كنُت أريد ان أخبرك بأن الجمّيع خذلني وبأني اصبحتُ اخاف من الجميع إلا انتّ,ولكنك خذلتنيّ قبل ان اخُبرك...
.
.
.
اسيل: رحنا لبيت مروان فرشتلي اختي وتمددت جسمي يوجعني حلكي ماكدر احجي وبداخلي غصه كل شويه عقلي يسترجع الي صار واموت بجي هذا الي حبيته هيج يسوي بيه غمضت حاولت اغفى حتى يروح الوجع وماكو اااخ شكد كرهته جنت احسبه سند الي هسه اني ليش افكر بي انام وباجر اروح اشتكي عليه ويطلكني احسن
دعاء:نايمين واندك الباب كعدت زيد اكعد الباب يندك
راح يفتح واني ضليت افتر ماعرف شصاير رحت يم الحجيه هم كاعده سألتني منو كلتلها ماعرف راح زيد يفتح
وشويه دخل زيد وايهاب
المجيه:يمه شجابك بهل ليل شبيك صار شي
ايهاب: رحت بوستها وخليت راسي بحضنها لا يمه ما صاير بس محتاج حضنج يمه ابنج ضايع وتعبان يمه الدنيا كسرتلي ظهري
دعاء:تعجبت شصاير يحجي ومخنوك وعيونه مدمعه لازم اعرف ومرته مو وياه اكيد صاير شي
الحجيه: يمه الله لا ينطي كلمن مأذيك
ايهاب: يمه لا تدعين انتي بهذا دعائج تأذيني اني يمه احبها وكسرتها راحت من ايدي ضيعتها ماسمعت منها تسرعت واذيتها يمه الشغل اخذ انسانيتي هاي بنيه شلون اذيتها بهل شكل
الحجيه: يمه الصبح نروح ونحلها هسه تمدد ارتاح وفكر بغلطتك حاسب نفسك باجر نروح عليها والله كريم ولج كومي نزلي فراش خل ينام الولد تعبان
دعاء:اي عمه كمت نزلتله فراش وبطانيه
ايهاب: تمددت شويه ارتاحيت مراح اخليها تروح مني راح ارجعها بحضني
الصبح: كعدت عركان سبحت وطلعت
دعاء:اريد اغسل ملابس زيد وطلع ايهاب سابح كال غسلي قميصي وياج اخذته خليته وياهن ورحت اغسل انتظرته طلع ويه زيد واني رحت لفيت القميص بعلاكه ولبست عباتي وطلعت
اسيل: كعدت جسمي مكسر ودايخه من البجي اختي صبتلي ريوك تريكت ولو ما اشتهي بس اكلت حتى لا تحركني معدتي مروان مموجود وامه نايمه وفجر تنظف وتطبخ واني رجعت تمددت مابيه حيل اسوي شي ونفسيتي زفت
ايهاب:رحت وي زيد للسوك هو يتسوك واني افتر شفت صايغ دخلت اباوع كلت خل اشتريلها شي بس شنو كلاده لو سوار اني مشايفها لابسه علمود اعرف شنو تحب اخير شي اخذت محبس ناعم ب200 ورجعنا للبيت بعد ما كمل زيد المسواك اول ما دخلنا تلكتني الحجيه
الحجيه: ولكم يمه شقار بيكم الساعه ب12 وهاي المهلوكه طلعت ومارجعت وانتم هم ماكو
زيد: دعاء طلعت وين راحت
دعاء:دخلت ها عيوني جنت يم جيرانه ام عبير خطيه مريضه كلش وجهالها يكسرون خاطري سويتلهم غده
الحجيه: ولج واحنا تروحين تسوين للناس واحنا نبقى بدون اكل
زيد: يمه على كيفج هسه اجيب دجاج شوي وطرشي ودعاوي تطبخ تمن ع سريع
ايهاب: عفتهم وتمددت طلعت موبايلي ادك عليها لو لا خل ادزلها رساله
اسيل: اني واختي وام مروان كاعدين نتغده ورن جهازي كلت اكيد من الشركه مافتحتها كملت غده وساعدت اختي شويه وكعدت كلت اتصل ع براء صار هواي ممحاجيتها فتحت الموبايل لكيت رساله من ايهاب مكتوب بيها بيت شعر هو اني شفهمني بالشعر واصلا زعلانه وماريده يحجي وياي شمرت الموبايل ونمت
ايهاب :صبت دعاء غده وزيد يساعدها وامي بس تحجي عليها وحنوشه مريضه وهوسه البيت خلصنا وصبت جاي وامي حظرت نفسها لان شويه ونطلع اتصلت ع مروان سألته ع اسيل كال مايدري شلونها لان طالع من الفجر للدوام وبعده ماراجع المهم اخذت امي وطلعنا
اسيل: كل شويه ارجع اشوف الرساله هسه اني ليش هيج يأذيني ويكسرني وبكلمه منه افرح وارجع احبه ليش كلبي ليش تعذبني اوف اصلا هو كلشي من وره كلبي هو خلاني احبه واتعلق بي
فجر: ولج اسيل مامليتي امشي نطلع بالحديقه نكعد شويه نغير جو راح تموتين بس نايمه
اسيل :مابيه حيل بس صدك ضجت بس متمدده تعالي لزميني استند عليج
رحنا كعدنا بالحديقه وفجر طلعت ام مروان هم كعدت ويانه وجابت كعك وجاي وسوالف شويه تغيرت نفسيتي
بالليل: اجه مروان وفجر راحت سوت عشه واني ساعدتها شويه وصبينه
اكل واباوع ع مروان وفجر عيونهم متفارك بعض ياجماعه شبيكم الاكل برد
خلصنا وهمه بعدهم ع هل وضع عفتهم ورحت تمددت خل ادزله رساله بعد ما اتحنل اخذت موبايلي كتبت
•
"بـ كُبر عِشرتنه شايل زعل كلبي عليك ؛
ايهاب: وصلنا للبيت دخلت السياره للكراج ونزلت امي وصلتني رساله فتحتها منها
اسيل: فاتت ساعه وماكو رد اكيد نايم لو طالع خل اروح للحديقه هناك الهوى يجنن بالغرفه خنكه اخذت موبايلي وسماعه وطلعت امشي بهدوء البيت ظلمه وين الناس عبرت ع غرفة مروان وسمعتهم
فجر: اااه ع كيف حبيبي
اسيل: باوعت من فتحة القفل يمه عززه العزاني هاي اختي شبيها صايره مستهتره ورخيصه ودك الموبايل بيدي بس هم زين ماكو صوت ايهاب يدك عليه طلعت للحديقه فتحت خط وخليت الموبايل ع اذني وامشي
ايهاب: شلونج
اسيل: شلوني ليش انته يهمك يعني
ايهاب : لج انتي اكثر شخص يهمني بالعالم كله انتي بنتي ومرتي انتي حبيبتي انتي المدلله مالتي تدرين بيه احبج وسويت هيج لان كسرتي كلمتي
اسيل: لان كسرت كلمتك انته كسرتني وحتى محاولت تسمع مني انته اذيتني هواي واني اصلا ندمت لان حبيتك وقبلت نتزوج لو يرجع الوكت بيه مستحيل اقبل
ايهاب: اسيل اني حبيتج من اول مره شفتج بيها حسيت نفسي مسؤل عليج يعني انتي خلي نفسج بمكاني تشوفيني صاعد وبصفي وحده مراح تتخبلين وتفقدين اعصابج جاوبيني
اسيل: ابجي وامسح بدموعي لااا اني جنت راح اسمع منك اكيد اكو سوء فهم مجنت راح اسوي مثلك واأذي شخص يحبني انته مو بس اذيتني انته خليتني اكره نفسي خليتني اتمنى اموت ولا يصير بيه هيج انته متفكر بس بنفسك
ايهاب: اعرف نفسي غلطت وتسرعت بس وعيونج اني احبج وكلشي صار من غيرتي انتي ماتعرفين شنو مكانتج بكلبي اسيل: كافي ايهاب اني ماريدك ماريد ارجعلك يعني تخيل كلما تتعصب تسوي بيه هيج اني شلون راح اتحمل اكيد راح اسوي بنفسي شي لو انتحر واخلص
ايهاب :انجبي ولج اسم الله شهل حجي واني بعد ما عيدها بس ارجعيلي اوعدج مراح المس شعره منج اله برضاتج
اسيل: هسه اني تعبانه اروح انام تصبح ع خير وسديته رجعت للغرفه نمت اوف احبه والله ماكدر اكرهه ابد
فجر: كافي مروان يلا نام مو باجر لازم نعقد
مروان: ايي حبيبتي تعالي حضنتها
ايهاب: كعدت الصبح بدلت وسويت ريوك وكعدت الحجيه تريكت خلصنا نريد نطلع احس جسمي ثكل اريد اتحرك ماكو اني المن رايح ختولي الحقيره الخاينه اطلكها واجيب تاج راسها ..
💔😊💔😊💔😊💔😊💔😊💔😊💔😊💔😊💔😊💔😊💔😊💔😊💔😊
غلسن ع السحكات مريضه مابيه اراجع 💙❤
