أتنقلت أمي لمستشفي في حاله خطر وكان معايا حمدي كان وقت قاتل بالنسبه ليهم بس هما كانوا خايفين على أمي زينا وأول مره أحس أني لوحدي ونفسي يكون أبويا جانبي بس والحق يقال حمدي وحسين ومعاهم الضابط ما سبوناش للصبح وطلعوا من المستشفي على المحكمة حتى بعد ما طلعت الاشعة وعرفنا أن أمي عندها ورم في المخ أتصل الضابط بأخته وعرفها الحاله ولقيتها هي وجوزها عندنا في المستشفي و هما الأثنين تابعوا علاجها من الأصابات لغايه ما فاقت وبعدها نقلوها على مستشفي ثانيه علشان علاج الورم .
علاج أمي كان بالأشعاع كانت بترجع تعبانه ومرعوشه من الجلسه وكثير تنام ومترداش تأكل وشعرها بيقع وجسمها بقى أضعف وأخد فتره كان صعب علينا أحنا الأربعة و أول مره أحس أني خايفه وضعيفه بس هي كانت قويه وكانت في عز مرضها تقولنا إلي مع الله ما يخافشي من حاجه .
كان المفروض أننا إلي نديها القوه بس قوه أمي ما كنتش في إلي حوليها قوه أمي كانت نابعه من جواها من أيمانها الشديد بالله .
وزي ما بيقولك الأزمات تبين الناس في الوقت ده بصيت لقيتنا متحاوطين من ناس كثير من اهلنا وحبايبنا وحسين وأصحابه وناس ما كنتش أعرفهم بس عرفت أنهم يعرفوا أمي كويس وعايزين يردوا معروفها ,كانت ست فردوس بتعمل ساندوتشات فول للغلابه وتوزعها بالمجان في ساعه معينه وقت النهار وكانوا عارفين ده كويس ولما أكتشفت ده وكنت أنا إلي ماسكه العربيه بدل أمي كملته .
كانت فتره عصيبه أمتحان زي ما أمي قالت المؤمن مبتلى وعلى قد الصبر على قد الجزاء , كنت وقتها أخدت أجازه مفتوحه من شغلي ولما جيت أرجع قالولي جبنا حد ثاني حقهم برضه وفي أخر جلسه لأمي ومتابعه لقيت الدكتوره شيرين بتقولي.
شيرين : أنت شاطره قوي يا نعمه أنت بتشتغلي فين.
نعمة بصراحه يا دكتوره كنت بشتغل في مستشفي أسنان صغيره كده بس سبتها .
شيرين : حلو قوي أيه رأيك تشتغلي هنا في المستشفي معايا أحنا طالبين ممرضين و خاصه في قسم المخ والأعصاب تحبي تشتغلي معايا .
نعمة : بجد يا دكتوره أنت عايزه ممرضه ولا .
شيرين ولا أيه .
نعمه بخجل بتعمليها مساعده ليا .
شيرين : بصي يا نعمه في شغلنا هنا ما ينفعشي فيه مجامله ولا وساطه دي حياه ناس وأنت لو مش شاطره مش هشغلك معايا بس أنا شايفه من متابعتك لأمك أنك شاطره وفاهمه ومش عايزه منك أكثر من كده بعد كده هتيجي الخبره ويمكن أدخلك معايا العمليات .
نعمة بفرحه أنا يا دكتوره .
شيرين أه بس طبعا ده بعد وقت طويل مش على طول كده .
نعمه طبعا و أستلم الشغل أمتي.
شيرين حلو هتطبعي سيره ذاتيه وتسبيهالي وبعد بكره تيجي علشان تعملي مقابله مع رئيسه الممرضين في المستشفي وهي هتقولك تيجي أمتى.
أنت تقرأ
أوراق من الحب والسعادة
Romanceهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
