ايهاب: دعاء وخري مالي خلكج وعيب عليج هسه اني رجال متزوج روحي عني انتي من رفضتيني وتزوجتي اخوي شنو جنتي متوقعه مني يلا وخري
اسيل: رجعت بهدوء للغرفه احس مختنكه تمددت اريد انام دموعي ينزلن وحدهن ههههه هسه اني عليمن ابجي اصلا ماحبه اي ماحبه ماريده او يمكن اقنع نفسي ههههه اي اني احبه
ايهاب: دعاء كافي لعبان نفس هسه شنو تريدين تقبلي الواقع اني متزوج واحب مرتي
دعاء:بسيطه ايهاب عفته ورحت
ايهاب: رجعت للغرفه اسيل تبجي
شكو شبيج ليش تبجين ولج
اسيل: معليك بيه روحلها شكو باقي يمي
ايهاب :نصي صوتج لا اشك حلكج واحجي عدل منو هاي اروحلها
اسيل: مرت اخوك عيني مو تحبها
ايهاب: ها يعني سمعتي
بس انتي ماتعرفين القصه كامله واني راح احجيلج حتى ما تتهميني بكيفج
باعي قبل جنت احبها بس محد يدري وبوكتها جان اخوي يدور ع مره وامي كالت نخطبله دعاء واني كلت لازم اصارحها هذا حب سنين رحتلها للبيت مجان احد موجود اعرف وكت دوام عمي وولده المهم يا بنت الناس اني احبج والي تطلبين يصير كالت بس اني ماريدك انته فقير وماعندك شغل واني اريد موظف كلتلها الشغل يتحصل والله كريم بس فكري وطلعت ادور شغل رجعت بالليل جان تكول امي بارك لأخوك خطبناله دعاء طلعت مثل المخبل رحتلها دكيت شباك غرفتها فتحته كلتلها هيج تسوين بيه واني حبيتج سنين انتي تزوجين اخوي بس اني مراح اتزوج لان ماريد غيرج
ومن تزوج اخوي عفت البيت وطلعت هاي كل القصه هسه انتي عليمن تبجين
اسيل: مسحت دموعي مو علمود شي بس جنت ضايجه درت نمت
الصبح 8:40 الباب يندك
ايهاب: منو منو شصار
حنوشه: عمو تعال تريك
ماشي روحي جاي وراج
لبست قميصيي ورحت ع اسيل نايمه هاي انطوها بس بجي ونوم كعدي اسيل كعدي
اسيل: فتحت عيوني ها صباحوو
ايهاب: صار بيها صباحوو دشوفي عيونج شلون مورمه انتي مخبله يلا كومي غسلي اني راح اكعد هنا انتظرج
اسيل: تمام خلصت كلشي وطلعنا نتريك وياهم
خلصوا ريوك جمعت وياها المواعين ايهاب نام بالهول ع القنفه ويباوع اخبار اجت الحجيه اخذته منه وطلعت مسلسل حنوشه راحت تلعب ويه بنت الجيران وزيد بالدوام اني خلصت مواعين ونظفت وياها شويه بس شنو دعاء كالبه خلقتها عليه وتحجي كله بنتر صارت ب11 الظهر رحت يم ايهاب
اسيل: ايهاب اريد اتمدد يمك
ايهاب :تعالي
اسيل: نمت يمه ع القنفه ردت اوكع خله ايد جوه راسي وايده الثاني حضني من خصري دفنت راسي بصدره ونمت حسيته هو هم نام
دعاء: جبت الخضره انظفها يم عمتي واشوفهم نايمين ميستحون مو ذيج غرفتهم
ام ايهاب: يمه شبيج عوفيهم شرايده منهم
صارت ب12 رجع زيد وحنوشه والكل كاعدين بالهول
اسيل: نايمه واسمعهم يحجون وايهاب هم يحجي وياهم بس بعده حاضني ومتمدد
حاجيته بهمس اهوبي بوسني بكصتي
هو ماسمعت عباله بوسني بشفتي
ايهاب: باوعتلها هاي شبيها بس يلا ماردلها هيج طلب قربتها الي وبستها بحلكها
اسيل: انصدمت جمد جسمي كله مااكدر اتحرك والي وراي كلها صافنه علينا
زيد: يابه عيب بنتي كاعده شبيكم عمي اخذها للغرفه
ايهاب: هم صحيح تعالي شلتها واخذتها
دعاء:والله يالله نسوان اخر وكت شهل صلافه متكول عيب
اسيل: نزلني ع السرير ياااا شتريد تسووي
ايهاب: شنوو شبيج غير مرتي لو بس تريدين بوس واحضان
اسيل: شتريد مني ها اني ماريد اصير مرتك
ايهاب: كافي عاد انتي شنو شايفتني جاهل كدامج لا تخليني هسه اكسر راسج خلص اخذج وينتهي كلشي
اسيل: مااااا ماريدك
ايهاب: صوتج بت ال.. شتريدين فهميني شبيه اني مقصر وياج بشي بس احجي
اسيل: خفت منه دموعي نزلن انته مابيك شي واني احبك بس ماريدك
ايهاب: وليش ترفضيني اذا تحبيني مجاي افهم
اسيل :اني اريد اكمل دراسه ماريد زواج وجهال
ايهاب: ارجعج للدراسه وماكو جهال اله من تخلصين وتتخرجين ها هسه هم بعدج ماتريديني
اسيل: حضنته لالالا اريدك صدك جذب وين اكو مثلك وارفضك
ايهاب: ها عيني مصالح يلا كافي كومي نتغده باجر نرجع للبيت عندي دوام
اسيل: تمام طلعنا صبيت وياها الغده وكعدت بصف ايهاب نتغده كلما اباوع ع دعاء اشوف عيونها ع ايهاب طكت روحي شنو هاي
شاورته بهمس عمري خلص بسرعه اريد منك شي وضحكت
ايهاب: شاورتها ها صار بيها عمري وتريدين شي شكلج تريدين تتحرشين
اسيل: غير طكيتها ضحكه الكل صفن عليه
ايهاب: اششش فضحتينا
دايمه جماعه جريتها واخذتها للمطبخ شبيج ولج
اسيل: ضوجتني هاي مرت اخوك متوخر عينها عنك فورتني
ايهاب: ها يعني تغارين مو
💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙 غلسن ع السحكات الليله هم انزل بارت
