صوت القلب
بقلم زهرة الاقحوان
البارت العشرين
.........
-ولج عيب صوتج نصيه لاتسمعج
بت خالج خطيه
-يووو محد خطيه غيرنه انا باجر نخرب ويه فرات ولخاطيرها
راح تفيدني
طيف :حقج حبيبتي ان شاء الله مراح توصلين لهل مرحله
انا مراح اخليج تتأذين بسببي
-شتقصدين طيف
-عمه مااقصد شي بس اخر شي افكر بيه اذيتكم لهذا مراح اخلي
مشكله تصير بسببي
نرجس :ترى طيف انا احبج
بس تدرين فرات خطيبي وعلاقتنا كلش حلوه ومااريدها تخرب
-ان شاء الله حبيبتي الله يسعدكم 😔
دخلت للغرفه وقررت من الصبح اطلع بدون مااكول لعمتي
بس ياترى وين اروح وانا لاحول ولا قوى
وماعندي بس الله الي يوكفلي خليت راسي على المخده
اتمنى انام وانا مرتاحة بال بدون ماافكر بشي
درت وانا ابجي على كل لحظه تروح من عمري وانا بحيره وقهر وألم
صار كدامي التلفون
رائد🤔معقوله
لا لا
شلون اطلب من إنسان مااعرفه
بس انتِ ياطيف ماتعرفين احد
ولازم تسعين بحياتج
لزمت التلفون متردده ودخلت عمتي
-شبيج عمه ليش ارتبكتي
كولي انا بحسبة امج
-لاعمه بس اريد اطلع من الي انا بيه
اريد اعييييش بكرامه وعزة نفس مليت من الذله والاستغلال
-ان شاء الله بنتي اذا البشر كطع
الله مايكطع خلي عينج بعين الله راح تشوفين الدنيا شلون تحلى بعينج
-ونعم بالله 😔
-حبيبتي نامي ارتاحي
-عمتي سدت الباب
رسلت لرائد
مرحبا
انا محتاجه احد يحجي وياي محتاجه احد يشاركني افكاري
قريب مني احس روحي منبوذه لاصديقه ولا اخ ولا زوج
رائد :كاعد اتفرج على اللعبه ورن التلفون
فتحته طيف مرحبا
رديت عليها بنفس الوقت
مراحب عيني يبين صوتج الثمين مامقسوملنه نسمعه
ورسلته
رجعت اباوع للتلفزيون
🤦🏻♂️هاي شكتبت انا
طيف :ضحكت
لاوالله بس ضروف اكدر اتصل
- يي ليش لا
اخذت التلفون وطلعت بيه
برى بالشارع
اول رنه فتحت الخط وانا ساكت أتأكد هي الي تحجي بالتلفون
-الو
-هلا بطيف
-هلا بيك شلونك
-لوني مقارب لونج
اكلج انت فقيره وهاي شمرتج لو يتصورلي
طيف :ماادري ارتبكت وانا احجي وياه
سديت الباب خاف يدخلون علي البنات
-الو وينج
-رائد انا مااعرفك زين بس والله والله تعز نفسي علي اطلب منك هجي طلب
بس والله ظروفي الي جبرتني😭
-ليش تبجين شبيج
وطلبي وانا عد عيناج
-رائد انتَ عرفت قصتي كلها
بس زاد الظلم علي ظليت مااحس انا من البشر
صعبه يكبرون أطفالي ويشوفوني
مذلوله وبدون اي شخصيه
