اسيرة قلبه

بارت 13

كتبت البارت بالمذكره مال الموبايل لان مجان عندي نت ومن اجيت انشره هنا انحذف بالغلط 😐كتبته مره ثانيه ..

.
.
.
فجر: عزززه شتسووي عوفني مروان وخر
مروان: اشش اريد نتزوج
فجر: وخرت عنه وكمت رحت للمطبخ اوف اكيد مو صاحي

اسيل: يعني بالليل تروح للدوام
ايهاب: اي حبيبتي وعود هم خبصيني بالرسائل واجيج ركض وكلشي ماحصل منج
:اسيل يارسائل اني مدازتلك بس اتصلت
:شلوون امشي شوفي بعينج شنو انتي تلعبين عليه شايفتني مضحكه بيدج
جريتها من ايدها اخذتها للغرفه الموبايل ع الشحن فتحت الماسنجر طلعت المحادثه شوفي هاي شنو
اسيل: اخذته من ايده اكلب بالمحادثه عززززه يااا صح نسيت ايي اني راسلتك صح هسه تذكرت اسفه حبيبي بعد متنعاد سويت حظر للحساب ورجعتله الموبايل وبالكوه مسيطره ع نفسي عيوني صارن حمر دموعي يريد ينزلن درت وجهي حتى لا يشوفني دخلت للحمام وقفلته كعدت بالكاع ابجي بدون صوت يعني اختي هيج تسوي من وراي مني وبيه تغدرني الغريب شلون
صار جسمي حار وراسي يوجعني نزعت ملابسي وفتحت المي وكعدت وهو يصب عليه احس شويه بردت
ايهاب :هاي دخلت بعد ماطلعت دكيت الباب اسيل فتحي بيج شي صارلج ساعه بالحمام
اسف اذا زعلتي مني مجنت اقصد ازعلج او اخوفج طلعي كافي

اسيل: لفيت نفسي بالمنشفه وطلعت دايخه شمرت نفسي ع السرير جريت بطانيه تغطيت
ايهاب: بدلي شلون هيج هسه تتمرضين لحظه فتحت الكنتور طلعتلها ملابس تعالي اني ابدلج
اسيل: تقرب مني جر المنشفه ولبسني ما حجيت ولا شي اصلا هو شايفني من قبل خلص رجعت نمت غطاني وطلع

فجر :شفت ايهاب طلع من غرفتهم رحتله اسيل بالغرفه اريد احجي وياها
ايهاب: نايمه ماعرف شبيها من تكعد شوفيها يلااا انته اكعد خل نطلع
فجر: ايهاب كعد مروان وراحوا للدوام وصاني مانطلع ونقفل الباب
الساعه 5 المغرب كشرت بتيته وطلعت لحم نكعته
اسيل: كعدت راسي موتني من الوجع اخذت حبوب راس ورحت للمطبخ اشرب مي لكيتها تطبخ
فجر: صح النوم يحلوه شبيج مريضه وصاني رجلج عليج تعالي كعدي اسويلج عصير
اسيل: انتي شكد صلفه بعد كل الي سويتي ممستحيه وواكفه ولا عبالك مسويه شي شنو من اخت انتي
فجر: شبيج ليش تحجين هيج شمسويه اني يعني لان اخذت خطج
اسيل: هه تقشمرين نفسج انتي ليش مراسله ايهاب وشلون حجي انتي صدك متستحين لج اني مرته ومحاجيه وياه هيج تجين انتي بكل صلافه مجنت متوقعتها منج ابد دخلتج بيتي انطيتج مكان تبقين بي بيت واكل وراحه تجازيني بهل شكل تهدمين كلشي ع راسي واني اختج مو اي شخص

فجر: اسمعها ودموعي تنزل بس سمعيني والله فهمتي غلط اني ندمانه والله
اسيل: اشش سكتي ماريد اسمع صوتج كرهتج
عفتها ورجعت للغرفه احس مختنكه لبست حذائي ولفيت شالي اخذت جنطتي وطلعت
فجر: لج تعالي وين رايحه وصاني مانطلع رجعي
اسيل: روحي عني معليج بيه طلعت وركعت الباب وكفت تكسي وصعدت