في أول أيام رمضان شعرت بأستعدادات غريبه داخل البيت فظننت أنها أستعدادات للزواج خاصه مع عوده أبي من السفر ولكن قبل الأفطار دخلت علي أمي والخادمه يحملون أفطارها وأفطاري لداخل حجرتي .
زينه بفرحه هو أنتي هتفطري معايا يا أماي.
أمي : أه أبوكي وأعمامك الثنين مجتمعين في المضيفه الشرقيه و أمر أن الوكل يروح على هنيك مش هيحس بحاجه واصل وده أول أيام الشهر الكريم أستوحشتك يا بتي .
زينه والله وأنت يا أما .
أمي بصي أنا كنت ناويه أستسمحه علشانك أول ما يجي من السفر بس هو مش عارفه ليه مش طايق نفسه وطلب أعمامك بس تلاقيها مشكله وهتنحل أصبري يا أبينتي .
زينه : ما أنا صابره يا أماي
أما في المضيفه الشرقيه فكان أبي وأعمامي في عالم ثاني .
حسنين الأخ الثاني : وده أيه إلي فكروا بينا بعد السنين دي كلتها عايز أيه .
عبد الحميد: هو كان بيبعت مراسيل من فتره للثانيه بس ما طلبشي قبل كده أنه يقعد معانا ويصر على أكده تفتكروا عايز أيه ما تقلنا أنت يا عربي أنت أكثر واحد فينا كان على صله بيه وبأبوه .
عربي ( الأخ الرابع) وهو أبوه ده مش أخوكم برضه
حسنين : أدخل في القصد يا عربي وما تلفيش وتدور أبن أخوك عايز أيه منينا
عربي : وفيها أيه لما يطلب يشوفكم و يقعد معاكم هو مش صياد برضه
عبد الحميد : ما تكترشي في الحديت الماسخ بتاعك ده لو بيفكر في زياده القرشنات إلى بتتبعتله قوله أن ده صعب الحال واقف وانا بعتله حقه
عربي بدهشه حقه أزاي يا عبد الحميد هو الملاليم إلا بتحطها كل سنه في حسابه وإلى ما تجيش حق غله فدان واحد من أرضه بتسميها حقه أتقي الله ده بدل ما تديله حقه بما يرضي الله وتحافظ عليه لازم تعرف أن حسين متعلم ومتنور وعارف حقه صوح ولو عايز يأخذه هيأخذه بالقانون ومش هتقدر تمنعه
عبد الحميد بغضب أكده طيب مالوش حاجه عندينا الكل عارف أن أبوي غضب على أسماعيل أبوه و أتبرى منه علشان خرج عن طوعه وأتجوز المصراويه ولا أنت ناسي .
عربي بأبتسامه لا مش ناسي يا عبد الحميد بس كمان مش ناسي أن أبونا سمح لأسماعيل أنه يشوفه قبل ما يموت وكتبله حقه الشرعي في الأرض والبيت ومتسجل ومعايا صوره من ده ولو عايز الأرض هيخدها.
وقف عبد الحميد بحده أه بقى ده أنت موالس معاه ومعصيه علينا طبعا ما أنتم دم واحد بس لا أنت بتحلم يا عربي ده لما يشوف حلمه ودنه ما تقول حاجه يا حسنين ساكت ليه
حسنين : أنا شايف أنه لو كان عايز زياده في القرشنات كان قالك في التلافون الموضوع مش موضوع قرشنات مش كده برضك يا عربي .
أنت تقرأ
أوراق من الحب والسعادة
Romanceهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
