رفقا بما تبقى مني!

الفصل الرابع

خرجت وصال من منزل اكرم في تمام السابعه وبعد مرور ساعه ونصف باستخدام الموصلات العامه وصلت لمنزلها اخيرا
سميره :حمدلله على السلامه يا وصال... اتاخرني ليه يا حبيبتي
وصال :معلش يا حبيبتي دا انا حتى جايه بدري عن الميعاد اللي اتفقنا عليه
سميره :طب احكيلي بقا يومك كان عامل أزاي
وصال :كان تمام بفضل دعواتك ليا والناس اللي هناك في قمه الاحترام والتواضع
سميره :الحمد لله يا حبيبتي دا انا كنت هموت من القلق عليكي
وصال :بعد الشر عنك يا جميل... ها قوليلي بقا اتغديتي واخدتي الدواء
سميره :ايوه يا حبيبتي
وصال :طب انا هروح اغير هدومي واصلي واحضر العشاء
سميره :طب خليكي يا حبيبتي انا هحضر العشاء انا
وصال :انا محضره كل حاجه قبل ما امشي ممكن بقا ست الكل تقعد وتستريح عشان اخلص بسرعه واجي احكيلك اللي حصل بالظبط
سميره :ماشي يا حبيبتي
عند اكرم كان قد بدأ يومه للتو استيقظ من نومه في تمام التاسعه مساءا ابدل ثيابه وذهب لغرفه جدته ليطمئن عليها دق باب الغرفه حتى سمحت له بالدخول
اكرم :عامله ايه يا حبيبتي دلوقتي
صفاء :الحمد لله يا كوكو انت عامل ايه
اكرم بابتسامه :كوكو تاني ها... انا كويس
صفاء: مش هتقابل الممرضه الجديده يا أكرم
اكرم :ليه يا تيته
صفاء:عشان تعرفها القواعد اللي انت عاملها في البيت ومتتعدهاش مع انها بنوته زي القمر وهاديه وباين عليها أخلاقها عاليه
اكرم بلامبلاه:انتي قابلتيها يا تيته خلاص فهميها انتي
صفاء:يا سلام اشمعنا دي
اكرم :سيبها بظروفها يا تيته لو قبلتها هكلمها اهم حاجه ممنوع تدخل اوضه رحمه
صفاء بتنهيده :ماشي يا أكرم
اكرم بابتسامه :يلا بقا يا جميل هسيبك دلوقتي
صفاء:خلي بالك من نفسك
اكرم :متقلقيش يا حبيبتي... يلا سلام
صفاء:سلام
خرج من الغرفه وأغلق الباب خلفه
صفاء بتنهيده :ربنا يهديك يا أكرم ويحميك من شر نفسك
في منزل وصال
وصال :بس يا ستي دا كل اللي حصل من ساعه من خرجت من هنا لساعه ما رجعت تاني
سميره : ربنا يوفقك يا حبيبتي ويجعلك في كل خطوه سلامه
وصال :يارب يا ماما ويخليكي ليا وميحرمنيش منك.. يلا الفيلم هيبدا هروح اجيب الفشار
سميره :ماشي يا حبيبتي
قضت وصال مع امها ساعتان أمام التلفاز وذهبت لغرفتها وذهبت في ثبات عميق من كثره التعب والإرهاق
أشرقت شمس يوم جديد واستيقظت هي بحيويه ونشاط ادت فريضتها وأعدت الإفطار وذهبت للمستشفى اولا
قابلت حازم بالمستشفى اولا ويبدو عليه القلق
وصال :صباح الخير يا دكتور
حازم :صباح الخير يا وصال... قوليلي عملتي ايه في الشغل امبارح حاولت اكلمك كذا مره اطمن عليكي بس انتي مردتيش
وصال :لا الحمد لله يا دكتور طلع الشغل كويس.... انا شوفت رنات حضرتك بس الوقت كان اتأخر عشان كدا معرفتش اكلمك انا اسفه
حازم :ولا يهمك يا وصال.... انا بس كنت قلقان عليكي
وصال :لا انا تمام الحمد لله
حازم :طب يلا بينا
وصال :يلا
دخلت وصال المستشفى وتبادلت التحيه الصباحيه مع الجميع بحب فهي تمتلك شعبيه كبيره وحازم ينظر لها من بعيد باعجاب
انتهت من عملها بالمستشفى وهمت بالانصراف للعمل الاخر دخلت هذه المره سريعا من دون إجراءات وصعدت لغرفه الجده
وصال بابتسامه :مساء الخير
صفاء :مساء النور يا حبيبتي
وصال :حضرتك عامله ايه النهارده
صفاء :الحمد لله
فحصت لها وصال الضغط والسكر وناولتها الادويه بحب
صفاء :متشكره اوي يا حبيبتي
وصال :العفو يا صفاء هانم
صفاء :مش انا قولتلك تقوليلي يا تيته لازمتها ايه هانم دي بقا
وصال :خلاص ماشي يا تيته
صفاء :ايوه كدا طالعه زي السكر منك
وصال بابتسامه :ربنا يخلي حضرتك يا تيته... بعد اذنك بس هروح اصلي الظهر وارجعلك
صفاء بابتسامه :انتي بتصلي يا وصال
وصال :طبعا
صفاء :ربنا يبارك فيكي يا حبيبتي ادعيلنا معاكي
وصال بابتسامه :حاضر
انصرفت وصال لغرفتها الموجوده بالفيلا وأدت فريضتها
ودعت  لأمها وغاده والجده ونورين وحفيد الجده الذي لم تراه بعد
انتهت بعد ربع ساعه وعادت مجددا لغرفه الجده
صفاء:حرما يا حبيبتي
وصال :جمعا أن شاء الله
صفاء :الجو بره عامل ايه يا وصال
وصال :كويس خالص... اي رأي حضرتك ننزل نتمشى تحت في الجنينه شويه
صفاء :يااااه دا انا مخرجتش من اوضتي بقالي زمن
وصال :طب يلا بينا
خرجت الجده برفقه وصال واستخدمت الكرسي المتحرك هبطت الجده للأسفل برفقه وصال وجلست على مقعد عادي أمام المسبح
صفاء:فعلا الجو حلو
وصال :ايه رأي حضرتك اجبلك الغداء هنا
صفاء:لا انا مش عاوزه اتغدى دلوقتي بس عاوزه منك حاجه تانيه
وصال :ايه هي؟
صفاء :عاوزه فنجان القهوه بتاعي دلوقتي
وصال :حضرتك مشربيتهوش الصبح
صفاء :لا
وصال :طب ثواني.. هروح اعمله واجي
صفاء :تسلميلي يا حبيبتي
انصرفت وصال الداخل وتبقت الجده بالحديقة دقائق وقد أتت وصال بالقهوه
وصال :اتفضلي
صفاء :متشكره اوي يا حبيبتي
وصال بابتسامه :العفو
دق هاتفها ووجدت المتصله والداتها استأذنت لتحدثها بعيدا قليلا عن الجده
دقائق أخرى وقد أتت نورين وهيثم من الخارج
نورين :الله الله الله ايه التغير الحلو دا اخيرا يا تيته نزلتي تحت
هيثم :ازي حضرتك يا تيته
صفاء :اهلا يا هيثم عامل ايه يا ابني
هيثم :تمام الحمد لله.... هو اكرم فوق
صفاء:ايوه
هيثم :طب بعد اذنكو
صفاء ونورين :اتفضل
صفاء :انتو جايين مع بعض يا نور
نورين :لا يا تيته انا قابلته عند البوابه بره... صحيح هي فين وصال
صفاء :بتكلم والداتها اهي
نورين :طب تمام انا هروح اغير هدومي واجي اقعد معاكم
شويه
صفاء :ماشي يا حبيبتي
في الأعلى دق هيثم باب غرفه اكرم ودخل الغرفه وجده نائم
هيثم :اكرم اكرم
اكرم بكسل :عاوز ايه يا هيثم
هيثم :يا عم قوم الساعه ٤
اكرم :والنبي يا هيثم عاوز انام
هيثم :قوم يا أكرم في ورق مهم جدا لازم تمضي عليه
اكرم :خليه بكره
هيثم :مينفعش لازم الورق يكون في البنك كمان ساعه
اكرم :مجبتوش معاك ليه
هيثم :اهو اللي حصل يا أكرم قوم يلا
اكرم :طب استني هغير هدومي وجاي
نهض اكرم من الفراش وفي خلال نصف ساعه كان اكرم ابدل ثيابه لبدله رسميه سوداء اللون ليذهب لمقر شركات والده
في الأسفل
وصال :بالهنا والشفا يا تيته
صفاء :تسلميلي يا حبيبتي
نورين :والله يا وصال انتي عملتي المستحيل خليتي تيته تنزل تحت
وصال :مينفعش حضرتك تفضلي فوق طول الوقت لازم تنزل وتمشي.... هروح اجيب لحضرتك الدواء
صفاء : الدواء فوق خديني معاكي بقا اطلع ارتاح فوق
وصال بابتسامه  :تمام يلا بينا... هتيجي معانا يا نورين
نورين :لا يا حبيبتي انا هفضل هنا اذاكر شويه
وصال :تمام... يلا يا تيته
انتقلت الجده على الكرسي المتحرك وصعدت برفقه وصال الي الطابق الاعلي وصلت اخيرا أمام غرفه الجده فتحت الباب ودخلت أمام الجده لكي ترتب لها الفراش والادويه اولا  وظلت  الجده بالخارج بعدما قررت ذالك
صفاء :اكرم؟... غريبه يعني صاحي بدري
اكرم :عندي شغل يا تيته... انتي ايه اللي خرج حضرتك من الاوضه
صفاء :انا طول النهار تحت
اكرم :اي اللي نزل حض.........
لم يكمل جملته حتى اتت من الداخل ولم تنتبه له
وصال :يلا يا تيته
صفاء :تعالي يا وصال
تذكر هو وصال التي رائها بالمستشفى وعندما خرجت من الباب تفاجي انها هي وهي أيضا تفاجئت من وجوده
صفاء :دا اكرم يا وصال حفيدي... ودي وصال يااكرم الممرضه الجديده
وصال بابتسامه  :اهلا وسهلا
كان يقف شاردا بملامح متجمده فاق من شروده سريعا وقال وهو يهم بالانصراف.
اكرم :اهلا.. بعد اذنكو
رفعت حاجبيها باستغراب منه وأخذت الجده للداخل ونقلتها الي فراشها برفق
في الأسفل
كانت تجلس نورين تتابع دروسها حتى رأت اكرم وقفت أمامه
نورين :اكرم؟
اكرم :انتي بتعملي ايه هنا يا نورين
نورين :بذاكر
اكرم :طيب شدي حيلك بقا
نورين :أن شاء الله انت رايح فين
اكرم :عندي ميعاد مهم مش هتاخر خلي بالك من نفسك
نورين :تمام وانت كمان
انصرف اكرم برفقه هيثم الي مقر العمل
بالأعلى
صفاء :متزعليش من اكرم يا وصال هو طريقته كدا بس طيب اوي
وصال بشرود:لا مش زعلانه يا تيته
صفاء :معلش يا بنتي لما تعرفي حكايته هتعزريه
ابتسمت لها وصال وبادلتها الجده ابتسامه هي الأخرى
في الخارج
كان يجلس علي كرسي مكتب رئيس مجلس الادراه بشموخ وهيثم والسكرتيره أمامه
وقع اكرم باسمه على الأوراق المطلوبه وهم بالانصراف
اكرم :سلام يا هيثم
هيثم :امشي بالراحه وانت سايق
اكرم :متقلقش سلام
قاد سيارته وانطلق لمنزله سريعا وهي تطارده بأفكاره حاول أن طردها من أفكاره ولكنها ترفض الخروج عاد الي منزله بعد مرور نصف ساعه في الطريق احس بشعور غريب وهو يدخل المنزل هو يعلم انها في الداخل
صعد لغرفه جدته ليطمئن عليها دق الباب وسمحت له بالدخول
اكرم : مساء الخير يا تيته
صفاء :مساء النور يا حبيبي
اكرم :حضرتك عامله ايه النهارده
صفاء :كويسه الحمد لله
بحث بنظره عنها في الغرفه الواسعه ولكن لم يجدها لاحظت صفاء ذالك وقالت
صفاء :مش هنا
اكرم :هي مين اللي مش هنا
صفاء :وصال... عارفه انك بتدور عليها هتلاقيها في اوضتها
اكرم : تمام يا تيته
خرج من غرفه جدته وتوجه لغرفتها دق الباب كثيرا ولكنها لم تجيب شعر بالقلق فتح الباب قليلا وتفحص الغرفه بعيناه وهو بالخارج حتى لاحظها وهي تادي فريضتها نظر لها نظره سريعا وانصرف لغرفته مجددا دون أن يحدثها
مرت الساعات القليله المتبقيه على انتهاء اليوم الثاني من عمل وصال جديد وانصرفت من منزل اكرم في تمام السابعه وعادت لمنزلها

يتبع.......
توقعاتكم للقادم ايه؟ 😍😎