يومها ما فهمتش هو قاصد أيه لغايه ما محمد أتصل بيا وقالي حلتها.
بسمه أزاي.
حسن باباكي رافضني ليه .
بسمه علشان أنت أهلاوي .
حسن لا علشان ما يبقاش أحفاده أهلاويه مش كده .
بسمه بضحكه أه فعلا صح .
حسن أنا رحتله للنادي ومعايا واحد صاحبي طلع بيدرب في نادي الزمالك قعدنا نتكلم معاه شويه وبعدين قلتله أوعدك أن أحفادك ما يبقوش أهلاويه .
بسمه يا سلام وده خلاه يوافق .
حسن مش بالضبط بس أه , مش يهمك أنه وافق وخطوبتنا الخميس الجاي .
حسن في الفيلا عندنا , المكان بتاعنا بس التجهيزات بتاعتكم وعزمت صاحبي المدرب أياه مع شويه لعيبه من النادي وهتبقى فل .
بسمه وأهلك يا حسن .
حسن ما أنا عزمت كمان بعض اللعيبه الأهلاويه وهعمل فصل قوات هقعد دول في جهه ودول في جهه ثانيه خالص .
بسمه ربنا يستر .
الضحك أن الفيلا كان ليها بابين كل فريق دخل من باب و أنا وحسن قعدنا هنا شويه وهنا شويه الظريف أن اللعيبه نفسهم أهلي وزمالك لما قعدوا مع بعض ضحكوا وهزروا وعملوا جو لطيف جدا ولا في حاجه ومرت الليله على خير والحمد لله
بعد الخطوبه بابا كان قاصد يجيب حسن يتفرج معاه في البيت على ماتش الأهلي والزمالك ويسمعه شتيمه اللعيبه ويبصله المهم أن حسن كان بيشجع نادي الأهلي قدام بابا بس كان كمان بيصقف لما يدخل الزمالك جون .
مع حسن أتعلمت حاجه جميله أن الكوره حلوه بس الأحلى الروح الرياضيه وأنك تستمتع بلعبه حلوه بصرف النظر عن مين صاحبها , وأن المنافسه بين الفرق مشروعه وبتطلع أحلى ما فيهم بس من غير عنف ولا تحيز أعمي والدليل شفته بعيني في خطوبتي بين اللعيبه نفسهم وناس كثير كمان زيهم حياتهم عاديه وفاهمين الرياضه صح وبيشجعوا اللعبه الحلوه من غير تعصب ولا تشدد بس في كمان ناس متعصبين ومتشددين بطريقه غريبه وواخدين المواضيع على صدرهم وتلاقيهم بيتخانقوا في الشغل والشارع وعلى الفضائيات ويمسكوا في بعض وواخدين الموضوع حياه أو موت وده مش عندنا بس لا ده في كل بلاد العالم لدرجه اني سمعت أن في لعيب في دوله ما قتل بسبب جول كان خطأه وخسر فريقه بسببه وده بقى هو الغلط .
أنا بعد الجواز كنت بقعد في وسط أهل حسن معاه أشجع الزمالك بطريقتي علشان ما زعلشي حد وحسن عمل نفس الشئ ولما حد كان بيسألني أنت أيه أقوله أنا مصريه بشجع اللعبه الحلوه وده إلى هعلمه لولادي وزي ما حسن وعد أولادنا مش هيكونوا أهلاويه بس كمان مش هيكونوا زملكاويه هيكونوا زمهلويه .
ودلوقتي لازم أسيبكم علشان ماتش الأهلي والزمالك وأنا قررت أنا وحسن أننا نتابعه لوحدنا في البيت بطريقتنا وكل واحد يستمتع بطريقته ولما الأهلي هيكسب هعزم حسن على حاجه حلوه أما لو الزمالك كسب بيعزمني حسن على حاجه حلوه علشان نحتفل أحنا الأثنين بحاجه مشتركه بنحبها صح و من غير تحيز .
انا لقيت ساعدتي ماذا عنك؟
أنت تقرأ
أوراق من الحب والسعادة
Romanceهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
