احيانا تتمنى لو لم تكن موجودا في هذا العالم تتمنى لو كنت قد خلقت طيرا بدلا من حياتك هذه الحياة تختبرك بأعز مالديك ...
فجر: مثل متعرفون اني اخت اسيل بابا جان تاجر معروف ماما جانت حامل اخذها للطبيب وصار وياهم حادث الله يرحمهم اني واسيل اخذنا صديق بابا عمو ابو منذر مقصر ويانا ابد جان حنين مثل بابا بس ولده مو زينين وميحبوني ولا يحبون اختي ومن مات عمو ابو منذر زوجوني غصب عني واني عمري 19 واسيل بعد ماعرفت عنها شي
فجر: مثل كل يوم انتظره يرجع هو واصدقائه واحظرله الي يطلبه شاربين ومكبسلين يذبولي حجي وهو وياهم يشجعهم صار 6 سنوات متحمله حتى جاهل مصار عندي من وره الشرب مالته ميصير عنده جهال كل يوم احاول انتحر وبعدين استغفر ربي وافكر بأختي الي مشايفتها اخذت موبايله اتصلت ع ام منذر اسأل ع اختي كلتلي تزوجت ورجلها طرد اخوانج مقبل يشوفوها سديته منها كلت لا هاهيه هم شمروها مثل شمرتي الله يعينج اسيل تمددت انام غفيت واحسه تمدد يمي ويتقربلي عجيب شنو الله هداه هو اصلا تلعب نفسه مني مدري ليش طبعا الضوه مطفي واني مغمضه نزعني بهدوء وتقربلي طبعا ممتقربلي صار سنوات خلص وسمعت يحجي ويه رجلي هنا الصدمه مو رجلي الي تقربلي صديقه فتحت واشوف رجلي كاعد يمه وفرحان بعد بسرعه غطيت نفسي ورحت اركض للحمام والطم خلص لهنا وبس الحقير قليل الشرف قفلت باب الحمام انتظرتهم يطلعون وطلعت فتحت الكنتور بدلت ولفيت شالي طبعا ماعندي شي لا موبايل لا ذهب هو حذاء واحد من عرسي ودشداشتين هم من العرس
فتحت الباب بهدوء واكفين يم الباب شافوني واني بسرعه ركضت وهمه وراي بس شنو همه شاربين بالكوه يمشون اني بسرعه
ايهاب: خلصنا شغل البيت وراحوا العمال دخلت اسيل نايمه اخذت موبايلي اتصلت ع مروان كعدت ع السرير يمها الو مروان ها بشرني وصلت الحمدلله هو شلونه الوضع شلون اي ماشي من ترجع جيبه وياك خطر هناك
اسيل: اسكت اريد انام
ايهاب: صوتج لا اشك حلكج ها لا مو وياك يلا باي
حيوانه متشوفيني اخابر
اسيل: روح خابر بغير مكان اله يم راسي مزعج رجعت لفيت راسي ونمت
مروان: اني والضابط احمد كاعدين نسولف واتصل ايهاب هم سولف وياي وراح
فجر: اركض وشفت مركز شرطه دخلت عليهم ساعدوني ودخل رجلي وصديقه واني ركضت وره الضابط مدري شرطي ماعرف اني بهل سوالف
مروان شصاير هذولي شاربين واطيح عليهم بوكسات واحمد كلبجهم بس خفت من الي ختلت وراي شكلها مخبله ملابسها غريبه ومركعه
فجر: شمروهم بالحبس واني كعدت انطوني مي شربت شويه هديت
مروان: انتي مخبله لو صاحيه وشنو الموضوع
فجر: نزلت دموعي سيدي هيج وهيج السالفه اعتدى عليه صديقه بوجوده وسولفتله حياتي كلها طبعا اني صار سنين مشايفه بشر لان من يطلع يقفل الباب ومن يرجع هو واصدقائه شاربين هم اخاف منهم
مروان: منو يكول كلامج صحيح
احمد: اوكف مروان هسه اسألهم وارجعلك
راح احمد يسأل وهاي بقت يمي بس ياربي وين شايفها اني شكلها مو غريب ابد
رجع احمد اي كلامها صح استجوبتهم واعترف صديقه اعتدى عليها ورجلها هم اعترف هو جان موجود وهو طلب من صديقه يسوي هيج
فجر: متت بجي
مروان: لا تبجين اختي شنو تريدين هسه احنا حاظرين
فجر: اريد يطلكني وميتقربلي ابد
مروان: ماشي
اسيل: كعدت الصبح غسلت ورحت للمطبخ الله يخبل جديد وغيث مسوي ريوك كعدت اكل طلع من غرفته ها ولج هذا ريوكي لا تاكلين منه
اسيل: نزلت موبايلي جوه الطاوله ودزيتله رساله ع الماسنجر( مرحبا صباح الخير ممكن طلب )
ايهاب: اهوو وكتهم هذا نقيب محمود كله بوكت اكلي يدز رحت اخذت الموبايل لا والله هاي بنيه اكيد هذا نقيب محمود ينصب عليه خل اصير ثكيل وما ارد عفته ورجعت اكل
اسيل: شو فتح الرساله ومارد شبي هذا
ايهاب: شويه دك موبايل اهووو احتركت روحك نقيب محمود رحت للموبايل لا والله هاي حنوشه الو ها حنوشه خير
اسيل: حنوشه منو هاي اكيد حبيبته
ايهاب: شنوو مريضه شوفي لليل اني يمكم يله باي
كومي اسيل حظري نفسج راح نطلع
اسيل: شنو وين نطلع اكيد يعرفني ع حنوشه
ايهاب: نروح لأهلي امي مريضه وماتقبل ادخل للبيت اله مرتي وياي وهسه انتي مرتي يلا كومي
شنوو بس اني مو مرتك صدك
سمعيني انتي مرتي كدام الناس كلها يعني ماريد احد يعرف بس ع ورق تروحين بيها انتي لذلك خليج حبابه وسدي حلكج يلا كومي بدلي الطريق طويل
اسيل: شبدل يعني هم من ملابسك
اهوو نسيت ممشتريلج انتظريني 10 دقايق وارجع راح طلع
واني حظرت جنطتي وموبايلي ولميت الاكل ضميته ومسحت الميز شويه ورجع دخل تعالي هاي كلها الج
مشتريلي بنطرونات وبديات وستر وجينز وستريجات واحذيه وحتى ملابس داخليه بس مو قياسي ومكياج الوان فاهيه شنوو هذا كله
ايهاب: شنو شفته كدامي اخذته لبسي الي يعجبج وخلي مكياج مال عروسه
بله بيش صار كل هذا
هسه انتي شعليج فضيها وكت ماكو
تمام اطلع شلون ابدل وانته موجود راح طلع
يلا خل اكشخ كدام حنوشه و اهله لبست بدي طويل وبنطرون اسود وكوت وبوت صح شويه جبير بس حلو فتحت شعري وخليت مكياج كثرت كحل وحمره ولبست جنطتي وطلعت يلا امشي
ايهاب: صفنت ع عيونها سحرتني
هلوو عيني اني هنا شبيك صافن امشي
ها يلا تعالي صعدتها بالسياره وقفلت باب الباب ورحنا
مروان: قهرتني هل بنيه طلكها رجلها وهيه ماتعرف وين تروح قررت اخذها وياي يم امي مره جبيره ومحتاجه احد يداريها ويكعد وياها واني مفارق عندي شغل عاد كلتلها وهيه خطيه مكالت لا اخذتها يم امي كلش حبتها البنيه فقيره وخدومه
ايهاب: وكفت يم بيت مروان اسيل ابقي هنا راح اسلم وارجع
اسيل ماشي لا تتأخر راح واني بقيت بالسياره
مروان :فتحت الباب ايهاب هلا هلا حضنته اخوي الغالي
ايهاب: شلونك الحجيه شلونها
تعال ادخل خل تشوفك كل يوم تسألني عنك
ايهاب: دخلت للغرفه واشوف بنيه كاعده يمها ماركزت عليها زين بس بيها شبه من اسيل
فجر: دخل ولد للغرفه صار عيني بعينه ودنكت هو دخل باس راس الحجيه وسلم عليها والضابط هم يمهم ويسولفون اندك الباب
مروان: فجر فتحي الباب اذا متصير زحمه
لا عادي تدلل
اسيل: ضجت وحدي بالسياره وهو تأخر نزلت ودكيت الباب فتحته بنيه هنا ماعرف شنو صار هاي اختي لو تشبه اختي
فجر: ااااسيل؟
❤🌸❤🌸❤🌸❤🌸❤🌸❤🌸❤🌸❤🌸❤🌸🌸❤🌸❤🌸🌸❤🌸❤ غلسن ع السحكات
