- أنا النعيم الذي ستبكي على فقدانه عمـرا ....
.
.
.
.
.
ام ايهاب: بعد الي صار رجعت للبيت تعاركت ويه دعاء وطبعا زيد وكف ويه مرته وايهاب يكول لا معليها ياسحر يا بطيخ انتي خرفتي وكلهم صارو ويه دعاء وام ايهاب ماتحملت وضربتها جلطه وماتت
اسيل: بقيت 4 ايام بالمستشفى وراها طلعوني اخذني بسام البيته جانت حالتي النفسيه زفت بس مقهوره وابجي وهو يحاول يخفف عني يسولفلي نكت ويشتريلي اكلات احبها يحاول يطلعني بس ماقبلت عاد شويه شويه صرت احسن وراها قررت اطلع رحت اول شي لبيت ايهاب اخذت اغراضي وجنطتي والموبايل ورجعت حجيت ويه بسام ع الورث لان اريده هسه بهاي الفتره
كال لازم معلومات عن اهلي واني جنت صغيره مااتذكر شي فـ كلتله فجر اكيد تعرف امشي نروحلها وصلنا بيت مروان
بسام بقى بالسياره واني نزلت دكيت الباب طلعتلي بنيه
كالت تفضلي
اسيل: فجر موجوده؟
سمر: يا فجر حبيبتي غلطانه بالعنوان
اسيل: شلون غلطانه هذا بيت مروان مو
سمر: اي هو بيته انتي منو
اسيل: انتي منو
سمر: اني مرته
اسيل: يعني تزوج هو وينه اريد احجي وياه
سمر: مموجود عيني تريدين اكوله شي من يرجع
اسيل: لا شكرا عفتها ورجعت للسياره
بسام: ها شصار وينها فجر
اسيل: مموجوده ماعرف وينها امشي نروحله للمركز
بسام: لا مااكدر اروح هناك
اسيل: ليش؟
بسام: سالفه طويله
اسيل: تمام اني اروح
بسام :ماكو ماترحين كلهم زلم
اسيل: ها بدينه بعدم الثقه
بسام: لا مو هيج بس اخاف عليج
خل ننتظره يطلع واحجي وياه
اسيل: تمام
وننتظر ننتظر ننتظر وره ساعات يلا طلع هو ووياه ايهاب يمشون
اني خفت اروح فـ راح بسام واني بقيت بالسياره اباوعلهم
بسام: الله يساعدكم
ايهاب: شتريد انته بكل مكان وراي
بسام: هههههه ماريد منك اريد احجي وي مروان بموضوع مهم
مروان: تفضل
بسام: اريد اسألك ع فجر جانت عايشه عندك وهسه وين راحت
ايهاب: يعني مكافي عليك اسيل النوب لحكت فجر
مروان: كافي ايهاب خل احجي شبيك اخذتنه حاصل فاصل
فجر صار اكثر من 10 ايام من طلعت من بيتي وبعد ماعرف عنها شي
بسام: يعني ماعندك فكره وين ممكن تكون
مروان: لا بس اذا عرفت شي راح اكلك
بسام: هذا رقمي كلشي يصير اتصل عليه تمام يلا الله وياكم رجعت للسياره
ايهاب: اخذت الرقم من ايد مروان وشكيته خيولي
مروان: شبيك يمعود الرجال ممسويلك شي
ايهاب: ممسوي لك اخذ اسيل مني
مروان: اي كله منك مو انته ماخليت شي يعتب عليك ضرب واهانه وخيانه وطلاق بعد شتريد منها عوفها تشوف حياتها بعيد عنك وعن سوالفك المكسره
اسيل: ها شصار
بسام: مايعرف عنها شي طلعت من بيته صار 10 ايام
اسيل: هسه شلون وين نلكاها
بسام: خلص عوفيها عليه ارتاحي انتي ايام وارجعها الج هسه امشي للبيت
اسيل: اني وياه عايشين بنفس البيت بس لازم تخلص عدة الطلاق يلا نكدر نتزوج هو اهله موجودين بس بيناتهم مشكله وطالع منهم صح استحي منه بس مابيدي شي يعني وين اروح واني لا اهل لا شي وحتى فجر ماعرف وينها
ها مكلتلكم تعلمت اطبخ تمن بعد اني لا شغل لا عمل بس لازمه الموبايل ع اليوتيوب واتعلم طبخ
بسام يشتريلي مواد واني اجرب ويخرب الاكل بس محاول يمنعني ابد بالعكس هو يشجعني اتعلم
بالريوك اسوي بيض وطماطه هاي سهله تعلمتها والغده اطبخ تمن وهو يجيب من بره دجاج شوي او سمج والعشه هم بيض وطماطه ويجيب كباب لو فلافل واسوي زلاطه وهيج تمشي الايام هو يطلع الصبح للشغل ويخليني نايمه اكعد البيت كله وصخ ولا عبالك منظفه بالليل ملابسه بكل مكان مواعين يتريك ويعوفهن وع هل وضع
المهم رجعنا ب4 العصر كال عنده شغله يخلصها ويرجع واني دخلت للبيت اول مادخلت اجه نت بموبايلي وصلتني رساله ع الماسنجر فتحتها من ايهاب يااا عزززه اني نسيت السالفه مو جنت ادزله بالبدايه وع اساس غير وحده هسه شسوي لازم احذف الحساب بس شلون رحت افتر شفت تسجيل خروج ضغطتها طلعت من الفيس عبالي خلص يعني انحذف خليته ع الشحن ورحت اسبح
فجر: طلعت من بيت مروان رحت لأختي طلع وضعها اسوء مني وماعرف اي مستشفى رحت امشي بالشارع ماعرف وين اروح شفت فندق كلت ابقى هناك رحت اخذت غرفه ليله وحده اجت مره باوعتلي كالت
ازدهار: يبنيه شعندج هنا وحدج
فجر: نزلت دموعي مسحتهن
ازدهار: لا تبجين تعالي نكعد واحجيلي مبين عليج مهمومه وماعندج احد
فجر: رحت وياها كعدت جابتلي عصير وضليت احجي وياها بس شو دخت انطتني ورقه كالت هاي اقامه هنا بس بسعر كلش رخيص واني وقعت بس عيوني يغوشن مشفت شنو مكتوب المهم نمت
ازهار: تعال قصي شيلها خوش حصلت صيده خل تفيدني شويه
بسام: رجعت للبيت تعبان ادورها ماكو سمعت مي بالحمام هاي تسبح خليت المفاتيح ع الميز شلت موبايلها وخليت موبايلي شفت واصلتها رساله ع الماسنجر من ايهاب اني مو من طبعي افتش بس صار عندي فضول شنو يحجون وهمه مطلقين
اسيل: طلعت من الحمام شفت بسام واكف يباوع ع موبايلي دار عليه
بسام: تقربت منها وهيه تراجعت صارت ع الحايط
تتواصلين وي ايهاب؟
اسيل: كلت ها هيه رحت بيها
لا والله من زمان واصلا هو ميعرفني بس ماعرف ليش هسه رد عليه اني اصلا ماريده
جسمي يرجف وبالكوه يطلع الكلام
بسام: لزمت خصله من شعرها مبلل هسه انتي ليش خايفه مني ماراح اضربج او اسويلج شي اني ماريدج تخافين مني اني سند الج مستحيل بيوم اأذيج
هسه كعدي هنا ولا تتحركين
اسيل: كعدت وهو راح طلع منشفه كعد يمي وخلاها ع شعري
بسام: لا تتمرضين شعرج يكطر مي انشف بشعرها وهيه تضحك
اسيل: خلص اني بعدني كاعده وهو تمدد ع السرير اريد اكوم جرني من ايدي وكعت فوكاه حاوطني بيده
عززه شكد فشلت اريد اوخر ماكدر
النوب فانيلته صارت كلها مي مني
كعد واني وخرت راح طلع قميص وكال
بسام: شوفي راح انزع اريدج تغمضين
اسيل: استغربت من طلبه اعتقدت يتشاقه بس غمضت وضحكت
هو نزع واني فتحت عيوني انصدمت جسمه كله مشوه كله اثار جروح وكدمات
هاااي شنوو شبيك
بسام: اني مو كلت غمضي ليش تعاندين
اسيل: كمت وكفت يمه شلون صار بيك هيج
بسام: هاي اثار تعذيب قديمه
اسيل: مشيت ايدي ع جسمه توجعك هاي الجروح
بسام: لا ابد قديمه صار سنين
اسيل :حضنته اسفه لان مجنت موجوده بحياتك
شلون جنت تعاني وانته وحيد
بسام : جنت اعاني بس هسه الله عوضني بيج سمعيني اني ماراح اخذلج ولا اخليج بيوم تندمين لان عرفتيني راح اصيرلج ام واب اصيرلج زوج وصديق اعوضج عن كلشي عشتي عن كل لحظه بجيتي بيها ع كل لحظه جنتي بيها وحيده اني راح اعوضج بس انتي ابقي وياي لان اني محتاجج بحياتي
يمكن انتي تعتقديني مثل ايهاب او اخلص وياج وكت
بس اني مو هيج ابد ونيتي صافيه وياج
اسيل :حضنته حيل اني تعبت هواي اريدك تكون راحتي سندي وملجأي
بسام: اني كلشي الج شلتها رفعتها وبستها
اسيل: منا خايفه اوكع ومنا باسني بقيت ابجي
بسام: هههههه شبيج تره ماسويت شي بس بوسه
:اهئ اهئ نزلني هسه اوكع
:يلا يلا نزلتها ثوله عبالي تتجاوبين وياي
اسيل: وخر عابت رحت للمطبخ يمه جسمي يرجف اثول هو هيج الي يبوس اشرب عصير احسن
اندك: الباب هاي صار كم يوم اني هنا محد يجي ابد رحت فتحته
شتسووي هنااا !!!!!!!!!
❤💙❤💙❤💙❤💙❤💙❤💙❤💙❤💙❤💙❤💙 بس غلسن اذا اكو سحكات 1119حرف هم كولن قصير 😒
