တော်မဝင်ပါ...သို့သော်

တော်မဝင်ပါ.....သို့သော် part(4)

တော်မဝင်ပါ.....သို့သော်
*****************
အပိုင်း(၄)
Author.Minn Wathone Htet(ငသုန်)

"HUAWEI-G-730"
ကိုင်ရလိမ့်မည်ဟုထင်မှတ်မထားသောHand Phoneလေးတစ်လုံး။ မှူးပိုင် ဖုန်းကိုကြည့်ရင်းကျေနပ်ပြုံး ပြုံးလိုက်မိသည်။ ထိုအပြုံးကိုဖန်တီးပေးသော အကိုကြီး ကိုလည်းကျေးဇူးတင်၏။ ခေတ်လူငယ်ပီပီ Phoneသုံးနည်းကိုအထူးတလေသင်ယူစရာမလိုတော့သဖြင့်Powerဖွင့်ပြီးဟိုပွတ်ဒီပွတ်လုပ်ကြည့်လိုက်၏။Cameraဖွင့်လိုက်ပြီး"ဖြန်း"...selfieလေးတစ်ပုံဆွဲလိုက်သည်။ထွက်လာသောPicက
Camera Effectကြောင့်တော်တော်လေးကြည့်ကောင်းသား။
ထို့နောက်ပြုံးလိုက်ပြီး"ငါလည်းချောသားပဲ..."
ကိုယ့်ရုပ်ရည်ကိုအမွှန်းတင်မြှောက်လိုက်၏။နောက်တစ်ပုံထပ်ဆွဲရန်
Cameraကိုချိန်နေစဉ် သတိတစ်ခုဝင်လာကာ Phone Callကိုချက်ချင်းဖွင့်လိုက်ပြီးရွာဈေးနားကနယ်ဝေးပြောဖုန်းနံပါတ်ကိုရိုက်ထည့်လိုက်ကာ......
"တူ....တူ....တူ..."
"ဟလို.."
"ဟလို....အရီးမြင့်..မှူးပိုင်ပါ"
"အေး... မှူးပိုင်..."
"မေမေ့ကိုခဏလောက်ခေါ်ပေးလို့ရမလား..."
"အေးအေး"
"ခဏကိုင်ထားနော်...."
"ဟုတ်"
နေ့လည်(12)နာရီဆိုတော့ အမေဖြစ်သူမုန့်ရောင်းရန်ရွာဈေးနားကိုရောက်နှင့်နေပြီမို့လှမ်းခေါ်ခိုင်းခြင်းဖြစ်သည်။မှူးပိုင် တို့အိမ်က ရွာမြောက်ဘက်ပိုင်း၊ရွာဈေးက အလယ်ပိုင်းမှာဆိုတော့နဲနဲအလှမ်းဝေးလှ၏။သည်အချိန်မခေါ်လိုက်လျှင် အိမ်နဲ့ဖုန်းတစ်ခါပြောဖို့ကို နာရီဝက်လောက်စောင့်ရမည်။ မနက်ဖက်ဆိုလည်းရွာဈေးမှာဈေးဝယ်လာသူများနဲ့ဆူညံ၍စကားကောင်းကောင်းပြောရမည်မဟုတ်။
"ဟလို..အထွေးလေး"
"ဟလို..အမေ.."
"အထွေးလေး...ဒီမနက်ကရောက်တာ.."
"အဆင်ပြေလား???အထွေးလေး"
"အကုန်အဆင်ပြေတယ်အမေ.."
"ကိုကြီး- - - -လာကြိုလား??"
"ဗျာ..ဟုတ်တယ်....ကိုကြီးလာကြိုတာ"
"ဒါအထွေးလေးဖုန်းနံပါတ်"
"ကိုကြီး....ရောက်ရောက်ချင်းဝယ်ပေးတာ"
"ဟုတ်လား...မပျက်မစီးရအောင်ကိုင်နော်"
"ဟုတ်ကဲ့"
"နေကောင်းကြလားအမေ"
အေး..ကောင်းကြတယ်၊ကျန်းမာရေးအထူးဂရုစိုက်"
"ဟုတ်ဟုတ်"
"အမေတို့လည်းကျန်းမာရေးကိုဂရုစိုက်ကြနော်.."
"အထွေးလေးကို...ဘာမှမပူနဲ့...စိတ်ချပါနော်မေမေ"
"အေးအေး...အမေဖုန်းချလိုက်တော့မယ်...မုန့်လာဝယ်နေကြလို့"
"ဟုတ်ကဲ့ပါမေမေ"
ဟိုဖက်ကအမေဖြစ်သူ ဖုန်းချလိုက်သည်နဲ့
"အရီးမြင့်(ရွာဖုန်း)ဟုစာရိုက်ကာContantထဲတွင်Saveလိုက်သည်။ ဖုန်းနဲ့ပတ်သက်ပြီးနဲနဲတော့နားလည်၏။ရွာမှာတုန်းက ရွှေဇင် ၏ ဖုန်းကိုကလိနေကျမို့။
ထို့နောက် Facebook Softwareကိုနှိပ်ကြည့်တော့ Account ကဖွင့်ပြီးသား ကိုကြီး တစ်ခါတည်းဆိုင်ကဖွင့်လာဟန်တူသည်။ Acc.Nameကသူ့နာမည်ပင်။Profileပုံတော့မရှိသေး။ခုနားကSelfieဆွဲထားတဲ့ပုံကိုတင်လိုက်၏။
ဖုန်းကိုအာရုံရောက်နေသော မှူးပိုင် တစ်ယောက် အကိုကြီးဖြစ်သူ
အိမ်နောက်ဖေးမှ ထမင်းစားဖို့် လှမ်းခေါ်သံကြားတော့မှကမန်းကတန်းနဲ့ဖုန်းကိုinternetပိတ်ပြီးအသံလာရာအိမ်နောက်ဖေး စားဖိုခန်းကို ပြာပြာသလဲ ဝင်သွားလိုက်၏။ထို့နောက်လက်ဆေးပြီး သုံးယောက်သားထမင်းလက်ဆုံစားဖြစ်ကြ၏။
မှူးပိုင် ကဝက်သားဟင်းမစားတော့ မရီးဖြစ်သူက ရွာကပါလာသောငါးခြောက်ကိုစပ်စပ်ကလေးသုပ်ထားတော့ထမင်းစားရတာ ငါးခြောက်သုပ်ကြိုက်သော မှူးပိုင် အတွက် ထမင်းစားမြိန်သည်ပင်။ ထမင်းစားပြီးသည်နဲ့အကိုကြီးကလည်းအလုပ်တန်းသွား၊မရီးကလည်း ဟိုဖက်လမ်းက သူ့အမဝမ်းကွဲဆီ မှူးပိုင် ယူလာသောငါးခြောက် ပေးရန်ထွက်သွားလေ၏။ကိုယ်စီကိုယ်စီသွားခဲ့ကြတော့ အိမ်တွင်ကျန်ရစ်သူက မှူးပိုင်တစ်ယောက်တည်းပင်။ ခဏအကြာ မျက်လုံးလေးတွေမှေးစင်းလာတော့ မှူးပိုင် ဘုရားစင်
အောက်တွင် တရေးတမော စက်တော်ခေါ်လိုက်၏။ခရီးပန်းလာသောကြောင့် နှိုက်နှိုက်ခြိုက်ခြိုက်အိပ်ပျော်သွား၏။ အိပ်ပျော်နေသော မှူးပိုင် မျက်နှာလေးက အပြစ်မဲ့ ကလေးတစ်ယောက်လို ဖြူစင်လွန်းလှသည်ပင်။
......................
"ဝါး.."အိပ်ရာမှနိုးလာသော မှူးပိုင် တစ်ယောက်
အားသွင်းထားသောPhoneကိုကြည့်လိုက်တော့လေးနာရီထိုးချေပြီ။ အကိုဖြစ်သူ ကော မရီးဖြစ်သူပါပြန်မရောက်သေးသဖြင့်Internetဖွင့်လိုက်သည်။
FBတွင် fri requestရှစ်ယောက်တောင်တွေ့လိုက်ရတော့မဆိုင်းမတွပဲအကုန်သူကိုacceptလိုက်သည်။ချက်ချင်းပင်messagerက
"တိန်"ဟုမြည်သံကြားလိုက်တော့ဖွင့်ကြည့်လိုက်၏။
"Linn Lat"ဆိုသောအကောင့်က"လက်ခံပေးတာကျေးဇူးတင်ပါတယ်အချောလေး" ဟုmessageပို့လိုက်တော့ မှူးပိုင် တစ်ယောက် နဲနဲဘဝင်မြင့်သွား၏။ ထို့နောက် "ဟုတ်ကဲ့ပါ"ဟုreplyပြန်လုပ်လိုက်တော့ဟိုဖက်က အသည်းပုံstickerလေးပြန်ပို့သည်။သည်လိုနဲ့အပြန်အလှန်ပြောကြ၊မိတ်ဆက်ကြရင်း ခင်မင်သွားလေ၏။ လင်းလက်ကမှူးပိုင်အား "မှူး"လို့ခေါ်လို့ရလား??messageပို့တော့ မှူးပိုင်ကလည်း လင်းလက်သဘောပါ လို့ပြန်ပို့လိုက်သည်။
ရာမညတိုင်းဆီက လင်းလက်မှာ မှူးပိုင်နဲ့အသက်တူတူပင်။ ဖုန်းသုံးတာကြာပြီဟုထင်ရသော လင်းလက် က messageလေးတစ်ခုပို့လိုက်သည်။"မှူး" ."..Yaoiဆိုတာကိုသိလား?ကြားဖူးလား??"ဟူသော messageပို့လိုက်တော့ ချက်ချင်းပဲ Yaoiစကားလုံးကို ဖုန်းထဲမှာ အသင့်ရှိနှင့်သောEnglish Dictionary မှာရိုက်ပြီးရှာကြည့်လိုက်တော့မတွေ့။ထို့နောက် messagerထဲပြန်ဝင်၊" မသိဘူး၊ကြားလည်းမကြားဖူး"ကြောင်း ဘာလဲလို့?? ပြန်ပို့လိုက် တော့ လင်းလက် ကSearchမှာရိုက်ပြီးရှာကြည့်ဖို့ messageပြန်၏။
မှူးပိုင် တစ်ယောက် လင်းလက်ဆီက"out တော့မယ်"messageကိုပြန် replyတောင်မလုပ်နိုင်ပဲသိချင်ဇောနဲ့မဆိုင်းမတွ ချက်ချင်း ရိုက်ရှာကြည့်လိုက်တော့" All About Yaoi-Myanmar" ဆိုပြီးချစ်စရာ့ကောင်းလေးနှစ်ယောက်ဘေးချင်းကပ်လျက်ထိုက်ကာတစ်ယောက်ကိုတစ်ယောက်ကြည့်နေသောPageလေးတစ်ခုကိုတွေ့လိုက်ရ၏။စပ်စုချင်စိတ်နဲ့likeလုပ်ပြီးဝင်ကြည့်လိုက်တော့......

Video Fileတွေ ၊ဇာတ်ကားကြော်ငြာတွေ၊ကောင်လေးနှစ်ယောက်ပုံလေးတွေ၊ဒဿနစာလေးတွေများစွာတွေ့လိုက်ရ၏။မိန်းခလေးပုံကဘာလို့မပါတာလဲ???
သိချင်စိတ်ကစိုးမိုးလာကာဆက်ရှာကြည့်တော့
နောက်ထပ်Pageတစ်ခုကိုShareထားတာတွေ့လိုက်ရပြန်၏။
"Myanmar Yaoi Story"ဟူသောPageပင်။
ချက်ချင်းပဲတန်းဝင်လိုက်ပြီးlikeလုပ်လိုက်ကာအပေါ်ဆွဲတင်လိုက်တော့" Boy love Story" statusလေးနဲ့လက်ချင်းချိတ်ထားတဲ့ချစ်စရာ့ကောင်လေးနှစ်ယောက်ပုံများစွာ၊အပိုင်းများစွာ၊ထိုပုံတွေ၏အလယ်လောက်ခန့်၌ဝတ္ထု title၊စာရေးသူနာမည်ပါသောဝတ္ထုတစ်ပုဒ်ကိုစတွေ့ရ၏။အတောမသတ်နိုင်သောသိချင်စိတ်ကပိုပိုပြီးကြီးစိုးလာတော့ပုံတွေကိုထောက်ပြီးစာသားများကိုဇိမ်ပါပါဖတ်ရှုရန်ထိုင်နေရာမှမတ်တတ်ရပ်လိုက်သည်။ထို့နောက်တွင်ဘုရားစင်အောက်နားသို့လျှောက်လာခဲ့လိုက်ပြီးစောနားကစက်တော်ခေါ်ခဲ့သောခေါင်းအုံးထက်ဝယ် ခေါင်းကိုညင်သာစွာလှဲချကာဝတ္ထုကိုစတင်ဖတ်တော့သည်။
ထိုတစ်ညနေလုံးဖတ်နေလိုက်တာအိမ်ကလူတွေပြန်ရောက်တာတောင်မသိလိုက်ချေ။စာရေးဆရာ၏ပြောင်မြောင်လှသောစကားအသုံးအနှုန်းတွေကတကယ်အံ့မခန်းစရာအတိ။ စာဖတ်သူကို ဆွဲဆောင်မှုကောင်းလွန်းလှသည်။ ဇာတ်ရှိန်တက်နေခိုက် ရေချိုးပြီးထမင်းစားဖို့ အကိုဖြစ်သူအော်ပြောတော့မှခတ္တရပ်၏။ထိုနေ့ည အိပ်ရာစောစီးစွာဝင်လိုက်ပြီး ဖတ်လက်စဝတ္ထုကိုဆက်ဖတ်နေသည်။အကိုကြီးဇနီးမောင်နံကTVကြည့်ရင်း စကားတွေပြောနေကြသည်။အချိန်အတန်ကြာတော့ စကားသံတွေလည်းမကြား၊TVသံလည်းမကြားတော့လှဲနေရာမှကိုယ်ကိုနဲနဲ မ,ကာ အသံတိတ်နေသော TVထားရာနေရာကို လှမ်းကြည့်လိုက်တော့ ကိုကြီးတို့ကိုမတွေ့တော့ပေ။အိပ်စက်အနားယူကြချေပြီ။ဖုန်းနာရီကိုကြည့်လိုက်တော့12ခွဲကျော်ပြီပင်။ထိုအခါမှအနန္တော၊နန္တငါးပါးကိုရိုရိုသေသေရှိခိုးဦးခိုက်ပြီးနောက်တန်ဖိုးကြီးလှသောအဖော်မွန်ဖုန်းလေးကိုPower ပိတ်ပြီးဘေး၌ချကာ မျက်လုံးတံခါးနှစ်ဖက်ကိုကျကျနနပိတ်ပြီး တစ်ညတာအတွက်အနားယူလေတော့သည်......

ဆက်ရန်~~~~