خرج اكرم من غرفه نورين بعدما اطمئن على وصال واتجه لغرفته وابدل ثيابه وجلس بالغرفه حزين على حال حبيبته
في غرفه نورين
كانت نورين تجلس بجانب وصال التي بعالم اخر كانت تراقبها بحزن ودموع ظلت معها قرابه الساعه وبعدها دق باب الغرفه
نورين :ادخل
دخل اكرم الغرفه ووقف بجانبها ينظر إليها بحزن وقال
اكرم :عامله ايه دلوقتي؟
نورين بهمس :زي ما هي
اكرم :معلش أن شاء الله خير
كان يطمئن شقيقته وهو يحتاج من يطمئنه عليها
نورين :انت روحت لتيته يا أكرم
اكرم :روحتلها لما جيت بس كانت نايمه
نورين :طب خليك هنا مع وصال وانا هروح اطمن تيته وهاجي
اكرم :تمام
انصرفت نورين لغرفه الجده وهو اقترب منها وسحب كرسي وجلس بجانبها
في غرفه جده
يبدو أن صفاء كانت بانتظار احد احفادها ليطمئنها على وصال ومجرد ان رأت نورين سألتها سريعا
صفاء :ها يا نور روحتو أوصال عامله ايه دلوقتي يا بنتي
نورين بدموع :وصال هنا يا تيته
صفاء :ازاي؟
نورين :لما روحتلها كانت لوحدها يا تيته وقعت من طولها وانا بكلمها ودينها المستشفى وطلع عندها صدمه عصبيه مينفعش تقعد لوحدها
صفاء بدموع :يا حبيبتي يا بنتي.. طب وديني ليها يانور
نورين :هي دلوقتي نايمه يا تيته بكره ان شاء هخليكي تطمني عليها
صفاء :ماشي... خلي بالك منها يا نور
نورين :حاضر يا تيته
في غرفه نورين
كان يجلس بجانبها وقد سمح لدموعه بالانطلاق على وجهه كان يحدثها بهمس
اكرم :انا اسف يا وصال.. سامحيني يا حبيبتي.. بس والله العظيم انا مليش ذنب في اللي حصل... ارجوكي يا وصال اوعي تسبيني... انا بحبك
كانت وصال بعالم اخر لا تشعر بشي وهو يرى وجهها الذي تصبب عرقا تفحص حرارتها ووجدها قد اعتدلت قليلا
اكرم بهمس :الحمد لله.. إن شاء الله هتخفي يا وصال وتبقى احسن من الاول ومش هسيبك يا وصال انا مستحيل اسيبك
دقت نورين باب غرفتها ووجدت اكرم كما تركته
نورين :انت لسه هنا
اكرم :قولتي لتيته
نورين :ايوه كانت عاوزه تيجي بس قولتلها وصال نايمه دلوقتي
أنت تقرأ
رفقا بما تبقى مني!
Romanceاستيقظ حبيبي دعها تأخذ بيديك وتخرجك من ظلمات قلبك انا لم أعد موجوده ولن استطيع مساعدتك تقبلها مني انها هديتي لك انت تستحقها ولكن أريدك أن تحافظ عليها فهي لا تستحق العذاب
