريدين قزمه
اسيل: منوو قزمه اصلا اني طويله بس انته ضخم
ههههههه اي هم صح يلا طويله لا تزعلين
اسيل: حضنته من وراه احبك لا تتأخر عليه
ايهاب: تدللين ست اسيل شعندي غيرج
راح ايهاب واني نظفت شويه وفجر راحت تسوي كيكه لان اني ماعرف خلصنا قطعت الكيكه واني صبيت عصير طلعنا مسلسل كوري
فجر:اسيل تعرفين احنا ايتام
اسيل: اي اعرف وبابا الله يرحمه تاجر شنو الجديد
فجر: تاجر معروف يعني عنده املاك يعني غني زين انتي مافكرتي وين راحت هاي الاملاك والفلوس
اسيل: صدك والله شو مافكرت بيها
فجر: لازم نمشي وره هل سالفه هاي حقوقنا ورث من بابا خلصنا كل هاي السنين بالحسره
اسيل: من يرجع ايهاب احجيله وهو اكيد راح يساعدني لان يعرف هواي ناس
فجر: سمعت جرس الباب كعدي اني اشوف منو رحت فتحت الباب
مروان: شلونج فجر وصاني ايهاب امر عليجن اشوف خاف محتاجات شي
فجر: مروان اطلب منك شي
:تفضلي أمري
:اريد موبايل ماعندي
مروان: ماشي باجر اطلع واشتريلج
فجر: تسلم متقصر تفضل ادخل
مروان :لا بس اجيت اشوف اذا محتاجات شي
فجر: لا تسلم كلشي موجود
اسيل: فجر راحت تفتح الباب واني اخذت ملابس ايهاب اغسلهن غسلت وخلصت وهيه بعدها
خلص اليوم بس بالليل اشتاقيتله اخذت موبايلي اتصلت مايرد اوف ليش حاولت انام مايجي نوم اروح منا ارجع منا وماكو شويه غفيت اندك الباب طفرت من مكاني كلت رجع ركضت فتحت الباب
مروان: صباح الخير اسيل
اسيل: صباح النور تفضل
لا مستعجل بس هذا مسواك وهاي العلاكه تنطيها لأختج فجر وصتني ع شغله
اسيل:تسلم اخويه تعبناك
هو راح واني اخذت المسواك عزلته كعدت فجر انطيتها العلاكه فتحتها موبايل يخبل
هيه تعرف للموبايل لان جان جهاز رجلها دائما عدها
فتحته شحنه قليل كلتلها شيلي موبايلي وشحني بمكانه
فجر: شلته وخليت موبايلي طلعت الخلفيه تخبل ولج اسوله اريدها هاي الصوره
اسيل: تدللين بس شلون ادزها الج سوي فيس
فجر: تمام سويت فيس وضفتها دزتلي صور عجبتني هاي الي بخلفية موبايلها خليتها شخصيه للفيس ضفت من اصدقائها طلعلي حساب ايهاب هم ضفته وسديت رحنا نتريك
العصر
اسيل :اني وفجر نلعب بالموبايلات دك عليه ايهاب رديت بسرعه
ايهاب :عمري اسف البارحه متصله عليه مجان يمي الموبايل
اسيل :لا عادي بس بالي يمك يمتى ترجع
ايهاب :باجر حبيبي من الصبح اجيج
اسيل :هههههه هلا بيك
فجر: كلش ضجت اختي رجلها كل الصفات الي جنت اتمناها بفارس احلامي موجوده بي واني حظي ماراح اله ع السكير الخايس
ايهاب :راحت اسيل سديته منها فتحت فيس واصلني طلب هاي نفس خلفية اسيل يعني هذا حسابها قبلت الطلب
فجر :نباوع مسلسل وصلني اشعار وافق ايهاب على طلب الصداقه
اسيل :شنو وصلج
فجر :طلب من بنيه
اني نعست راح انام
دخلت للغرفه تمددت ودزيتله رساله
هلاو
ايهاب :هلا عمري
فجر : شوف طلع خاين حلو من بدايتها عمري
خل اكتبله احبك
ايهاب :اعشقج
فجر :هلو هلو ميستحي خاين
فجر :حبيبي اريدك
ايهاب :عمري اختج يمج وباجر راجع واعوضج
فجر :يمه طلع يدري بيه فجر لان هو ضايف اسيل ويعرف حسابها عزززه طلع يحبني
اسيل :دخلت ع فجر
فجر :بسرعه سديت الموبايل وضميته جوه المخده ها شبيج اسوله
اسيل :تمددت يمها احبج 😙
بالليل
فجر :نامت اسيل غطيتها واخذت الموبايل بهدوء ورحت للحمام. دزيتله رساله
تعرف انته تعجبني وكلشي بيك يعجبني رجولتك وشخصيتك تمنيت اكون مرتك
ايهاب :وصلتني رساله من اسيل هاي شبيها اليوم يمكن تريد يكمل زواجنا بس تستحي
خل ارد عليها
ايهاب :حبيبتي ان شاء الله انتي مرتي واني حيل تعجبني انوثتج وجسمج تحظريلي باجر ما اصبر بعد من اول يوم شفتج دخلتي عقلي
فجر :كلامه نهاني طلع هو هم يريدني يلا اصلا مراح يصير شي لو نام وياي مره واعرف
اختي فاهيه خل اجهز من هسه
اسيل :كعدت ع ريحة شي يحترك كمت للمطبخ لكيت اختي مسويه شيره
هاي شنو شلج بيها بهل ليل
فجر :ولج اسوي ايديه وانتي هم تعالي اسويلج عود انتي متزوجه شهل شعر
اسيل :كعدت يمها سوتلي وبما انو محد بالبيت نزعت ملابسي سوتلي جسمي كله وحفتلي وجهي وحواجبي غير متت بجي
طلعت مكعبات ثلج مشيتهن ع وجهي خلصنا ب3 ونص اني رحت نمت بغرفة ايهاب وفجر هم نامت بغرفتها
ايهاب :رجعت الصبح عندي مفتاح دخلت هدوء يمكن بعدهن نايمات دخلت للغرفه اسيل نايمه تقربت بستها
اسيل :فتحت عيوني عمررري حضنته
ايهاب :اسبح واجيج تحظري !!!
🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊🌺🙊حبابات غلسن اذا اكو سحكات
