صوت القلب
بقلم زهرة الاقحوان
البارت الثاني
-الحمد لله على سلامتكم
-بابا رائد انزل ويانه نفس الفندق
حالك من حالنا
رائد :لاعمو اخذو راحتكم انا ان شاء الله أغير جو واشبع زياره وارجع
رحم الله والديك
-انا ارتاحيتلك
الله يوفقك ابني
رائد :مشيت ومنظر كربلاء يريح النفس
ااااااه اول مره اجي وانا مليان هموم جنت اعتبر حياتي مثاليه
بس للأسف طلعت مغفل
توضيت واتمشه وكانما ماشي بطريق بجنه
برودة الارض ونورانية المكان.
ياابا عبد الله
قلبي جابني الك انا مااعرف اختار طريقي
مااريد اظلم بتي
وبنفس الوقت احس راح اظلم نفسي
انتبهت لنفسي أمشي واحجي لاشعوريآ
اول ماوكفت باب الحضره عيوني ظلو يلمعون ودمعة تلمع بداخل عيني
كبرياءي بمنعي ان اخليها تنزل
وبنفس الوقت روحانية المكان
خلتني أشكي همي
وأكون ضعيف اخذت تربه
وكعدت اصلي انتهيت وظليت كاعد ماادري بالوقت الساعات تمر
شفت الزوار تحظرو للصلاة
عرفت صار مغرب
طلعت توضيت ورجعت ماجنت اريد اطلع
من هل مكان
صليت
وطلعت أتمشى بالشارع بس احس بتعب
أخذت سندويج وانا ماشي
ادور فندق
اي فندق ادخله مااحصل مكان بيه
دخلت فندق راقي خمس نجوم
احس بتعب فضيع بجسمي قررت اذا مالكيت مكان بيه
انام بجامع او حسينية
السلام عليكم
-وعليكم السلام
-غرفه شخص واحد
-للأسف مامتوفره
-حتى لو سريرين او ٣أسره مو مشكله
بس اريد انام كلش تعبت
-للأسف اخي مامتوفر عدنه الفندق مليان
رائد :بعد ماايست مابيه حتى اجر نفس
نزلت عائله
مره اربعينيه وياها بنيه شابه يبجون ورجال جبير ولد شايلين مره واكعه
مبين تعبانه كلش
وحده منهم اجت وكفت يمي تحاجي صاحب الفندق
عمو اريد المستمسكات
-يي خويه على كيفكم
هاي مستمسكاتكم بس باقي عليكم الحساب مادفعتوه
-عمو مستعجلين نودي ماما للمستشفى وقبل لانرجع ننطيك
-انا هنا ما فاتح سبيل تدفعون الفلوس تستلمون مستمسكاتكم
رائد :باوعت الهم يبجون واخوهم يصيح عليهم
خويه كلي شكد المبلغ الي ظل عليهم
-٨٥ الف
-انا انطيك اياهم خلي يرحون
تفضل
-خويه تركك من هل الناس تعلمت على هل سوالف
رائد : انا اريد ادفع ليش ضايج انت
ماباوعت بوجه البنيه
درت وجهي على الارض اباوع لابسه بنطرون مبينه مرتبه
خويه روحي امانة الله
اخذو مستمسكاتهم وطلعو
اجيت اطلع اشوفلي مكان
-تعال خويه غرفتهم تفيدك
بس جبيره
-عادي اريد بس مكان انام بيه
دفعت الحساب اريد اطلع للغرفه
