أوراق من الحب والسعادة

الفصل الثاني

الاولي مها طالبه عندي في الجامعه أول ما شوفتها حسيت أني لقيت إلي بابا كان بيقولي عليه جوهره البيت بنت جميله صح أدب وأخلاق وتدين ورقه وكمان تفوق شدتني من أول ما شوفتها كنت بحس أني بشرح الدرس ليها وأنها هي وبس الموجوده في المدرج قدامي بس لم أفاتحها في شئ قلت لنفسي أصبر لغايه ما أدرسها وبصراحه مع الوقت كانت بتثبتلي أن نظرتي المره دي في محلها فقررت أصبر لغايه ما تخلص علشان ماينفعش أعطلها وأشغلها عن المذاكره وكمان علشان أعرف عنها أكثر أهلها ومكان أقامتها يعني بعض المعلومات فعرفت من واحد معرفه أنها ساكنه في حي شعبي وأن أبوها عامل بسيط في مصنع وأنها دخلت كليه تجاره علشان المصاريف بصراحه المعلومات خلتني متردد

وفي الوقت ده ظهرت قدامي الثانيه جيهان عزيز الفومي بنت واحد من أكبر رجال الأعمال في مصر جمال وشياكه وأناقه حاجه كده تحس أنها خارجه من مجله أزياء ودي بقى قابلتها في المركز الثقافي كانت حضرت مع صاحبتها ندوه شعريه لي بصراحه كان منظرها مش بتاعت شعر بس بعد ما خلصت الندوه لقيتها قدامي

جيهان :أنت بصراحه مبدع أنا لم أسمع شعر برقه شعرك يمس القلب

بدر : شكرا لحضرتك

جيهان بأبتسامه ايه حضرتك دي أنا جيهان عزيز الفومي

بدر أهلا وسهلا

جيهان : هو أنت عندك أكونت على الفيس ممكن أخذه

بدر : أه أنا عندي مدونه شعريه وده عنوانها على الأنترنت كتبتها في ورقه وأعطيتها لها

جيهان بأبتسامه أه تمام طبعا هاتبعك

بدر إن شاء الله بعد أذنك

وبدأت تتابع بشغف وتكتب تعليقات عن كل شعر بقوم بنشره وبعد فتره وجدت طلب صداقه مرسل منها لصفحتي الخاصه على الفيس بوك في البدايه لم أقبل لكن بعد كده قبلت وأول رساله كانت مبعوثه لي كانت فرصه ذهبيه مقابله مع مذيع برنامج معروف قرأ أشعاري من المدونه ويريد إجراء لقاء معي بصراحه كانت فرصه بالنسبه لشاعر مغمور مثلي أنه يكون ضيف في برنامج مع مذيع مثله علشان كده قبلت وفعلا كان لقاء غير حياتي مش بس مع أشعاري لا مع جيهان أصبحنا نتقابل في الخارج وعرفتني على صديق والدها صاحب جامعه خاصه عرض علي عمل وأيضا كانت فرصه العمر وبدأت حياتي تأخذ بعد جديد وبدأت أعرف معني المكسب المادي و الشهره وشعرت أن جيهان أصبحت جزء مهم في حياتي وخاصه لما لمحتلي أنها عندها مشاعر لي وبعد تفكير قررت الأرتباط

يومها دخلت البيت كان أبويا يجلس مع أمي وأخوتي يشاهدون التلفاز.

بدر السلام عليكم

الجميع وعليكم السلام .

بدر بابا هو ينفع أتكلم معاك على أنفراد.