صوت القلب
بقلم زهرة الاقحوان
البارت الخامس والعشرين
-ماشاء الله شنو هل النزاكه
ساره طالعه تجنن لابسه البدله الي اشترتها الها طيف. وشعرها مبروم
والحذاء ابيض طالعه فراشه 😍
-هي حلوه لهذا اللبس تحليه
-انت ألي قلبج ابيض وكلشي منج حلو
-راح نظل نسمع حجي حلو لو نروح
-لا نروح والله يسهلج
طيف :الطريق كله اقرا آيات
وادعي كلش قلقه لان اذا فشلت عمليتي او تعذر الدكتور عن العلاج
راح ادمر
-يالله ياحلوه مراح تنزلين
-رائد ادعيلي فدوه ماعندي احذ 🥺
-ان شاء الله خير
حجزت الها وجان رقمها ٧بس اغلب الارقام الي كدامها محاضرين
تقدمنه
طيف كومي جاي يصيلج
طيف :مشيت وقلبي يدوك بقوه احس الكاعدين كلهم يباوعولي
التفتت على رائد شفته حاضن ساره وصافنين علي
رائد :ابتسمتلها واشرتلها👍🏻صيري سباعيه
ننتظرج
-تفضلي لحظه
هاي عيونج من شوكت
-قبل سنه
-سنه صارلج ومتحمله ضعف بصرج وفقدان جمالية عينج ليش
-دكتور ماعندي المبلغ ولا عندي الي يشجعني
حياتي كلها بيدك هسه 😭
-لا لا ليش تبجين
-دكتور انحرمت من أغلى شي عندي أولادي وحياتي ادمرت ومتوقفة على عيوني
بدأ يفحص وهو مقهور
-شنو سببها هذي
-ضرب قوي هو الي سبب هل الشي
-سهله تردينه بالحكومي بعد شهرين
اذا على حسابج الخاص بعد يومين
-شكد تكلفتها ؟
-ثلاث ملايين العمليه صعبه وانت ادرى بحالتج
-بس دكتور انا ماعندي هجي مبلغ
يعني مراح اكدر اسويها وانا مستعجله
-صدكي هاي الأسعار ثابته بالمستشفى مو من عندي
شوفي امورج وهاي اوراقج وانا موجود
-اظلمت الدنيا بعيني
شسوي أصلا اذا صرفت هل المليونين راح اظل ولا ربع دينار عندي
شلون راح ادبر اموري
الله لايوفقك يازياد الي دمك مااحترك على عرضك
وانا بنت اخوك الوحيده
حسبي الله ونعم الوكيل
رائد :شبيج ليش هجي شكلج شنو كلج
-مااكدر اسوي العمليه خلي نطلع برى العياده
كلش اختنكت
-لحظه اوكفي شنو السبب
-رائد مااكدر ماعندي هل المبلغ مااكدر أجازف بيها
خليها يم الله
اوكي صعدي بالسياره
شوي وجايلج
دخلت بسرعه للدكتور
اعتذر على الإزعاج
بس اذا تكدر تسوي العمليه الها باجر
-يي عادي انا موجود هل الاسبوع وراها عندي سفر
طيف :ليش طولت بالعيادة
-لا تزعلين مني طيف انا اريد اساعدج
-لآرائد كلش هواي علي الي سويته محد سواه الي من اهلي
وانا فلوس ماارضى اخذ
-لا راح اخذلج بااسم ابتسام
-ليش
-انا الدائره تدفعلي فلوس التداوي
واذا ابتسام راح ينطوني فلوسها
الله يخليج قبلي
-ماادري بس هذا اعتبره حرام
-طيف الله يخليج واعتبريها هدية سلامتج
-والله ماادري شكولك بس خليني افكر
-شتفكرين هسه ردي لان باجر ايسويها اذا تقبلين
-شلون 😨
-كولي ياالله
- شوف رائد مااكدر أتقبل هل الشي
راح اترك ذهبي عندك اذا الله مكني انطيك فلوسك وأخذهم واذا لا بالعافيه عليك
-اتفقنا امشي نكمل التحاليل
واعشيكم
- انا تعبتك
-شسوي انا متعوب من كاعي بس السوالف التعبانه تتدعبل علي
-😔رائد خلي اجل العمليه
-ولج شبيج خبله
اتشاقه وياج
امشي اعشيكم ماطول كملنا
طيف :نزل رائد مشاوي وشوربه ومقبلات وعصاير وحلويات
شدعوه رائد
-يمعوده آكلو
شضال بالعمر
طيف :انتبهت لرائد كل شوي وصفن بوجهي احسه يريد يكلي شي
رائد بيك شي
/لا
-الله عليك تريد تحجي شي كول
-ساره بابا روحي بالألعاب تونسي
طيف انا ظلمتج وحجيت عليج وجنت كله ماخذه فكره عنج
انا انت خائنه بس من انتبهت الج
شفت النظافه الي بداخلج تحسسني بعد اكو ناس صافيه وامينه
انا اعتذر
-لاتكول هجي واعتذر
انت تخجلني بكرمك وطيبتك وحنيتك
انا حسيتك احن علي من عمي الي ربيت كدامه
ومن زوجي الي شلت حزني وتركته واجيت لدياره
ثأري النفس والروح غدارة
غدروني وطفو عيوني
وكلولي لاتشوفين ترى بكل قصه مجروحين
لاتظلمين تنظلمين
هذا القدر واسراره
