في احدي الأحياء الشعبيه بمدينه القاهره فتحت فتاه عيناها البندقيه الواسعه قامت من فراشها وأدت فرضها واتجهت لمطبخ المنزل الصغير لتحضير الإفطار
سميره:صباح الفل يا حبيبتي... كدا برضو مش انا قولتلك خليكي وانا احضر الفطار انتي بتتعبي يا حبيبتي من الشغل
وصال:يا صباح الفل على اجمل ماما في الدنيا... يا حبيبتي انا لو تعبانه مش هعمل حاجه وهتدلع عليكي ولا انتي مش بيعجبك اكلي بقا
سميره :دا انتي ست البنات دا انا بقول يا بخت جوزك بيكي
وصال:هههههههه ربنا يخليكي ليا يا حبيبتي وميحرمنيش منك
يلا بقا اصل انا جعانه اوي ومستعجله اوي
سميره :يلا يا حبيبتي
جلست الفتاه وامها وتناولو طعام الإفطار سويا وانتهو بعد ربع ساعه
همت وصال ونظفت طاوله الطعام الصغيره واحضرت لأمها كوب من الماء وناولتها الدواء بحب
وصال :همشي انا بقا يا ماما خلي بالك من نفسك انا ان شاء الله مش هتاخر النهارده لو حصلت حاجه هكلمك اطمنك باي يا حبيبتي
سميره :ربنا يسهلك الحال يا بنتي ويجعلك في كل خطوه سلامه خلي بالك من نفسك يا حبيبتي
وصال :ربنا يخليكي ليا يارب ومتحرمش من دعواتك الحلوه دي
انصرفت وصال وذهبت للمستشفى التي تعمل بها فهي ممرضه بالمستشفى وتتميز بحسن الخلق وطيب الأخلاق
*وصال فتاه بالتاسعه عشر من عمرها تعمل ممرضه بإحدى المستشفيات تتميز بحسن الخلق وطيب وكرم الأخلاق
عيناها بنيه لامعه (بندقيه) وبشرتها بيضاء وشعرها اسود طويل وكثيف ولكنها تخفيه بحاجبها الذي يجعلها كالملكات متوسطه الطول وذات قوام ممشوق
بعد مرور ساعه في المواصلات العامه وصلت وصال اخير الي مقر عملها
تبادلت التحيه الصباحيه لكل من تراه وابتسامتها الرقيقه على وجهها حتى وصلت إلى غرفه التمريض
تبادلت التحيه مع الحضور وذهبت لصديقتها المقربه غاده
وصال :صباح الخير لاحلي غاده في الدنيا
غاده بابتسامه :صباح الجمال يا لولو اتاخرتي كدا ليه
وصال:الدنيا زحمه اوي بره وبعدين انتي مش معايا وانتي عرفاني نيله وبتكسف وعلى ما فطرت مع ماما واديتها الدواء
غاده :ربنا يخليهالك يا حبيبتي وتفرح بيكي
وصال:يارب يا حبيبتي... صحيح انتي عامله ايه مع خطيبك
غاده :اهو شويه نتخانق وشويه نتصالح
وصال:طارق ابن حلال وبيحبك يا غاده واكيد اي علاقه ما بين اي اتنين ما بتخلصش من المشاكل
غاده :ربنا يخليكي ليا يا حبيبتي وعقبالك انتي كمان
وصال:مش باين
غاده :ليه بتقولي كدا يا وصال
وصال:انتي عارفه ان ماما تعبانه يا غاده ومعاش بابا ومرتبي يدوب بيكفو علاج ماما ومصاريف البيت وحتى لو حصل واتجوزت هسيب ماما لمين
غاده:ربنا يريح قلبك يا حبيبتي يارب ويكرمك بابن الحلال اللي يستهالك يا وصال ويعرف يسعدك
وصال :يارب.... يلا بقا نروح نشوف ورانا ايه
أنت تقرأ
رفقا بما تبقى مني!
Romanceاستيقظ حبيبي دعها تأخذ بيديك وتخرجك من ظلمات قلبك انا لم أعد موجوده ولن استطيع مساعدتك تقبلها مني انها هديتي لك انت تستحقها ولكن أريدك أن تحافظ عليها فهي لا تستحق العذاب
