صوت القلب
بقلم زهرة الاقحوان
البارت الثامن
-هلا يوم هلا بحسن الله يساعدك
حسن :هلا يمه شلون صرتي مبينه زينه
-الحمد لله شنسوي ماطولكم سالمين الدنيا ماتسوى القهر
حسن :سبحان مغير الأحوال
اي يمه ترى حيل تعبت مايهون علي افرح وانتِ مافرحانه
-شسوي ماما من محبتي الك
انقهرت انا اريد اشوفك كبال عيني انت ومرتك وجهالك
وتملون علي البيت المن كبرت وتعبت غير افرح بيكم
بس ماطول انت رايد هل الشي
مااكلك ألا شايف الف خير يمه
-يي حجيه هذا الحجيه الي يرد الروح
هسه انفتحت شهيتي
شنو غداج
-مركة باميا وزلاطة الي تحبها
-بستها على راسها
الله يخليج النا
رايح اغسل وأغير ملابسي واجي
دخلت للغرفه وانا مامصدك بسرعه امي اقتنعت
واتغير الحال خلي اخابر طيوف علمود تنفتح شهيتي عدل
اتصلت فتحت السماعة
وانا اغسل وغيرت ملابسي
ماردت
شلون انا بهل ابنيه انا حارك دمي وهي ولايمها
خلي اكل وارتاح واعرف شلون اتصرف وياها
وصلت للباب ورن التلفون
التفتت هاي طيف
خلي ادبها شوي مراح ارد
بس قلبي ماانطاني
رجعت بسرعه
هلا طيف
-هلا بيك
-شلون عرفتي رقمي
-لامعرفتك اخذت التلفون لفرات وهو كلي هذا رقمك
فتأخرت عليك
-وانا جنت ناوي ارزلج
-هاي ليش هجي فاهمني غلط ☹️ترى مااحبك
-لا فدوه اروح انا للي متردد يحبني لو لا
ولج غير أموت انا بيج استقتل لخاطير عيونج الحلوات
.........
وين راح هذا الولد الاكل ثلج
خلي اصيحله
وصلت للغرفه واسمع ضحكهم
😒راح ابنج منج بعد لاتحسبين على حسن صار ابن طويفه
خلي اروح اكعد واشوف تاليها
كعدت انتظر على السفره لحد ماسمعته اجه
سهله حسن صار ساعه هسه اتذكرت
خليت ايدي جوى راسي وغمضت
..............
حسن :حبي شوكت تكدرين اريد نكمل علمود نتزوج
-ليش مستعجل خلي اخلص امتحان
ولاتربط نفسك بيه انت جهز انا احب ذوقك
-من شوكت حبيتيه😉
-اووو صدمتني بالمهر بالفستان والاختيار بكلشي يجنن
صدك ذوقك حلو مو شقه
-يي عفيه هجي اريدج مو بس ذوقي حلو ترى بعد هواي شغلات حلو بيه
عيوني وشعري
-هاي شنو اول مره اسمع واحد يغازل بنفسه
عيني على كيفك
اكول حسن انا نعسانه
-وانا جوعان روحي نامي شوفي انا نسيت الجوع بس انتِ
ولا مهتمتلي تردين تنامين
-ههههههه يي احسن انام وراي دراسه
-خوش احسن ها 😒روحي خمدي
