ربما لم يؤذينا التعثر بقدر ما آذتنا محاولاتنا المتعجلة للنهوض، ربما لم تؤذِينا الوحدة مثلما آذانا أشباه الصحبة وأشباه الأحبة...
.
.
.
.
.
اسيل: فتحت الباب شتسوي هنا!
كنان: لازم تطلعين منا لا تبقين هذا الرجال راح يأذيج لان حياته كلها دم وقتل
اسيل: شتحجي انته روح منا شلون ناس
كنان: ماشي رايح بس بعدين انتي تندمين مو اني
اسيل :سديت الباب ورجعت للمطبخ شنو يعني مافهمت بس هو صح اكو شي ضامه عليه لازم اعرفه .
حاولت مافكر بشي والتهي بالطبخ بس من كد التفكير جرحت ايدي والدم يجري اغسله وميوكف صحت ع بسام
بسام: خليتها راحت للمطبخ وطلعت العلاج اخذت منه ماريدها تشوف شويه وسمعت صوتها ركضتلها ايدها كلها دم
ولج شبيج شصار اوكفي فتحت الكاونتر طلعت علبه بيها اعشاب اخذت منها شب مطحون خليته بكلاص وفوكه مي وصبيته ع الجرح غير ماتت بجي
اسيل: كاافي يحررك والله ماكدر
بسام: اوكفي رحت طلعت علبة الاسعافات لفيت ايدها امشي اخذج للمستشفى يمكن يحتاج خياط
اسيل: لازمه ايدي وابجي صعدت بالسياره ورحنا
وصلنا كالو لازم يتخيط الجرح واني ميته بجي وخايفه بسام بالكوه لازمني وايده ع عيوني حتى لا اشوف وطلعت روحي علما خلصت انطوني هم ابر وعلاج وطلعنا
بسام :بس اريد افهم وين جان عقلج من جرحتي ايدج
اسيل: يمك
بسام: شنو يمي
اسيل: اقصد جنت جوعانه
بسام: غير تنتبهين يلا الحمدلله ع سلامتج
وكفت يم مطعم تعالي نتعشه هنا وكفت السياره نزلت وفتحتلها الباب لزمتها ونزلت
دخلنا للمطعم طلبت اكل وكعدت تاكل
اسيل :شبيك صافن متاكل
بسام: ها ايي هسه اكل
خلصنا صارت بـ8 الساعه
كلتلها تعبتي اخذج للبيت لو نفتر شويه
اسيل: نفتر لان ضايجه
بسام: تمام اخذتها للحديقه
اسيل: كعدنا بالحديقه وافكر لازم اعرف شنو شغله اي لازم يعني اني بالكوه تخلصت من ايهاب النوب وكعت بيد سفاح سمعته يحجي
بسام: ها تتذكرين
اسيل: شنو شتذكر
بسام: شبيج اكول هنا اول مره شفتج وماعندج كروه تتذكرين
اسيل: ها صح ايي بله لا تبقى كل شويه تذكرني ماعندي كروه
بسام: هههههه يلا امشي نرجع انتي تعبانه لازم ترتاحين وعلاجج لا تنسين اخذي
اسيل: تمام
رجعنا للبيت رحت للغرفه هو يطلع ب7 الصبح وقتت منبه موبايلي عـ6 الصبح اخذت علاج تغطيت ونمت هناك وفتحت الباب اختي فجر تصيحني كمت من الفراش رحت يمها لزمت ايدي بس البيت وراها كله ظلمه واكو شي مجلب بيها ويجرها للظلمه وهيه تبجي وتكول ساعديني واني اسحبها من ايدها واصيح عوفها عوفها
تعال ساعدنا ايهاب وينك .. شويه حسيت شي بارد ع كصتي فتحت عيوني بسام كاعد يمي ويسويلي كمادات
اسيل: اني جنت احلم
بسام: مصخنه ارتاحي
اسيل: وشغلك متروح
بسام: لا بعد وكت ع شغلي بعد 3ساعات يلا اروح
اضربج ابره تنزل الحراره
اسيل: لااا هسه اصير زينه روح نام انته
بسام: ماكدر شلون انام وانتي مريضه كلشي يصير لازم ابقى يمج
