عائلة ابو حسين
.
.
مهند: يلا قادر صيح حسن نروح نصلي بالمسجد
قادر: اي بابا صحتله هسه يجون وراك هو وجدو
مهند: لعد امشي نروح قبلهم
ابو حسين :يلا بنات طالعين قفلن الباب محد راح يبقى حتى صادگ راح للصلاه
زهراء: حاضر بويه لا تخاف هسه بس تطلعون اقفله
راحو وانه قفلت الباب ورجعت يم البنات
زينب : ولج حويره هذا زلمتج ليش ما يحجي مثلنا
حوراء: خيه شتريدين منه غير بغدادي شلون يحجي مثلنا شبيج خايبه انتي
ام حسين: ولجن مگموعات گومن صلاه ناسيات الدنيا بالسوالف طاح حظجن وصبغجن اهمده حظي
زهراء: هههههه ع كيفج يمه لا يطك بيج عرج وين نروح بهل ليل
حوراء: كامن البنات يصلن واني لزمتني الدوخه كعدت شويه
زهراء: شبيج حوري شي يوجعج
حوراء: لا تخافين بس شويه دخت
كملي صلاه انه راح انام
زهراء: نامي نوم العافيه
بالمسجد. ..
سياره شخطت وانشمر منها شي واختفت
ابو حسين: شصاير ولكم شنهو الموضوع شو بله
قادر: جدو هاي حرمه وكعت من السياره بيها دم
خاف الكل وابتعد عنها اله ابو حسين نزع عباته وغطاها بيها ولك بويه حسن تعال شوفها بيها نفس
حسن: اجيتك بويه
تقربت منها اي بيها نفس كلش ضعيف
ابو حسين: شيلها
حسن: شنهوو انه اشيلهاا
ابو حسين: اي انته جا منهوو يشلها انه ظهري مكسر ومهند مرته تصلخه
حسن: هسه بويه شلك بهل سالفه نعوفها ومعلينا ليش تدخلنا بمصايب
ابو حسين: ولك مايصير هاي حرمه شلون نتركها بالشارع والناس تتفرج
حسن: شسوي بعد شلتها ورحنا للبيت
زهراء: اندك الباب هاي شنو مو توهم راحو شبسرعه خلصت صلاتهم ركضت فتحت الباب
يااااا ولك حسن خاطف بنيه ولج يمه لحكي
ابو حسين: ومرض شبيج منا الشارع صوتج فضحتينا ياهو خاطف حرمه لكيناها يم المسجد
ام حسين: يااا شوف خطيه هاي ميته
حسن: لا يمه بيها نفس بسرعه وحده تلبس عباتها وتجيب سويج سيارتي
حوراء: طلعت من الغرفه الزم بالحياطين وامشي ششصايرر
مهند: ركضتلها حبيبتي ليش كمتي ابقي بفراشج ارتاحي
مصاير شي بس بنيه مضروبه شمروها يم المسجد وابوج الله يحفظه ماقبل اله يجيبها وياه
