رفقا بما تبقى مني!

الفصل الثالث

أشرقت شمس يوم جديد واستيقظت وصال من نومها  وأدت روتينها اليومي وانصرفت للعمل بمفردها
دخلت مقر عملها مثل كل يوم وتبادلت التحيه مع الجميع
حتى أتت لها مني صديقتها
مني :صباح الخير يا لولو
وصال :صباح الفل يا حبيبتي
مني :فرح غاده امبارح كان تحفه وانتي كنتي زي القمر عقبالك يا حبيبتي
وصال :حبيبتي انتي القمر والله عقبالك انتي الاول
مني :لا يا لولو انتي اللي اخدتي البوكيه الأول
وصال :هههههههههه انتي بتصدقي الكلام دا
مني :ايوه طبعا....... يالهوي انا نسيت انا كنت جايه ليه
وصال :ليه يا مونمن
مني :المدير عاوزك
وصال :ايه؟!
مني :متتخضيش كدا ان شاء الله خير
وصال :يارب.... بعد اذنك هروح اشوفه بقا
مني :ماشي يا حبيبي بس بقولك ايه اعملي حسابك هنروح نرخم على غاده بعد بكره
وصال :ههههه أكيد... يلا سلام
مني :سلام
انصرفت بخطوات قلقه الي مدير المستشفى دقت باب المكتب ودخلت
وائل :ادخل
وصال :حضرتك طلبتني يا دكتور
وائل :اتفضلي يا انسه وصال
جلست وصال امامه
وائل :انسه وصال في شغل جيلك
وصال :مش فاهمه يا دكتور وشغلي هنا هو انا عملت حاجه غلط
وائل :بالعكس يا بنتي انضابطك والتزامك هو اللي خلاني ارشحك للشغل دا
وصال :ممكن حضرتك تشرحلي اكتر
وائل :بصي يا وصال انتي زي بنتي.... في واحده ست طلبت ممرضه خاصه ليها بمرتب كويس اوي 5000 جنيه في الشهر والشغل هيكون من الساعه ٢ للساعه ٨ يعني في ميعاد الشيفت التاني اللي انتي بتشتغليه في المستشفى وانا اختارتك لأنك ملتزمه وقد المسؤولية بس طبعا ليكي حريه الاختيار تقبلي او ترفضي بس يا وصال دي فرصه كويسه ليكي ارجوكي فكري وانا منتظر ردك لحد نهايه الأسبوع 
وصال :تمام يا دكتور انا متشكره اوي... بعد اذن حضرتك
وائل :اتفضلي
انصرفت وصال من غرفه المدير وهي مشغوله البال حتى اصطدمت بحازم
وصال :اسفه يا دكتور ما اخدتش بالي والله
حازم :ولا يهمك يا وصال.. صحيح مامتك عامله ايه
وصال :الحمد لله كويسه
حازم :حبيبت مامتك من اول ما شوفتها
وصال بابتسامه :ربنا يخليك يا دكتور
حازم بابتسامه :ربنا يخليهالك يا وصال
وصال :يارب يا دكتور بعد اذنك

انتهت من يوم عمل شاق في تمام السادسه وانصرفت الي منزلها باستخدام الموصلات العامه وهي تتذكر غاده التي كانت ترافقها منذ بدايه اليوم الي نهايته
وصال بابتسامه :ربنا يفرح قلبك ويسعدك يا غاده
وصلت اخيرا الحي في تمام السابعه مسائا اوفقها صوت احد ما

كريم :لو سمحتي يا ابله
التفت له وصال
وصال :ايوه
كريم :ممكن حضرتك تيجي معايا البيت البنت بنت اخويا تعبانه وبتاخد حقن في الوريد فاستسمحك يعني تيجي تيدهاله
وصال :معلش يا كريم مش هينفع اجي البيت عندك هات بنت اخوك وتعالي بيها البيت عندي انا وماما هنا
كريم بارتباك :أصلها تعبانه ومش هينفع تتحرك
وصال :شيلها يا كريم وهاتها...... انت واخوك لوحدكو في البيت وانا مينفعش اجي بعد اذنك
انصرفت من أمامه وهو ينظر إليها حتى اختفت من تحت نظره
كريم :بس لو تيجي يا جميل بس ماشي ليك يوم
بعدها انصرف هو الآخر
دخلت وصال المنزل وجدت امها بانتظارها
وصال:مساء الخير يا حبيبتي
سميره :مساء الفل يا حبيبتي اتاخرتي ليه يا وصال
قصت وصال لأمها ما حدث بالتفصيل مع كريم بالخارج
سميره:كويس انك قولتيله كدا دا شكله اتهبل خالص خدي بالك من نفسك يا وصال
وصال :متقلقيش يا حبيبتي....يلا انا هقوم اغير هدومي واصلي واحضر العشاء
سميره :ماشي يا حبيبتي
انصرفت وصال الي غرفتها وابدلت ثيابها وأدت فرضها واتجهت للمطبخ بعد ذالك لتجهيز طعام العشاء
انتهت بعد نصف ساعه وبدات هي وامها بتناول الطعام
في فيلا اكرم مختار
كان قد بدأ يومه للتو فمنذ قليل استيقظ من النوم وابدل ثيابه كان يقف أمام المراءه يصفف شعره الكثيف ووقف ينظر بشرود لنفسه حتى أتت على باله تلك الفتاه المدعوه وصال والحلم  الذي راوده بخصوصها
اكرم :ايه معنى الحلم دا واشمعنا دي بالذات
انتهى من تصفيف شعره واتجه للخارج مثل كل ليله
في منزل وصال
وصال :ماما انا في شغل جيلي
سميره :طب وشغلك في المستشفى يا وصال
قصت وصال لأمها تفاصيل العمل الجديد
سميره:لا يا وصال مش موافقه
وصال :ليه بس يا ماما ارجوكي فكري دي فرصه كويسه ومش هتتكرر تاني
سميره : ازاي يا بنتي اسيبك تروحي عند ناس غريبه كدا
وصال :يا حبيبتي انا مش هيكون ليا علاقه غير بشغلي
سميره :لا برضو يا وصال
وصال :طب بصي يا حبيبتي انا هدخل انام دلوقتي عشان الوقت اتأخر وارجوكي فكري تاني بهدوء واللي انتي عاوزاه هو اللي هيحصل
سميره :ماشي يا حبيبتي تصبحي على خير
وصال :وانتي من اهل الخير يا حبيبتي
انصرفت كلا منهم إلى غرفتها
أشرقت شمس يوم جديد
استيقظت هي من نومها وادت فرضها واتجهت للمطبخ
وعاد اكرم لتوه الي المنزل
ذهبت وصال لعملها
مر يومان بسلام على وصال وأكرم واتفقت وصال مع منى ان يذهبو لزياره غاده في المساء
وصال :يلا يا منى الساعه ٦
مني :هنروح لغاده دلوقتي
وصال :ايوه انا كلمت غاده وهي مستيانه
مني :يلا يا حبيبتي
ذهبت الفتاتان الي صديقتهم ومشوا مسافه ليست بعيده عن المستشفي بعد عشر دقائق سيرا على الأقدام وصلت الفتاتان اخيرا وصعدو باستخدام المصعد للطابق العاشر دقت وصال باب المنزل وفتح لهم طارق بابتسامه
طارق :اهلا و سهلا
وصال ومني :الف مبروك يا طارق
طارق :الله يبارك فيكم يا بنات عقبالكم.... اتفضلو
دخلت الفتاتان وخرجت غاده من غرفتها واستقبلتهم استقابلا حار
غاده :وحشتوني اوي والله
وصال :يا حبيبتي انتي اكتر والله
مني :والله العظيم انتي وحشتينا اكتر الشغل ممل من غيرك والله
جلست الفتيات يتحدثون وبعد نصف ساعه استأذنو للرحيل
غاده :والله ما هينفع.... لازم تتعشوا معانا
وصال:معلش بقا يا غاده خليها مره تانيه
غاده :انتو عاوزين تزعلوني بقا
مني :بصي خليها مره تانيه عشان احنا كمان منتاخرش في الطريق
غاده :خلاص يا بنات بس هتعوضها مره تانيه كده مينفعش
وصال :اه والله مره تانيه هنجيلك بدري اكتر من كده
استأذنت وصال وغاده ورحلو
في الأسفل
هيثم :انا متشكر اوي يا باش مهندس عالتوصيله دي
اكرم :ولا يهمك... انت كلمت التوكيل
هيثم :ايوه.... هطلع انا بقا
اكرم :تحب استناك
هيثم :لا مفيش داعي هطلب أوبر
اكرم :خلاص
هبط هيثم من سياره اكرم وتوجه للداخل كاد اكرم ان ينصرف بالسياره هو الآخر حتي اوقفه صوت انثوي كان زجاج السياره لا يظهر سوي عيناه التفت ليري من صاحبه تلك الضحكه الساحره وتفاجي من وجودها ظل شاردا بها وهي تضحك حقا ضحكتها ساحره عندما اقتربت من السياره رأت عيناه نظرت اليه نظره سريعه وتأكدت انه نفس الشاب التي قابلته بالمستشفى وفي زفاف طارق وغاده فاق من شروده وانصرف سريعا وهي أيضا ودعت صديقتها وانصرفت لمنزلها
كان الثنائي كلا منهم شاردا بالاخر طوال الطريق
وصلت وصال الي منزلها في تمام السابعه والنصف اما هو فمثل كل ليله توقفت سيارته أمام احد الملاهي الليله وكالعاده سيظل بها حتي الصباح
في منزل وصال
وصال :مساء الخير يا ماما
سميره :مساء الورد يا حبيبتي.... روحتي لغاده
وصال :ايوه روحت انا ومنى بتسلم عليكي كتير
سميره :الله يسلمك ويسلمها يا حبيبتي
وصال :بصي بقا يا ست الكل دقائق بس هغير هدومي واصلي واجي احضر العشاء
سميره :براحتك يا حبيبتي
دخلت وصال غرفتها وابدلت ثيابها وأدت فريضتها واتجهت للمطبخ لتجهيز العشاء
تناولت وصال مع امها العشاء واتجهو سويا لمشاهده التلفاز سويا
وصال :ماما!
سميره :ايوه يا حبيبتي
وصال :فكرتي في اللي قولتلك عليه
سميره :ايوه
وصال :ورأيك ايه
سميره بابتسامه :موافقه يا حبيبتي بس خلي بالك من نفسك
وصال وهي تعانق  :ربنا يخليكي ليا يا حبيبتي وميحرمنيش منك
أشرقت شمس يوم جديد واستيقظت وصال وادت روتينها اليومي وانصرفت للعمل
دقت الساعه الثالثه عصرا دقت وصال لغاده وحدثتها عبر الهاتف واخبرتها بقرار والدتها
غاده :الحمد لله ان مامتك وافقت دي فرصه كويسه اوي يا وصال بس خلي بالك من نفسك
وصال :متقلقيش يا حبيبتي
انتهت بعد عشر دقائق من حديثها مع غاده وانصرفت لمدير المستشفى لتخبره بقرارها دق باب مكتب المدير
وائل :اتفضل
دخلت وصال الغرفه وجدت حازم بالغرفه أيضا ظلت واقفه حتى سمح لها بالجلوس
وائل :اتفضلي اقعدي يا وصال
وصال :انا جايه أبلغ حضرتك قراري الاخير بخصوص الشغل انا موافقه
وائل :على خيره الله.. بصي يا وصال الناس دي انا اعرفها معرفه شخصيه وهما ناس محترمين اوي وان شاء الله تكوني مبسوطه معاهم وزي ما قولتلك انتي زي بنتي يعني لو احتجتي اي حاجه قوليلي
وصال :اكيد طبعا.. هو الشغل هيبدا من امتى
وائل:من بكره لو حبيتي.. مش عاوزه يبقى من بدايه الأسبوع الجاي
وصال :لا يا دكتور هبدا من بكره
وائل :ربنا معاكي
وصال:متشكره اوي يا دكتور بعد اذن حضرتك
انصرفت وصال ويليها حازم حتى اوقفها صوته
حازم :وصال
التفت له وصال وقالت
وصال :ايوه يا دكتور
حازم :هتمشي ياوصال
وصال:هبقي هنا من الساعه ٨ للساعه ٢ يعني مش همشي يا دكتور
حازم :خلي بالك من نفسك يا وصال ولو احتجتي اي حاجه في اي وقت متتردديش وكلميني على طول
وصال :اكيد طبعا يا دكتور.... بعد اذن حضرتك
حازم :اتفضلي
انصرفت وصال وتابعت عملها وانتهت بعد يوم شاق وعادت لمنزلها
مثل كل يوم فعلت روتينها المسائي وذهبت وجلست مع امها أمام التلفاز
سميره :هتبداي من بكره يا وصال؟
وصال :ايوه يا حبيبتي ان شاءالله ادعيلي
سميره :بدعيلك دايما يا حبيبتي خلي بالك من نفسك
وصال :متقلقيش عليا يا ماما وانا أن شاءالله هكلمك اول بأول واطمنك عليا
سميره :ربنا يريح قلبك يا بنتي
ذهبت وصال وامها كلا منهم إلى غرفتها ومرت الساعات القليله في الليل
أشرقت شمس يوم جديد واستيقظت وصال وأدت فريضتها ودعت الله أن يوفقها في عملها الجديد
ذهبت للمستشفى وأدت عملها بحب مثل كل يوم وقبل انصرافها للعمل الجديد استدعاها وائل
دقت وصال باب مكتب المدير
وائل :اتفضلي اقعدي يا وصال
جلست وصال وقال لها وائل
وائل:وصال لتاني مره بقولك انتي زي بنتي يعني لو احتاجتي حاجه كلميني ولو حسيتي نفسك مش مرتاحه في الشغل كلميني وانا هخلص الموضوع فورا
وصال :اكيد طبعا يا دكتور
وائل :انا أديت خبر لصحاب البيت وهما دلوقتي مستنيك
وصال :انا متشكره أوي يا دكتور بعد اذنك
انصرفت وصال من المستشفى واوقفت تاكسي وطلبت منه أن يذهب للمكان المطلوب وصلت بعد نصف ساعه اوقفها حارس أمام البوابه الكبيره
الحارس :انتي مين
وصال :انا وصال الممرضه الجديده
الحارس :انتي اللي بعتك الدكتور وائل
وصال :ايوه
الحارس :طب هاتي بطاقتك لو سمحتي
أعطتها له وتفحصها بنظره سريعه وقال
الحارس :طب اتفضلي معايه
فتحت البوابه وخطت وصال اول خطوه ودخلت الفيلا الشديده الجمال ارشدها الحارس الي غرفه السيده الكبيره
صعدت إليها وصال وهي يروادها شعور غريب تجاه هذا المنزل دقت الباب وسمح لها من في الداخل بالدخول
وصال بابتسامه :مساء الخير
صفاء :مساء النور يا حبيبتي انتي الممرضه الجديده
وصال :ايوه
صفاء :انتي اسمك ايه
وصال :انا اسمي وصال
صفاء :اسمك جميل وانتي جميله
وصال بابتسامه :متشكره اوي
صفاء :تعالي اقعدي جنبي يا وصال
ذهبت إليها وصال وجلست على مقعد مجاور لفراش الجده
صفاء :شوفي يا ستي انا اسمي صفاء قاعده في البيت دا انا وحفيدي وحفيتدي دلوقتي نورين هتيجي وتشوفيها انا متأكده انك هتحبيها وهي كمان هتحبك زي ما انا حبيتك من اول ما شوفتك
وصال بابتسامه :انا متشكره اوي يا صفاء هانم
صفاء :اول حاجه هعلمهالك هنا بلاش تقوليلي يا هانم انا هي زي جدتك بالظبط وانتي جايه تاخدي بالك مني قوليلي يا تيتيه زي نورين
وصال بابتسامه  :تحت امرك
دقائق وأتت نورين دقت الباب ودخلت وتبادلت التحيه مع الجده و وصال
صفاء :دي وصال يا نورين الممرضه الجديده ودي نورين يا وصال حفيدتي الشقيه
وصال :اهلا وسهلا
نورين بابتسامه: اهلا يا وصال
صفاء :انا كلمت اللي في البيت يجهز اوضه لوصال عشان لو حبت تستريح وهي هنا روحي وريهالها يا نور
نورين :حاضر يا تيته
خرجت نورين مع وصال من غرفه الجده
نورين :بصي بقا يا ستي انتي تقوليلي نور وانا اقولك يا لولو.. ماشي
وصال بابتسامه :تمام يا نور
نورين:بصي بقا يا ستي دي اوضه اكرم اخويا انتي مش هتشوفه اصلا
وصال :ليه
نورين :عشان هو بينام طول النهار ويسهر طول الليل يومه بيبدأ من الساعه عشره تقريبا..... ودي اوضتي ودي اوضتك
وصال :احنا اوضنا جنب بعضها
نورين :انا اللي قولت لتيته.. اصل انا من زمان كان نفسي يبقى ليا اخت وانا بصراحه حبيتك من اول ما شوفتك بصي ياوصال من الآخر كدا انا هصدعك
وصال :هههههههه ولا يهمك..... هي اوضه مين اللي هناك دي
نورين :دي اوضه اكرم بس مقفوله زي ما انتي شايفه ومحدش مسموحله يدخلها ابدا
وصال :تمام
نورين :ادخلي بقا شوفي اوضتك واعتبري نفسك في بيتك وبعد كدا بقا ابقى روحي لتيته
وصال :تمام
انصرفت وصال الغرفه ووجدتها جميله حقا اخذت تتجول بها ذهابا وايابا واخرجت هاتفها ودقت لوالدتها لتطمئنها
انتهت من الحديث مع امها بعد عشر دقائق وخرجت من غرفتها واتجهت لغرفه الجده تابعت اول ايام عملها بسعاده فهي قد أحبت الجده وحفيدتها كثيرا وانصرفت من المنزل في تمام السابعه بامر من الجده حتى لا تتأخر بالعوده الي منزلها....

توقعاتكم للجاي ايه؟
وقوليلي رايكم في الكومنتات 😍