أوراق من الحب والسعادة

الخاتمة

حاولت كتير مع سماح بس رفضت ترجع ومصره على الطلاق .

كنت حاسس أنها على حق خاصه أنها ما تعرفشي أني كنت بدور على حقها وكانت فاكراني بيعتها في عز أحتياجها وكنت برجع كل يوم البيت أحس قد أيه هو فاضي وضلمه وممل من غيرها.

وبصيت لقيت نفسي بأبعت لسماح على الواتس شعر لقيته حسيت أنه بيعبر عننا

لو أنَّ حبَّكِ كانْ في القلبِ عاديّاً لمَلَلْتُهُ مِن كَثرةِ التَّكرارْ

لكنَّ أجملَ ما رأيتُ بِحبِّنا هذا الجنونُ ، وكثرةُ الأخطارْ

حيناً يُغرِّدُ في وَداعةِ طِفلةٍ حينًا نراهُ كمارِدٍ جبَّارْ

لا يَستريحُ ولا يُريحُ فدائماً شمسٌ تلوحُ وخَلفَها أمطارْ

حيناً يجيءُ مُدمِّرًا فَيضانُهُ ويجيءُ مُنحسِراً بِلا أعذارْ

لا تعجَبي .. هذا التَّقلُّبُ مِن صَميمِ طِباعِهِ إنَّ الجنونَ طبيعةُ الأنهارْ

مادُمتِ قد أحببتِ يا مَحبوبتي فتَعلَّمي أن تلعبي بالنارْ

فالحبُّ أحيانًا يُطيلُ حياتَنا

وينُطق مجنونكِ بالأشعار

وطلعت الصبح رحت شغلي كالعاده وبعدها رحت لسماح وطلبت من عماد أني أكلمها أو أقعد معاها فقالي ربنا يسهل ما تستعجلشي وأصبر .

خرجت من عندهم وأنا مهموم قعدت ألف بالعربيه شويه و أنا زهقان أعمل أيه أرجع البيت الفاضي ولا أرجع الشغل ماهو أمي مانعه دخولي الفيلا عندها فقلت أطلع على العيال أقعد معاهم شويه بس ما لقيتش غير حمدي .

حمدي أيه يا أبني لسه معصلجه .

شريف أه بص هاتلي أكل أنا جعان خليهم رغيفين فول .

حمدي بتهكم رغيفين طيب ،يا عبد السلام جيب يا أبني قدره الفول الكبيره إلي عندك ومعاهم قد عشرين رغيف كده .

وقعدت أحكي مع حمدي وأقوله اني مفتقدها وقد أيه وحشاني على الرغم من أني ما كنتش متصور أن حياتي ممكن تغيرها واحده ست أبدا وأني أتعلق بيها كده

حمدي هتفرج يا صاحبي هما الستات بيبقوا يحبوا يتقلوا شويه بس هي كمان تلاقيك واحشها

شريف دي فكراني بيعتها يا حمدي .

حمدي أنت مش كنت بتقول دائما انها عندها الحاسه السادسه وبتشمها وهي طايره خلاص يبقى سبها على ربنا وثق فيه ثم في الحاسه السادسه .

شريف ربنا يسهل أنا هقوم بقى نفسي مسدوده وماليش نفس أكل.

حمدي بتهكم يا عيني يا أبني شكلك هفتان وخسيت النص يا عبد السلام سك يا أبني على القدره الثالثه .

رجعت البيت حسيت أن فيه صوت مش طبيعي جوه طلعت الطبنجه وأتسحبت ودخلت بالراحة لغايه ما وصلت لحجره النوم لقيتها سماح لابسه بيجامه ميكي وعامله ضفيرتين وماسكه التابلت والجزره .

شريف بأبتسامه أنت جيتي يا حبيبتي حمد الله على سلامتك.

سماح بطرف عينها أه طبعا جيت أمال خيالي تبقي تشكر بدر على الشعر الجميل ده .

شريف بس ده مش شعر بدر .

سماح لا ماهو مش معقول يبقى شعرك .

شريف المهم أنه عجبك .

سماح يعني مش قوي بس حلو .

شريف بس أيه الجمال ده والحلاوه دي قمر يا ناس .

سماح بأبتسامه يا سلام

شريف أه وحيات عبد السلام ده انا حتى لسه جي من عنده .

سماح بفضول عبد السلام مين .

شريف هاتي أنت بس التابلت ده وأنا هقولك على كل حاجه شديت منها التابلت .

سماح خخخخخخخخخخخخخخخخخخخخ .

شريف بضحكه وحشتني البقره المزنوقه دي ما أقولكيش قد أيه .

أنا بحمد ربنا على دخول سماح في حياتي , حياتي من غيرها كانت مالهاش طعم وبحمده كمان على التجربه الصعبه إلي مرينا بيها أحنا الأثنين أتعلمت منها كثير وهي كمان

أنا أتعلمت منها أنه زي ما الفساد أنواع ودرجات كمان الابطال درجات وأنواع وكل واحد فيهم ليه سلاح مختلف عن التاني بس مش زي ما أحنا متصورين لازم تكون بطل ليك قدرات خارقه ولا عميل سري وبتعرف تحارب بأطرافك الاربعه و تستخدم كل أنواع الأسلحة لا التجربه دي علمتني أن البطل (صفوت مان) موجود جوه كل واحد فينا وبيظهر وقت الحاجه البطل ده ممكن يكون زي حمدي المحامي إلي فاتح مكتبه علشان ينصر الغلابه ويقف في وش الظلم بخبرته وذكائه ومعرفته بالقانون .

أو حسين بجدعنته وشهامته مع إلي يعرفه وإلي ما يعرفوش كفايه أنه محتاجه هيلاقيه .

أو ست فردوس وبناتها إلي وافقت تقف قدام الغول على الرغم من أنها ضعيفه بس كانت عارفه أنها ليها ظهر أقوى من أي حد ربنا ،وسبحان الله ثقتها فيه خلت ربنا ينقذها من ورم كان في دماغها كان هيبقى خطر لو سكتت عليه وحادثه العربيه بينته وسط الأشعه والحمد لله قدرت تعدي منه

أو صحفي زي سماح بقلمها وأصرارها على كتابة الحقائق والوقوف في وش الفساد مهما كان شكله على الرغم من أنها بونبونايه على رأي أمي .

أو واحده زي أمي أه أمي مش شاهيناز هانم قدرت أنها تقف بقوه تستقبل خبر أستشهاد زوجها ورفيق عمرها بأبتسامه من غير ما تنهار على الأقل قدام ولادها وتربيهم لوحدها وتزرع جواهم المبادئ والأخلاق والوطنيه لغايه ما يكبروا وغيرها كثير زيها أمهات وزوجات وأباء وأبناء لشهداء عرفوا معني البطوله صح

والأهم أني فهمت أن مش معني أني عايز أكون بطل وأقف في وش الظلم أني ألغي حياتي وأحط في دماغي أني ممكن أموت في أي وقت لا الموت علينا حق والأعمار دي بيد الله والحياه لازم تستمر ولو كان والدي فكر زيي ما كنتش أنا جيت وما كنش صفوت جه هو كمان .

صفوت ده أبني سبحان الله هو طبعا أخذ الصفه الوراثية لعائله المصري بلا فخر بس كمان أخد لماضه أمه وطبعا في حماية أمي شاهيناز هانم إلي صفوت عندها حاجه ثانيه بس أنا ما بسيبوش كثير ليهم أه أحسن الولد يتعوج لسانه ويبقى فرنساوي ساعتها مش هعرف أتفاهم معاه وبأخده معايا كثير يلعب مع سيد .

شاهيناز هانم بغضب شريــــــــــــــــــــــــــــــــف .

أه شكلها عرفت بالربابه إلي جبتها لصفوت ربنا يستر .

أنا لقيت سعادتي وأنت؟