صوت القلب

البارت الرابع

صوت القلب

بقلم زهرة الاقحوان

البارت الرابع

عثرات الطريق كثيره
مايؤلمنه ان اقرب الناس إلينا يوهم نفسه اننا بخير
انا مثقله لااتنفس الهواء
مازلت ابحث عن نقطة امل
لتغير ولو القليل من مجرى حياتي
سأنتظر
املآ
ونورآ
حتى وان تأخر لابد من مجيئ يومآ ينير العتمه
..........

طيف ممكن نتعرف عن شخصيتج بالتفصيل
طيف طبعآ انا ممتنه لوجودي بالقصه

اسمي طيف ولدت من دون اب
ابي استشهد بالحرب الايرانيه
ولم يكن يعرف حتى بأن مولود له قادم بالطريق
والدتي جميله جدآ هي من الديانه المسيحيه
احبت والدي
وقد تركت اهلها وتزوجت من والدي بعد معاناة
لم تكن الحياة التي توقعتها
فقر وبيئة شرقيه بحته
وبعدما علمت امي باستشهاد والدي
تركت بيت جدي وعادت الى اهلها
لكن لم يكن الجميع مرحبآ بعودتها
اضطرت ان تستأجر شقه
وأجرت مقابله مع رئيس الدوله وحصلة على عمل
وبيت لتعويض عن الشهيد
ولدت وبدأ عمي يتردد الى والدتي
كبرت ودائما ارى امي حزينه لم اكن اعلم ماهو سبب حزنها

شعري دائمآ مرفوع ذيل حصان شعري اشقر وعيوني عسلي
كان الكل يكول طيف كلش حلوه بس انا اشوف نفسي طبيعيه
يعني ماما احلى مني
............
طيوف امي يالله نشاط اليوم اول يوم بالمدرسه
اريد طيوف ترفع راسي

-ماما 😭😭😭مااريد اروح المدرسه
اريد أبقى هنا

-لاماما طيوف لازم تتعلمين وتساعديني انا ماعندي احد غيرج
طيف :أخذتني ماما وظلت تنتظرني الى ان دخلت الصف
جانت فرحانه عكسي انا تماما
كلش حزينه لان تركت مكان راحتي كان شنو يعجبني اسوي والعب
هنا نظام ومعلمات يخوفون

.......
....
انتهى الدوام وماما مااجت تستلمني
كعدت في باب المدرسه
وابجي
جوعانه ونعسانه واريد امي

-ليش عمو ليش تبجين
-ماما مااجت

-انت مو طيف بنت فؤاد الله يرحمه

-يي انا طيف
-امشي عمو انا اوصلج

-وفعلا أخذني الرجال وصلني للباب سمعت صوت ماما
اعرف اسحب الباب من جوى افتحه وادخل
دخلت على كيف
امشي لان حسّيت اكو شخص بالبيت
المنظر الي شفته أربكني ماعرفت اطلع من البيت لو اروح لماما
عمو كان يتحرش بيها

.....
اتركني زياد انا ماارضى اتزوجك مامحتاجه رجال
الله فتحها علي وصار عندي بيت وسياره وانا اشتغل
مااريد منكم شي تركوني

-من كل عقلج اترك هجي وحده حلوه
ثانيآ شوفي طلعات لوحدج وانت تكولين الكمر روح اني بمكانك
ويباوعولج القضاة وأهل المناصب ماتمشي عدنه