رفقا بما تبقى مني!

الفصل الخامس

عادت وصال الي منزلها وهي تشعر بالارهاق دقت باب المنزل وفتحت لها والدتها
سميره :حمد لله على السلامه يا حبيبتي
وصال :الله يا يسلمك يا حبيبتي
سميره :عامله ايه النهارده
وصال :الحمد لله
ذهبت وصال لغرفتها وابدلت ثيابها وأدت فريضتها وخرجت لإعداد الطعام مثل كل يوم تناولت الطعام وذهبت لتجلس مع امها مثل كل يوم لاحظت التعب والصداع الشديد على والدتها
وصال :مالك يا ماما
سميره :مفيش يا حبيبتي شويه صداع وهيرحو لحالهم
وصال :ازاي بقا؟
ذهبت إلى غرفتها واخرجت جهاز قياس الظغط
وصال :تعالي يا ماما اقيسلك الظغط
جلست سميره ومدت لابنتها ذراعها كي تقيس لها ضغط الدم
وصال بقلق :ياااه يا ماما ضغطك عالي اوي.... فين الدواء
سميره :خالص والله يا وصال هاخد مسكن وهبقي اجيبه من الصيدليه الصبح
وصال :لا مينفعش تستنى لحد الصبح انا هنزل اجيبه
سميره:هتنزلي فين يا وصال الساعه ١٠
وصال وهي ترتدي ردائها الأسود:مينفعش تفضلي كدا للصبح يا ماما
هبطت وصال للأسفل وذهبت لتشتري الدواء المطلوب كانت الشوارع شبه خاليه الوقت متأخر نسبيا
وصلت اخيرا الي الصيدليه وهي تشعر بالقلق اشترت الدواء المطلوب وخرجت من الصيدليه والتقت بكريم بالقرب من منزلها
كريم بابتسامه :ابله وصال
وصال وهي تهم بالذهاب :مساء الخير يا كريم
كريم :مساء الفل..... استنى بس انتي رايحه فين
وصال :معلش يا كريم الوقت اتأخر ومش هينفع أقف كتير بعد اذنك
انصرفت وصال من أمامه بسرعه البرق وقلبها كاد ان يقتلع من مكانه من شده الخوف فهذا الشاب معروف بسوء الأخلاق
صعدت وصال للأعلى وناولت امها الدواء واطمئنت عليها وبعدها خلد الاثنان في نوم عميق
أشرقت شمس يوم جديد واستيقظت وصال وأدت روتينها اليومي وانصرفت للعمل
في المستشفى
تبادلت التحيه مع الجميع ومن بينهم حازم
مرت ساعتان ووصال في العمل حتى دق هاتفها ووجدت المتصل غاده
وصال بابتسامه :يا صباح الجمال يا عروستنا
غاده :صباح الفل يا حبيبتي... عامله ايه؟
وصال :الحمد لله يا حبيبتي انا تمام والله انتي عامله ايه وطارق عامل ايه
غاده :احنا كويسين والله... طارق بيسلم عليكي
وصال :الله يسلمك ويسلمه يا حبيبتي
غاده :بقولك ايه يا لولو
وصال :ايوه يا حبيبتي
غاده :انا عازمك على الغداء يوم الجمعه طارق هو اللي هيطبخ ههههههه
وصال :هههههههه يوم الجمعه
غاده :ايوه
وصال بشرود :بس يا غاده الشغل التاني بعد دا على طول
غاده :مش انتي قولتيلي الست اللي هناك طيبه استأذني عشان تتأخري ساعه يوم الجمعه
وصال :تفتكري هتوافق
غاده :ايوه ان شاء الله هتوافق بس قوليلها
وصال : حاضر
تحدثت وصال مع غاده قرابه العشر دقائق واغلقت الهاتف وتابعت عملها وانصرفت الي منزل اكرم
دخلت بوابه الفيلا الكبيره ثم صعدت لغرفه الجده دقت باب الغرفه وسمحت لها الجده بالدخول
وصال بابتسامه  :مساء الخير يا تيته
صفاء :مساء النور يا حبيبتي
وصال :حضرتك عامله ايه النهارده
صفاء :الحمد لله يا بنتي
فحصت لها وصال ضغط الدم والسكر وناولتها الادويه بحب
وصال :تحبي حضرتك ننزل تحت زي امبارح
صفاء :ياريت والله
وصال بابتسامه :طب يلا بينا
ساعدتها وصال على الجلوس على كرسيها المتحرك وخرجت من الغرفه اوقفها صوت اكرم امام غرفته
اكرم :لو سمحتي عاوز اتكلم معاكي شويه
وصال :تحت امر حضرتك
اكرم :هستناكي في الجنينه
وصال :تمام
انصرفت مع الجده برفق الي الأسفل وساعدتها علي الجلوس على مقعد عادي أمام المسبح تحت نظراته المتجمده لها
وصال :بعد اذن حضرتك يا تيته هروح اشوف استاذ اكرم واجي
صفاء :ماشي يا حبيبتي
انصرفت وصال ووقفت أمام الطاوله التي يجلس عليها
وصال :حضرتك طلبتني... تحت امر حضرتك
اكرم وهو يتصفح هاتفه :اتفضلي اقعدي
جلست على الكرسي المقابل له وضع هاتفه ووجه نظره إليها وملامحه متجمده
اكرم :في حاجات في البيت دا يا انسه مينفعش حد يتخطاها
وصال :مش فاهمه هو انا عملت حاجه ضايقت حضرتك
اكرم :لحد دلوقتي لا
وصال :تمام
اكرم :بصي يا انسه وصال انتي شغلك هنا مقتصر على تيته وبس
وصال :وانا مبعملش حاجه غير كدا ولا حضرتك ليك رأي تاني
اكرم :ممكن تديني فرصه اكملك كلامي
وصال :اتفضل
اكرم :في اوضه في البيت ممنوع حد يدخلها اظن نورين كلمتك عنها اول ما جيتي وهقولك تاني الاوضه دي ممنوع تدخليها لأي سبب من الأسباب... مفهوم
وصال :مفهوم.... اي أوامر تانيه
اكرم :لا مفيش تقدري تتفضلي بس متنسيش كلامي
وصال :تمام بعد اذن حضر.....
لم تكمل جملتها الاخيره حتى دق هاتفها الموجود على الطاوله باسم حازم ولاحظ هو هذا
وصال :بعد اذن حضرتك
اكرم بغيظ :اتفضلي
انصرفت من أمامه وفتحت هاتفها بابتسامه وهو يجلس مكانه وعيناه مصوبه عليها ينظر لها بغيظ شديد يود اقتلاع رقبتها ورقبه المتصل ولا يعلم لما رواده هذا الشعور انتفض سريعا حتى لا تلاحظه وصعد لغرفته حاول أن ينام مثل كل يوم ولكنه لا يستطيع من الشده الغضب ظل يتمشى بالغرفه ذهابا وايابا
في الأسفل
وصال :انا متشكره اوي يا دكتور
حازم:على ايه يا وصال.. خلي بالك من نفسك
وصال :تمام
حازم :يلا هقفل انا عشان معطلكيش هكلمك تاني
وصال :تمام يا دكتور
حازم :مع السلامه
وصال :سلام
اغلقت الهاتف وذهبت للجده وجدت نورين قد أتت لتوها من الخارج
وصال:حمد لله على السلامه يا نور
نورين :الله يسلمك يا حبيبتي.. عامله ايه
وصال :تمام .... انتي عامله ايه؟
نورين:الحمد لله يا روحي
وصال :يارب دايما...... تحبي احضر لحضرتك الغداء يا تيته
صفاء :ماشي يا حبيبتي
انصرفت وصال الي الداخل وامرت إحدى الخدم بتحضير الغداء وقفت تنتظر انتهاء الطعام وهي شارده بتلك المتعجرف
وصال في نفسها :يا ترى أي حكايه الاوضه دي؟
فاقت من شرودها على صوت انتهاء الطعام اخذت الطعام وخرجت الي الجده
وصال :بالهنا والشفا يا تيته
صفاء: على قلبك يا حبيبتي
تركت الجده تتناول الطعام وتحدثت مع نورين.
وصال :ها يا نور عامله ايه في الدراسه
نورين :اهو ماشي الحال
وصال :صحيح انتي في كليه ايه
نورين :علوم وحسبي الله ونعم الوكيل
وصال :ههههه ليه بس
نورين :يا شيخه دا انا طالع عيني والله
وصال :ربنا معاكي يارب
انتهت الجده من تناول الطعام  وأتت إحدى الخدم ونظفت الطاوله الصغيره ناولت وصال الجده بحب
هبط هو للأسفل بثابه السوداء وعطره المميز الذي يسبقه بمسافات
صفاء :رايح فين يا أكرم
اكرم:خارج يا تيته
صفاء :بدري كدا
اكرم:ايوه... خلي بالكم من نفسكم
صفاء :تمام
خرج اكرم من الفيلا ورمقها بنظره ناريه شعرت بالخوف من عيناه التي تشبه المحيط الواسع والغضب يصب منها
وصال في نفسها :ماله دا؟
صفاء :صحيح يا وصال اكرم قالك ايه انا نسيت أسألك
وصال :كان بينبهني من الاوضه المقفوله يا تيته
صفاء بتنهيده :ربنا يصبره ويهديه ويحميه من شر نفسه
نورين بحزن :يارب يا تيتيه
وصال :صحيح هي دي اوضه مين؟
نورين بحزن :رحمه
وصال :مين رحمه؟
صفاء :مراته يا بنتي
وصال :طب هي فين!؟
نورين بحزن ودموع :ماتت
وصال :انا اسفه والله
نورين :ولا يهمك يا وصال
في الخارج عند اكرم
كان يقود سيارته بسرعه جنونيه يشعر بالغضب الشديد تجاه وصال
اكرم في نفسه :مالك يا أكرم بتعمل كدا ليه؟

انتهى يوم شاق وعادت وصال لمنزلها اخيرا ووجدت امها بانتظارها مثل كل يوم

اقرو الفاتحه لشهداء الثوره 💔😔🇪🇬
#٢٥_يناير