قبل فرحنا بأسبوع مات أبويا مات وهو مش راضي عن حالي وقتها حسيت أن ظهري كسر و ترك بداخلي فراغ كبير وعلى عاتقي مسئوليه أكبر أمي وأختين ,أمي التي مع موته حسيت أن وشها ضلم ونسيت الضحكه إلي كانت بتنور وشها وفجأه عجزت كأنها كبرت عشرين سنه في الوقت ده إلى كنت أحوج فيه لجيهان لم أجدها بجواري ده حتى والدها لم يأتي لعزاء والدي وأكتفي ببرقيه عزاء مثل الغريب و الأصعب أن الهانم بعد أسبوع من موته لما فكرت تتصل كانت بتتصل وهي مضايقه أني فشكلتلها كل الترتيبات بتاعت الفرح الأسطوري بتاعها لا أعلم لماذا وجدت نفسي أذكر أمي عندما ماتت جدتي لأبي وهي تأخذ أبي في حضنها كأنه تقول له بدون كلمات أنا هنا بجانبك أمك وأختك وزوجتك .
وبدأت العوده للجامعه بعد أنقطاع أسبوع وسبحان الله أول من عزاني بعد زملائي كانت مها
مها برقه أعتذر أنها جائت متأخره يا أستاذي ولكننا لم نعرف كيف نصل إليك البقاء لله أسكنه الله فسيح جناته وأبدله دار خير من داره .
بدر البقاء لله شكرا يا مها .
بعد حديثي مع جيهان أخر مكالمه تعمدت عدم الرد على أتصلاتها علها تفهم خطئها ولكن من الواضح أن الموضوع عندها مش فارق.
وبعد أسبوع أخر من موت أبي قررت أواجهها وأفهمها غلطها فتوجهت إلي القصر ووجدتها نازله على سنجه عشره هي وشلتها الساعه الثامنه مساء من أجل بدايه السهره .
بدر جيهان أنت لابسه كده ورايحه فين .
جيهان أخيرا يا دكتور أفتكرت أنك خاطب و قلت تسأل عن خطيبتك .
بدر وهو يعني خطيبتي فكرت تقف جانبي وقت حزني .
جيهان أنت كمان زعلان مش كفايه أنك بوظت فرحي وكمان ما بتردش على مكالماتي.
بدر بوظت فرحك يا أستاذه إلي مات ده كان أبويا مش حد غريب يعني أزاي متصوره أني أعمل فرح وأبويا لسه ميت عقل مين إلي يقول كده .
وهنا قرر أحد الفرافير بتوع الشله أنه يتدخل وقال أيه يعني أنا شيكو كان ميت ودفنته الصبح وسهرت مع الشله بليل ده حتى النكد يقصر العمر يا دكتور .
بدر وشيكو ده بقى يقرب لك أيه
الفرفور شيكو معقول ما تعرفش شيكو ما أنت شوفته بنفسك معايا أكثر من مره وحتى حضرت عيد ميلاده .
بدر يا أنهارك ملحوس هو أنت بتقارن أبويا بالكلب بتاعك يا أبن شيكو و لكمته في وجهه .
جيهان بغضب أيه ده يا متوحش أزاي تعمل كده في زيزو .
ألتفت لجيهان وقد فاض بي الكيل وقلت لها صح عندك حق يا بنت الأصول أنا متوحش والمتوحشين إلي زيي ما ينفعش يعيشوا مع الناس الي زيكم علشان كده خلعت الدبله وفتحت يدها ووضعتها داخلها مكملا أحنا ما ننفعشي لبعض سلام يا بنت الأصول.
أنت تقرأ
أوراق من الحب والسعادة
Romanceهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
