صوت القلب
بقلم زهرة الاقحوان
مرحبا
حسن :ظليت فاتح حلكي معقوله هذا اللبس والأناقة الي
فاتحه شعرها ولابسه تنوره قصيره وتشيرت ماروني
بس مااوصفلكم الجسم
😳☺️
هلا بيج طيوف
-من شفت طيف تأنقت عرفت بدت تحبه لحسن وهل الشي يفرحني
أتمناها تستقر بعيد عن حقد وطمع زياد
وحتى اخوها ماكان يحبها اتمنى من والدها ان يسامحني
لان انا الي سببتلها كل هذا
انا رايحه اكمل شغلي
طيف اخذي حسن للاستقبال
حسن :لاخاله انا اجيت اطمئن على صحتج
-ميخالف هذي مرتك ومن حقك تطلع وياها وتكعد وتتعرفون
حسن :فدوه لقلبج شكد حاسه بيه
طيف تعالي كعدي يمي شبيج مستحيه
-كلش زين مكاني لاتصير طماع
-انا اجي يمج
رفعت ايدي على كتفها
هاي شبيج ترجفين
-حسسسسن فدوه ترى اخجل وخر عني
لااصيح لماما
-هههههههه يالله هاي ايدي وشلتها بس كوليلي شلون تتعودين علي وماظل اقل من عشر ايّام على الزواج
-حسن اشو قدمت الموعد🤔
-يي شعندي بيتي وكامل وامتحانات تخلص بهذا الاسبوع
وحبيبتي كدامي حتى ماتحن علي بكلمه
-اااااه لو تدري شكد قلبي تعبان ومامرتاحه احاول أكابر واضم الي بداخلي
بس مجاي أتحمل
حسن :صفنت طيف وانا احجي وياها
وميلت راسها علي شعرها غطه جتفي حسّيت قلبي يريد يوكف طيف انتجت علي 🥰🥰🥰
اباوعلها مليانه حزن
شبيج طيف
كولي اذا ضوجتج اعتذر
طيف:انتبهت على نفسي نايمه على جتفه
كعدت كباله لا مابيه شي
احسن قدم العرس
-طيف انت بيج شي
احد مسمعج حجايه
-لا مابيه. بس افكر بحياة جديده ودوام والله المعين
اكول حسن ولو انا ماضيفتك بس مااحب يجي عمو ويشوفني يمك
-افتهمت رايح انتظرج اتفرغين وتحاجيني
-صار ☺️
الله وياك
سديت الباب ورجعت بسرعه للغرفه غيرت ملابسي
ورفعت شعري
ماما رايحه ادرس محتاجه شي
-ولج معزايه فشلتينه ويه الولد
حتى ماقدمتي شي
-ماما مااريد يجي رجلج ويشوفه
كافي عايشه برعب اخاف يفشلني وياه
-ااااا وف. روحي درسي
-صدك ماما باجر معزومه بيت ام حسن على الغده
وارجع العصر
-ماما انا اتمنى تطلعون هي هاي احلى فتره
بس اخاف
-تخافين من المحروس يحجي
شوفي ماما انا راح احاجيه كافي لشوكت يذل بينه
-لا بنتي مااريد مشاكل انا احاجيه واقنعه
