بعد العمليه الكبيره ما خلصت وكانت ناجحه قرر اللواء نجيب يكافأنا بيومين أجازه بصراحه كنا هلكنا فيها بس قدرنا أننا نمسك المره دي عزيز الفومي متلبس بالجرم المشهود كنت فرحان جوايا وقلت أن ربنا خلص ذنب بدر وناس كثير أتجبر عليهم الرجل ده بنفوذه وشباب أكثر موتهم بالسلاح إلي بيدخله للبلد .
بس عارف لما يكون جواك أحساس كده أن الأجازه دي وراها مصيبه و سبحان الله قلب المؤمن دليله أول يوم أجازه لقيت ماما صاحيه ومبتسمه ومنتظراني في السفره علشان نفطر مع بعض خير اللهم أجعله خير.
شاهيناز صباح الخير يا حبيبي عامل ايه
شريف صباح الخيرات شاهيناز هانم أنا بخير الحمد لله.
شاهيناز أنت أخدت أجازه صح.
شريف بسم الله ما شاء الله عندك أخباري أول بأول ده مدام مريم شغاله رويتر ماشاء الله .
شاهيناز خالص ده حتى أنا ما سمعتش صوتها بقالي أسبوعين ووحشاني ايه رأيك نروح نزورهم .
شريف وهو يأكل نزور مين .
شاهيناز اللواء نجيب ومدام مريم .
شريف ما تزوريهم يا ماما هو أنا حشتك وبعدين أنا اللواء نجيب لسه شايفه أمبارح يعني ما لحقش يوحشني .
شاهيناز أه طيب بص بقى من الاخر كده أنا و أختك شيرين من يومين كده قابلت صاحبتها لبنى وأختها الصغيره في النادي فاكر لبني .
شريف بغير أهتمام لا
شاهيناز لبنى بنت اللواء عبد الرحمن السيد .
شريف حصلنا الشرف .
شاهيناز بغضب أخت عماد صاحبك مش معقوله نسيته.
شريف أه عماد عبد الرحمن ماله بقى
شاهيناز أيوه بالضبط كده طلعوا جيران اللواء نجيب .
شريف أيوه يعني وأنا مالي من كل اللفه دي أنا عماد ما شوفتوش من ساعه ما نقل للسياحة.
شاهيناز وأنا مش عايزه عماد في حاجة يا شريف أنا شوفت البنت وعجبتني شكلها بونبوناية وبعدين تربيه فرنساوي وبنت ناس طيبين حاجه كده ما تتفوتش .
شريف أه بقى قولتيلي لا أسف ما اعطلكيش يا أم شريف.
شاهيناز أخرس مقرف ,ده أنا جايبالك عروسه يتمناها أي حد , بص بقى أنا زهقت منك وهجوزك يعني هجوزك بالزوق بالعافيه هجوزك ومن الأخر كده لو ماروحتش معايا بكره علشان تخطب البنت دي أعرف أني هتبرأ منك وهموت وأنا قلبي غضبان عليك .
شريف أه قلبنا أمينه رزق .
شاهيناز بتقول أيه يا ولد .
شريف بقول حاضر يا ماما بس مش أشوفها الاول وتشوفني يمكن ما نعجبش بعض
أنت تقرأ
أوراق من الحب والسعادة
Romansaهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
