طوال فتره عودتنا من المستشفي للأوتيل وأنا عندي أحساس رهيب بالذنب صحيح الضربه بتاعتي ما كنتش هي السبب لأني مالمستهاش من أساسه ولفت أيدها بالنبوت هي إلي لوت أيدها بس أنا إلى طاوعتها .
شريف أنت كويسه يا حبيبتي أيدك تمام.
سماح أه يا حبيبي ما تخافش ده مجرد ألتواء خفيف زي ما الدكتوره قالتلك وبعدين أنا شديده ما تخافش .
دخلنا الأوتيل طبعا مع ماما إلي كانت بتبصلي شذرا ومدام ماجده و اللواء عبد الرحمن وعماد إلي ما بطلشي ضحك وماما طبعا أدتني الوصايا العشر علشان أتعامل مع مخلوقه رقيقه وأبطل شغل العنف ده ومرت الليله على خير والحمد لله .
الصبح صحيت على صوت زي ما يكون فأر في الأوضه بلمح بعيني كده لقيت المدام قاعده متربعه جانبي على السرير لابسه بيجامه ميكي وحاطه قدامها التابلت وبتقرقش في جزره ولا أجدعها حمار حصاوي .
كنت فاكر زي ما بشوف في التلفزيون كده أن العروسه تقوم مكسوفه ومفروض أكون عامل أوردر لفطار وأصحيها بعد ما يجي وأقولها صباح الخير يا قمر بس طبعا الأمر ده شكله مسلسلات وأفلام أما الواقع فقدامي أهه.
شريف صباح الخير يا حبيبتي هو أنت بتعملي أيه .
سماح صباح النور يا حبيبي أنت صحيت .
شريف لا بتكلم وأنا نايم أه طبعا صحيت أنت بتأكلي جزر ليه ما عملتيش أوردر فطار .
سماح أه أصل أنا جيت أصحيك ما صحتش معايا قلت أستنى لغايه ما تصحي ونعمله مع بعض أصل مش عارفه أنت بتحب تفطر أيه .
شريف أه أي حاجه وبعدين أنت صحتيني ولا حسيت .
سماح أه والله وقلتلك أصحي يا شريف .
شريف أصحي يا شريف هو أنت كنت بتصحيني بالرقه دي وعايزاني أصحي الله يرحم أيامك يا شاويش حسن لا يا حبيبتي هزيني شويه ماشي.
سماح أوك .
شريف وأنت بقى كنت بتتفرجي على أيه في التابلت .
سماح تصدق يا شريف جمال عطيه أستغل فرصه أنشغالي بالجواز وعمل ضربه صحفيه بس ملحوقه .
شريف أه طيب أنا هعمل أوردر للفطار وأقوم أصلي ركعتين هو صحيح هي بيجامة ميكي إلي عليكي دي كانت في الشنطه الصغيره إلى كانت مع والدتك .
سماح لا يا حبيبي دي كنت سايباها في الأمانات مع التابلت وبعدين يا شريف دي ميمي مش ميكي .
شريف مي اه
سماح بتنهيده يا حبيبي ميمي هي صاحبه ميكي بنوته يعني.
شريف بتهكم أه طالما بنوته يجوز ما علينا أنا قايم .
وصل الأوردر بعد ماكنت صليت وقعدنا نفطر وهي عنيها في التابلت ماشلتهاش .
أنت تقرأ
أوراق من الحب والسعادة
Romanceهل بحثت يوما عن الحب الصادق ولم تجده؟ هل يأست يوما من أن تجد سر السعادة ؟ لماذا لا تقلب داخل أوراقنا فقد تجد بينها ضالتك مجموعة من القصص القصيره باللهجة المصرية يقص علينا أصحابها سر من أسرار السعادة . تنويه : أي تشابه بين الأسماء و شخصيات القصه وأي...
