اسيل: اختي فجررر حضنتها ودموعي تصب وهيه هم حضنتني حيل دخلنا وسولفتلي الي صار وياها واني هم سولفتلها واجه غيث كال لازم نطلع هسه
اسيل: ماااا ماعوف اختي روح وحدك
لج شنو جان الاتفاق ماكدر اروح لازم انتي وياي يلا امشي واختج هنا يم مروان بأمان لا تخافين واحنا باجر نرجع وناخذها تعيش وياج
اسيل: بالكوه قنعوني وبوستها وطلعت وياه الطريق بعيد وصار الليل
اي احجيلي ع اهلك اني ماعرفهم شلون راح اتصرف وياهم
ايهاب :البيت بي امي واخوي ومرته وبنته
امي مره حبابه وطيبه بس لازم تسمعين كلامها واخوي هم زين بس يمشي بكلام مرته ومرته هاي انتبهي منها تحب المشاكل وبنتهم حنوشه فطيره هاي عمرها 11 سنه
اسيل: واختك الارمله
ايهاب: ماعندي اخت هاي جانت خطه
وباعي اسمي ايهاب مو غيث لا تكولين غيث هناك فاهمه
اسيل: تمام يمتى نوصل
هسه مابقى شي كلها ساعتين
اسيل: كلت انام شويه
زيد: الو ها ايهاب وين صرت يمعود
ايهاب: يلا يلا وصلت واحد يفتح باب الكراج
اسيل وصلنا كعدي
زيد: فتحتله باب الكراج ودخل السياره ونزل سلم عليه وسلم ع دعاء (مرت زيد) وامي مقبلت تبقى بالغرفه اله تتلكاه من باب الكراج سلم عليها وبوسها
ايهاب: لحظه مرتي وياي رحت فتحتلها الباب نايمه كعدي اسيل كعدي وصلنا
ام ايهاب: يمه خليها نايمه خطيه تعبانه الطريق طويل
ايهاب: ماشي شلتها ودخلت
دعاء: تعال هنا حظرتلك غرفتك مجنت اعرف متزوج خليها تنام بغرفتك
ايهاب: اي تمام دخلتها خليتها ع السرير وغطيتها طفيت الضوه وطلعنا
ام ايهاب: يمه تعال اكعد يمي اشبع منك ليش يمه تكطع بيه ماتكول امي تشتاكلي تحتاجني
ايهاب: ها يمه مو انتي ماتقبلين ادخل بيتج اله اتزوج وعلما لكيت الي تناسبني واجيتج
زيد: الف مبروك خويه شايف كل الخير بس ماعزمتنا ليش
ايهاب: والله كلشي صار بسرعه وهم ماسويت لا عرس لا حفله ان شاء الله افكر بهل اشهر ارجع اسوي عرس
دعاء:عاد شلونها وياك شغلها طبخها شلونه
ايهاب: بله هاي شرد عليها
ها اي كلش زينه وحبابه ونادره
ام ايهاب: كافي يمه عوفو الولد تعبان روح يمه يم مرتك باجر كمل سوالف هسه الوكت تأخر
ايهاب: تصبحون ع خير عفتهم ودخلت للغرفه اوف غرفتي القديمه مشتاقلها نزعت القميص وتمددت يم اسيل خليت ايدي ع عيوني ونمت
اسيل: نايمه واسمع حجي بعيد وهوسه وضحك واصوات عصافير فتحت عيوني هاي تني وين درت منا غيث نايم وبدون قميص عززززه دفرته ادبسزز منحرررف
ايهاب: اعوذ بالله منج الناس تكول صباح الخير كبر وبعدين تعالي اني زوجج ديري بالج تسوين هيج بعد لان هنا مو بيتنا عفتها وكمت
اسيل: ياااا نسيت يعني وصلنا البارحه خل اكشخ واطلع يمهم
فجر: مروان كلش محترم وحباب وانسان خلوق شكد تمنيت يدخل حياتي هيج شخص بس يلا الحمدلله ع كل حال
دعاء: سويت بيض كلي وجبن وكيمر ومربى وزيتون وخيار وطماطه حمس وخبز حار خبزته قبل شويه وصبيت جاي خليت الصينيه وصحتهم يتريكون الكل كعد اله مرت ايهاب الي مانعرف عنها شي
اسيل: بدلت ومكياج خفيف وطلعت صبحت عليهم وبوست امه لان عيب اباوع وين اكعد
ايهاب: تعالي كعدي يمي
اسيل: ماشي حبيبي رحت كعدت بصفه انطاني خبزه
دعاء: عيني اصبلج جاي
اسيل: لا حبي تسلمين ما اشربه
دعاء: اوي بدت تتفيك علينا
زيد : يا جماعه سفره دايمه لازم اروح للسوك دعاء كتبتي شنو محتاج البيت
دعاء: اي عيني ابو حوري تعال انطيك الورقه وافهمك
اسيل: الكل خلص ريوك وراح واني والبنيه حنوشه بعدنا نتريك خلصت لميت المواعين
وايهاب وامه يسولفون وضحكته شعلوها
اسيل: اكلج حنوشه انتم ماعدكم اطفال هنا سو واني نايمه سمعت صوت ضحك اطفال
حنوشه :خاله اصوات الجيران اني رايحه اشتري تريدين شي
لا حبيبتي تسلمين جمعت المواعين واخذتهم للمطبخ اغسلهن
دعاء:جان خليتيهن اني اغسلهن عيب بعدج عروسه وخطار
اسيل: لا عادي اصلا احب غسل المواعين
راحت تنظف واني كملت غسل وخليتهن ع الكاونتر ماعرف وين يضموهن نشفت ايديه وطلعت كعدت يم ايهاب وامه
ام ايهاب: انتي شسمج ولج
وبده التحقيق ساعه كامله بس تسأل واني بس اجاوب ونصهن جذب
شويه ودخل زيد وجايب مسواك اجت مرته تعزل رحت وياها
طلعت دجاجتين ذبح لازم يتنظفن ويتكطعن
دعاء: اذا معندج شي ساعديني
اسيل: اي تدللين واني كلشي ماعرف شلون راح ادبرها مدري
اباوعلها شلون تنظف واسوي مثلها بس طيحت حظ الدجاجه وحتى عود اكطعها هيه سوتها 4 وصل اني سويتها الف وصله 😂😭
عذبتها للدجاجه خطيه
غسلتهن وهيه طبخت
وكفت يمها ع الطباخ اني احب اباوع للطبخ
دعاء: اي اسيل شلونه وياج ايهاب بالليل شلونه
ايهاب: اريد اصيح اسيل وسمعت دعاء تسألها كلت لا هاهيه راح تفضحني اسيل اعرفها فاهيه
اسيل: اهوبي فديته كلش زين ويحبني ويهتم بيه وما احجيلج بالليل اسد فدوه اروحله
دعاء :اي عيني بالعافيه عليكم طلعي الخضره نظفيها
اسيل: درت اروح للثلاجه واشوف ايهاب عزززه العززاني اكيد سمعني بسرعه نظفتها وغسلتها وهو بس واكف ويباوعلي كل شويه اباوعله واسويله حركات بعيوني يعني روح وهو لازك بعدين راح من دارت مرت اخوه
المهم خلصنا شغل وكمل الغده وسالفه تجر سالفه وبالليل زيد جاب كباب وفلافل ومرته كلت بتيته وانس سويت زلاطه وهل سوالف وراها غلست وياها المواعين مال العشه الحجيه نامت وايهاب راح نام وزيد اخذ مرته وراحوا لغرفتهم واني صافنه البيت فرغ رحت يم ايهاب نايم استغفر الله هل انسان ميعرف ينام اله مصلخ غطيته وخاولت انام شويه طفت الكهرباء يمه اخاف حسيت غيث كعد وراح
دعاء: مانمت سمعت باب غرفتهم انفتح طلعت اي ايهاب راح للمطبخ رحت وراه
اسيل :راح ايهاب يمكن يشرب مي خل اروح وراه ياخذني للتواليت طلعت امشي وصلت للمطبخ ظلمه بس شويه يدخل من الشباك ضوه الكمر شفتها دعاء واكفه يم غيث وتبجي
دعاء: انته مو كلت مراح تتزوج لو اني لو ماكو
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
غلسن ع السحكات 😊🌸❤
