لا أعتقد أني سالتقي بشخص مثلك، ولا أعتقد ان يلفت انتباهي احد غيرك ايضآ يمكن اتحدث مع جميع انواع البشر، لكني دائمآ اجد نفسي افكر لماذا هم ليسوا مذهلين مثله
.
.
.
.
ريناد :سمعت صوت طلقه والضابط وكع..
درت واشوف بسام لازم سلاح خليت ايدي ع حلكي
عصام: تخبلت مات الرجال هو هيج عود حليتها انته
تعال وياي ناخذه للمستشفى لا نبتلي
عصام: ريناد دخلي للبيت بسرعه ولا تفتحين لأحد
صعدنا بالسياره ورحنا للمستشفى
اسيل: ولج فجر بسام وين راح
فجر: شمدريني وخري عني ضايجه
اسيل: كبر عود اسألها اروح اتصل بي احسن اخذت موبايلي يرن بس مايرد
ياربي شصاير
لليل وماكو لا رجع للبيت ولا يرد جان يرن ومايرد هسه مغلق
كل شويه اروح اباوع من الباب خاف يجي وماكو كلبي حاس اكو شي
فجر: تعالي نامي يجوز عنده شغل مهم لو واحد من اهله مريض نامي والصبح يجي لا تخافين
اسيل: رحت تمددت وبالي يمه
عصام:اخذنا الضابط للمستشفى طلعت الناس كلها تعرفه جنت اعرف بسام راح يسوي مصيبه اجت الشرطه وتحقيق بسام اعترف واخذوه واني كلولي ارجع لبيتكم جيب هويات واوراق وخلي محامي وادعي ايهاب مايموت لان اذا مات بعد ميفيدكم شي ويخلص اخوك عمره بالسجن
انطوني موبايل بسام ومحفظته ورجعت للبيت تلكتني ريناد تبجي
ريناد:من رحتوا لسه كل شويه يندك الباب وامي تعب كلبها وهم زين ابوي مموجود جان مات
اسيل: كعدت ماعرف يمتى نمت اصلا يمكن رجع رحت للغرفه مموجود وين راح ياربي اخذت موبايلي اتصلت يرن رد
الوو بسام وينك من امس ماكو ميته خوف عليك ارجع بسرعه
عصام: بسام اخذوه للسجن
اسيل: يمه سجن ليش شصاير
عصام: اكو ضابط تعارك وياي واجه بسام حط بكلبه طلقه
اسيل: يمه عزه العزاني سديته منه يمه كلبي يا ضابط خاف ايهاب شسوي هسه اني ركضت لبست حذائي وطلعت بالكوه وصلت بيته يارب كون مو هو دكيت الباب اكيد نايم اي اكيد دكيت مره ثانيه وثالثه ورابعه ماكو افتح ايهاب افتح الله يخليك افتح وكعت يم الباب احس جسمي تعب بالكوه اتنفس وابجي بخنكه لا تموت
اني حقيره كله مني كلشي بسببي لو مطالعه للحديقه جان هسه انته نايم يمي
رجعت بسرعه للبيت اخذت جنطتي وفلوس من الجرار وطلعت اخذت تكسي لأقرب مستشفى
وصلت نزلت بسرعه
السايق: يبنيه الكروه
اسيل: رجعت انطيته الفلوس اعذرني اخويه
دخلت للمستشفى سألت ولد كاعد مدري شيسوي مارد عليه
عفته رحت اسأل ياهو اشوفه اسأله وهناك يلا حصلت غرفته
فتحت الباب اريد ادخل متروسه زلم كلهم يخوفون ملابسهم زرك وخضر ورصاصي واسود وشواربهم يمه
واحد منهم انتبه عليه
يلا شباب نطلع اجت مرته
كلهم اجوي اختي شتحتاجين بس كولي احنا مانعوفه لا تخافين ورجعي للبيت وانتي مرتاحه الصبح يبقون وياه 3 وبالليل يباتون وياه غيرهم روحي انتي
اسيل: اريد اشوفه
ها تريد تشوفه يلا نطلع
اسيل: اوف واخيرا فرغت الغرفه سديت الباب ورحت يمه عمري مشيت ايدي ع عيونه وهو نايم اباوع لأيده شكد جنت احبها ومن يتعصب تطلع دمارات
لحظه اني شجاي اسوي اني مرت بسام هسه اريد امشي ولزمني
ايهاب: اوكفي
اسيل: رجعت يمه لزمت ايده شلون صرت انته زين مو مراح تموت مو راح ترجع مو
ايهاب: كافي مو مو مو شبيه اموت هيه الطلقه بجتفي يعني ماكو خطر عليه
اسيل: يااا وهذا عصام يكول بكلبه خوفني
ايهاب: خفتي عليه واجيتي تشوفيني اعرف بعدج تحبيني واني احبج عوفي بسام ورجعيلي
اسيل: شنو اعوفه وارجعلك ليش هو لعب انته مو طلكتني ليش هسه تريدني ارجعلك
ايهاب: ولج والله جنت عبالك بحلم يعني مجنت اعرف اني هيج سويت صدك
اسيل :اخذت جنطتي ورجعت للبيت ارتاحيت شويه بس بسام شلون بي
