لكنك لم تفهم بعد .. أنني حين أكون معك .. لا ألتفت لهزائمي في مواجهتك .. لا ألتفت لحالة ضعفي الشديد أمامك .. حين أكون معك .. كنت أشعر أنني أملك القوة الكبيرة لمواجهة كل هذا العالم البائس .. الملعون .. أنت لم تفهم بعد .. كيف أنني كنت أحتمي بك من هذا الخراب .. من هذا الحزن ...
.
.
.
.
فداء: منووو انت؟؟؟
ايهاب: ماتعرفيني يعني نسيتي كلشي
فداء: اخذت بنتي وطلعت رحت لغرفة حوراء
بسام: كاعدين ودخل ايهاب مدنك وضايج
هاا شصار وياك
ايهاب: ماتعرفني بس عرفت ريام واخذتها
بسام: واخيرا خلصت حجيت وي نفسي بهمس
حسن: لا تضوج لان من الصدمه صار بيها هيج ف هسه انت شنو لازم تسوي
ايهاب: اي شسوي
حسن: ابقى هنا وكل فتره تعال شوفها حاول تسوي الاشياء الي جانت متعوده وياك عليها يعني حاول ترجعها للماضي واذا اكو حوادث مأثره ع نفسيتها حاول تكررها هو بصدمه ثانيه ترجع تتذكر
ايهاب: ماشي راح اشوف شنو يطلع بيدي
مجتبى: يلا انه اترخص منكم لازم اروح
ايهاب: اخذلي وياك اجازه
مجتبى: ماشي ماشي
حوراء: يمه صدقه للبنات تخبل بنيتج الله يحفظها الكم
فداء: تسلمين ويحفظج ويحفظلج قادر
زهراء: يعني عرفتي بس ريام وزلمتج خيه حتى لو ماتتذكرين هذا زلمتج مايصير هيج
فداء: شسوي ماعرفه
حوراء: ولجن اذا ماتتذكر زلمتها اخاف هذا مو هو
زينب: شلون يعني مو هو مو اجه هو وبنتهم وبعدين رجل زهراء يعرفه
حورااء: جا ليش تذكرت بنتها وماتذكرته يجوز هو جان خاطفهن
زهراء: ولج عززه العززاج شهل تفكير
زينب: والله كلشي يصير اني اوكف ويه كلام حوراء لازم يجيب دليل يثبت كلامه راح احجي وي ابوي
مجتبى: يلاا زهراء خل نروح
زهراء :يلا بنات الله وياجن شنو يصير خابرني اريد اعرف الاحداث اول بأول
حوراء :الله وياج حبيبتي
زينب :كمت رحت عليهم دخلت بويه اريد احجي وياك
بسام: شهل ملاك الي دخل علينا
ايهاب: انجب لك نصي صوتك لا يسمعون
ابو حسين: من رخصتكم بس اشوف شنو تريد
ابهاب: اخذ راحتك عمي
درت ع بسام شوف لازم نأجر هنا راح اسألهم اذا يعرفون بيت قريب للأجار
بسام: اني شعليه اصلا هسه شويه وارجع للبيت
ايهاب: وتعوفني شلون ينطيك كلبك بله متت
بسام: واني شعليه بيك واذا متت اصلا لا تخاف انته ماتموت عندك الف روح
ايهاب: نشوف منو يخليك ترجع
زين: بويه يكولن البنات يمكن هذا جذاب مو رجلها هذا الخاطف لان ليش عرفت بنتها وماعرفته لازم عنده دليل هو رجلها
ابو حسين: والله النسوان ماينكدرلجن
صبري راح اسأله وارجع
ايهاب: كاعدين ودخل ابوهم كال نريد شي يثبت انت زلمتها
ايهاب: اي حقك عمي جبت العقد وصور بالجنطه بسام وين الجنطه
بسام: بقت بالسياره
ايهاب :كمت بسرعه سيارة مجتبى وهو راح يعني الجنطه وياه
بسام: والله عبالي انت نزلتها وياك
ابو حسين: هسه شلون مجتبى مايكدر يرجع لان الطريق طويل ويصير عليهم الليل
ايهاب: طلعت موبايلي عندي صور هنا هاك عمي انطي للبنات يشوفن ماكدر اراويهن الك لان ملابسها ماتناسب
ابو حسين: لا تخاف بويه اخذته منه ورحت زينب واكفه هاج اخذي وروحي يم البنات كال اكو صور هنا بس لا تخلين واحد من الولد يشوف وياجن
زينب: خوش بويه لزمته منه وركضت للغرفه تعالن ولجن نشوف الصور
حوراء: بالكوه نزلت يمهن بالكاع وكعدنا نباوع ع صورهم اي ولج شوفي هذا زلمتج باعي هنا فرحانه وتضحكين لو خاطفج جان ماضحكتي
زينب: ولجن فدوه باعن من جانت ريام زغيرونه
فداء: يعني هسه هذا رجلي اني
حوراء: ايي ولج جا رجلمن قابل رجل زينب
زينب: الله وين احصل هيج رجل
حوراء: ضربتها ع ظهرها انجبي ولج مرته كاعده
فداء: يعني اني مرته بس شو ماعرفه
حوراء: شويه شويه راح تتذكرين لا تضغطين ع نفسج هدي اخذي علاجج وارتاحي
