တော်မဝင်ပါ.....သို့သော် part(8)

35 1 0

by Min-Wathone-Htet

by Min-Wathone-Htet

****တော်မဝင်ပါ.....သို့သော်****
အပိုင်း{၈}
Minn Wathone Htet(ငသုန်)

တူညီဝတ်စုံUniformလေးများဖြင့် ကျယ်ဝန်းလှသောကျောင်းပရဝုဏ်အတွင်း
လူးလူးလာလာနဲ့ ဆိုင်ရာဆိုင်ရာစာသင်ခန်းများဆီသို့
ဦးတည်လျှောက်လှမ်းနေကြသောကျောင်းသား/သူများနဲ့ စည်ကားနေ၏။ထိုသူများထဲ၌ မှူးပိုင် နှင့် ညီသုတမိုးလည်း ပါဝင်နေသည်ပင်။ မြို့ပြ၏ဆောင်းမနက်ခင်းမို့ အအေးဓာတ်က ကျေးလက်ဒေသလိုမျိုး ခိုက်ခိုက်တုန်အောင်မချမ်းပေမယ့် လေသုန်သုန်ကလေးတိုက်ခတ်မှုကြောင့် ခပ်စိမ့်စိမ့်ကလေးတော့ဖြစ်သား။ ငါးထပ်စာသင်ဆောင်ကြီးများက ခမ်းနားထည်ဝါစွာနဲ့ လာရောက်ပညာဆည်းပူးကြသော ကျောင်းသား/သူအပေါင်းတို့အား နွေးထွေးယုယဆီးကြိုနေ၏။ပညာဗဟုသုတရှာမှီးလေ့လာရန် ကျောင်း၏ အဓိကမဏ္ဍိုင်ဖြစ်သည့် စာကြည့်တိုက်ကြီးကလည်း ကြီးကျယ်မြင့်မြတ်လှပေစွ။ စာကြည့်တိုက်၏နောက်ကျောဘက်၌ရှိသော အစိမ်းရောင်ကတ္တီပါမြက်ခင်းနုနုလေးပေါ် မဟူရာစိန်ပန်းပင်များက ခိုင်မာသေသပ်လှသော အနက်ရောင် ကွန်ကရစ်လမ်းသွယ်တစ်လျှောက် စီရီသွယ်တန်းလျက်၊ ဟိုနေရာတစ်ပင် သည်နေရာတစ်ပင်နဲ့
ဝန်းကျင်အလှကို ဖော်ကျူးနေသော ကိုထင်းရူးပင်များကလည်း မျက်စိပဿာဒဖြစ်နေ၏။ ရောင်စုံပန်းမာလာများပေါ်၌ လိပ်ပြာကလေးများဝဲပျံနေသည်မှာလည်းစိတ်ချမ်းမြေ့စရာပင်။မြင်သူစိတ်အာရုံကိုဖမ်းစားဆွဲဆောင်နေသော ထိုထိုသောသစ်ပင်ပန်းမန်များနဲ့ဥယျာဉ်ကားဘယ်ပန်းချီခြယ်သလို့မမှီနိုင်လောက်အောင် ရင်သပ်ရှုမောစရာအတိပင်။ စာသင်ဆောင်ကြီးများရှေ့တွင် ထိုင်ခုံများဖြင့်ဝန်းရံထားသော ဗာဒံပင်ကြီးများကလည်း လေအဝှေ့မှာ ယိမ်းနွဲ့ကာဖြင့် နေရောင်ခြည်အလင်းတန်းမထိုးဖောက်နိုင်အောင် အရိပ်ခိုသူများကို အေးမြမှုပေး၏။Uniရဲ့ First Dayမို့ Classများ၌ကျောင်းသား စုံစုံလင်လင်ပင်။ Section (A)ရဲ့ ထောင့်စွန်းလေးမှာ မှူးပိုင်နေရာယူလျက်ထိုင်လိုက်သည်။ သူ၏ဘေးနားကကောင်မလေးသုံးယောက်အား နှုတ်ဆက်ဟန်ပြုံးပြလိုက်သည်။ ထိုသူများကလည်း အပြုံးများဖြင့်ပြန်နှုတ်ဆက်တုံ့ပြန်ကြ၏။
ထိုအထဲမှ ခပ်သွက်သွက်ကောင်မလေးတစ်ယောက်က မှူးပိုင် အား စကားစချီလိုက်သည်။
"တို့သုံးယောက်က တစ်နယ်တည်းကလေ ၊မကွေးဘက်ကပေါ့၊ ဝတ်ရည် ပြည့်ဖြိုး သူဇာခင် တဲ့။ သူငယ်ချင်းနာမည်ကကော "
"မှူးပိုင် ပါခင်ဗျား၊ ထားဝယ်ဘက်ကပါခင်ဗျား"
မှူးပိုင် အဖြေကိုထိုသုံးယောက်သဘောကျဟန်တူ၏။သွားများ ပေါ်အောင်ပင် ရယ်လိုက်ကြသည်။ မှူးပိုင်ကတော့ ထုံးစံအတိုင်းရှက်ကာခေါင်းငုံ့သွား၏။သည်အခါမှထိုသုံးယောက်က
"သူငယ်ချင်းအဖြေကိုသဘောကျလို့ပါ၊ မှူးပိုင် နော် ၊ နာမည်နဲ့လူနဲ့လိုက်ပါတယ်၊ချစ်စရာလေး၊တို့တရင်းတနီး မှူး လို့ပဲခေါ်မယ်နော်"
"ဟုတ်ကဲ့ ရပါတယ် ခင်ဗျား"
"ခင်ဗျား ထည့်ပြောစရာမလိုပါ ၊ အချင်းချင်းတွေပဲ"
"ဟုတ်..ဟုတ်ကဲ့ပါ"
ကဲ..အာ့ဆိုတို့လေးယောက်သူငယ်ချင်းတွေဖြစ်သွားပြီနော် မှူး၊ ပွင့်ပွင့်လင်းလင်း နေကြမယ်"
မှူးပိုင် အလွန်ပျော်မိသည်။ကျောင်းစတက်သည့်နေ့မှာပင် ဖော်ရွေသော မကွေးသူလေးများနဲ့ ခင်မင်ရသည်ပင်။
...........................................................
..........................
စာသင်ဆောင်ကြီးတည်ရှိရာ ခြံဝန်း၏ ညာဘက်ခြမ်း၌ စားသောက်ဖွယ်စုံလင်လှသော Canteenကြီးရှိ၏။ မှူးပိုင် တို့လေးယောက်သား အတန်းနားချိန်ရောက်၍ ဆာလောင်လှသော ဗိုက်အားဖြည့်တင်းရန် တက်တက်ကြွကြွနဲ့ ထိုCanteenသို့သွားရောက်စားသောက်လိုက်ကြသည်။
"မှူး...နင်ရဲ့လှပတဲ့မျက်နှာလေးကိုငါနဲ့လဲပါလားဟာ၊ယောက်ျားလေးဖြစ်ပြီး ဘာလို့မိန်းကလေးနဲ့တူရတာလဲ"
သူဇာခင် အပြောကို မှူးပိုင် သဘောကျသွားကာ ဟက်ဟက်ပက်ပက်ရယ်လိုက်၏။
"အိုး...သေစမ်း သွားစွယ်ကလေးတွေကလည်းပါသေး၊ မှူး ငါနင့်ကို မနာလိုတော့ဘူးနော်"
"ကိုယ့်ကုသိုလ်ကံနဲ့ကိုယ်လေ"
မှူးပိုင် အပြောကို ဝတ်ရည်နှင့် ပြည့်ဖြိုးတို့က အပြည့်အဝထောက်ခံသည့်သဘောဖြင့် လက်မထောင်ပြသည်။
မှာထားသော ထမင်း၊ဟင်များသူတို့လေးယောက်ရှေ့ရောက်သည်နဲ့ အားပါးတရ စားသောက်လိုက်ကြ၏။
"ဟဲ့...ငါတို့စားသောက်ပြီးရင် သူငယ်ချင်းဖြစ်တဲ့အထိမ်းအမှတ်အနေနဲ့ ရုပ်ရှင်သွားကြည့်ရင် မကောင်းဘူးလား"
"ကောင်းတယ်...ဝတ်ရည်၊အကြိုက်ဆုံးအစီအစဉ်ပဲ"
"အတန်းမတက်ကြတော့ဘူးလား..."
"ဟယ်...တီချယ်ပြောသွားတာမကြားလိုက်ဘူးလား၊ မနက်ဖြန်မှစာသင်မယ်ပြောတာကို"
"ဟုတ်လား၊ အာ့ဆို Let's go to watch movie"
လေးယောက်သားတက်ကြွနေကြ၏။
"Wait ...Wait.. Wait"
"ဘယ်ရုံမှာဘာကားတင်လဲနင်တို့သိလို့လား၊ ဘာကားစီးပြီးသွားမလဲကော သိလို့လား၊ ကောင်မတွေ ဒါနင်တို့ရွာမဟုတ်ဘူးနော်"
ထိုအခါ ဝတ်ရည်က
ဟဲ့ကောင်မ..သူဇာခင်၊ နင်တော်တော်ပိန်းတာပဲနော်၊ ရန်ကုန်ရောက်နေပြီ၊တောအထာတွေကိုUp to Dateလုပ်လိုက်တော့၊ ဘာကားတင်တင်ကြည့်မှာပဲ ၊ဒီမှာ..ပါးစပ်ပါရင်ရွာရောက်တယ်၊မှတ်ထား"
"Right"
ဝတ်ရည်ချေပပြောဆိုမှုကို ပြည့်ဖြိုးကထောက်ခံတော့သူဇာခင်ခမျာအားငယ်သွားရှာ၏။ပွင့်ပွင့်လင်းလင်း၊ဖော်ဖော်ရွေရွေရှိလှသော သူတို့သုံးယောက်နဲ့ သူငယ်ချင်းဖြစ်ခွင့်ရတာကို မှူးပိုင် အတိုင်းထက်အလွန်ပျော်မိပါသည်။
ကျောင်းရှေ့ကားမှတ်တိုင်သို့ရောက်သည်နဲ့လေးယောက်သားကားအလာကိုစောင့်လိုက်ကြ၏။
"ဆူးလေ...ပန်းဆိုးတန်း"
"ဆူးလေ...ပန်းဆိုးတန်း"
သူတို့လေးယောက်ရှေ့ မထသ ကားတစ်စီးလာရပ်၏။ ကားစပေယာ သမားကို ဝတ်ရည်က
"ကိုကြီး.. သမ္မတရုပ်ရှင်ရုံကိုရောက်လား"
"ရောက်တယ်ညီမလေး"
"ဟဲ့လာကြမြန်မြန် ရောက်တယ်တဲ့"
မှူးပိုင်တို့လေးယောက်သားကားပေါ်သို့တက်လိုက်ကြသည်။ ကားပေါ်တွင် လူတွေပြည့်ကြပ်နေ၏။
"အရှေ့ကယာဉ်စီးခလည်းလှမ်းပါအုံး၊ ညီလေး တို့ဟိုဖက်နဲနဲတိုးကြလေကွာ၊လိုင်းကားလည်းမစီးဖူးကြလားမသိဘူး၊သင်တန်းပေးရအုံးမယ်"
စပေယာသမားအော်ပြောတော့မှ နေရာရွှေ့လိုက်ကြသည်။ လိုင်းကားလည်းမစီးဖူးကြတော့ လူလပ်နေရာများသို့ရွှေ့ရမှန်းမသိပဲ ကားပေါ်သတက်ကတည်းက တစ်နေရာတည်း၌ ကျောက်တိုင်များပမာ ။
"သမ္မတရုပ်ရှင်ရုံဆင်းမယ့်သူတွေအသင့်ပြင်ထားကြ"
မှတ်တိုင်ရောက်တော့ ကားပေါ်ကဆင်းလိုက်ကြသည်။ ကြားဖူးနားဝသာရှိသော သမ္မတရုပ်ရှင်ရုံကြီးကိုခုအပြင်မှာမြင်တွေ့ရတော့ မှူးပိုင် စိတ်လှုပ်ရှားလာသည်။ လေးယောက်သား တက်တက်ကြွကြွနဲ့ (12)ခွဲ ပွဲချိန်ကိုလတ်မှတ်ဖြတ်လိုက်ကြသည်။ထို့နောက်ဓာတ်ပုံရိုက်ရန် Hand Phoneလေးကိုယ်စီထုတ်လိုက်ကြ၏။
"တကယ်ဆိုရင် အချစ်ပဲလိုတယ်
ဘာကြောင့်သတ္တိမရှိလဲကွယ်..."
မှူးပိုင် ဖုန်းမြည်သံကြောင့် ကြည့်လိုက်တော့ ညီသုတမိုးဆီကဖြစ်သည်။
"ဟဲလို...မှူး"
"ဟဲလို...သုတ"
"အဆောင်ပြန်မလာသေးဘူးလား"
"ဟင့်အင်း...ရုပ်ရှင်ကြည့်မလို့ သမ္မတ ရောက်နေတယ်"
ဟာ...ဘယ်သူတွေနဲ့လဲ၊ကျနော့်လဲဘာမှမပြောခဲ့၊ကျောင်းမှာလိုက်ရှာလည်းမတွေ့တော့စိတ်ပူနေတာ"
"အတန်းထဲကသူငယ်ချင်းတွေနဲ့ပါ"
"အော်..အေးအေး၊ဂရုလည်းစိုက်ကြအုံး"
"ဟုတ်ကဲ့...သုတ"
မှူးပိုင် ဟိုဖက်ကအပြောကိုဆက်နားမထောင်တော့ပဲ ဖုန်းချက်ချင်းချလိုက်သည်။
"မှူး...ဘယ်သူ့ဆီကလဲ"
မှူးပိုင် အား ဝတ်ရည်လှမ်းမေးလိုက်သည်။
"Roommate ဆီကပါ"
"အော်"
ထို့နောက် အမှတ်တရဓာတ်ပုံတွေအတူတွဲရိုက်ကြသည်။
ပွဲချိန်နီးပြီမို့ရုံအတွင်းသို့ဝင်ရန်လုံခြုံရေးဂိတ်တွင်တန်းစီလိုက်ကြ၏။
"ဟဲ့...ငါတို့ရုပ်ရှင်ရုံထဲမှာစားဖို့ သရေစာတစ်ခုခုဝယ်ကြရအောင်"
အားလုံးသဘောတူ၍ ပေါက်ပေါက် ဝယ်လိုက်ကြသည်။
"ဟဲ့ကောင်မတွေ..ဟိုမှာကြည့်ပါအုံး..ဟိုကိုကြီး.ချောလိုက်တာနော်"
"မိသူဇာ...နှာခေါင်းရဲတွက်နေပြီ..သွေးထွက်တော့မယ်နော်၊နဲနဲလျှော့ပါအုံး"
"နင်ကလည်း ချောလို့ချောတယ်ပြောတာကို"
"သိက္ခာနဲနဲထိန်းပါအယ်"
"ဟီး...အေးပါ"
မှူးပိုင် သူဇာခင် မေးငေါ့ပြရာကို မသိမသာလည်း လှမ်းကြည့်လိုက်သည်။ ပြောလည်းပြောချင်စရာပင်။ထိုသူမှာ တကယ်ပင်ချောမောလှပပြီးSmartကျလွန်းလှသည်ပင်။ မှူးပိုင် အတန်ကြာ ငေးကြည့်နေမိသည်။ ထို့နောက် သတိပြန်ဝင်လာကာ ဘေးနားက ဝတ်ရည်တို့အားကြည့်လိုက်တော့ ရုံဝနားရောက်သွားချေပြီ။ ခပ်သွက်သွက်ကလေး လျှောက်သွားလိုက်ပြီး သူတို့မရိပ်မိအောင် အနား၌ ရပ်လိုက်သည်။ ထို့နောက် လက်မှတ်ပြကာ ရုံအတွင်းသို့ ဝင်လိုက်ကြ၏။ Air Con ခပ်စိမ့်စိမ့်ကလေးနဲ့ ရုပ်ရှင်ကြည့်ရတာဇိမ်ရှိလှသည်ပင်။
...................................................
"မှူး...ရုပ်ရှင်ပြီးပြီလား"
"ဟုတ်...အခုပြန်လာတော့မယ်သုတ"
"ကျနော်...လာယူရမလား"
"ရပါတယ်...သူငယ်ချင်းတွေပါနေတာပဲဥစ္စာ"
"အေးအေး...စိတ်ပူလို့ပါ....ကောင်းကောင်းလေးပြန်လာခဲ့နော်"
"ဟုတ်ကဲ့ပါ..."
ထို့နောက်လာတုန်းကစီးလာသော မထသကားနဲ့အဆောင်သို့ပြန်လိုက်ကြသည်။

ဆက်ရန်............