صوت القلب
بقلم زهرة الاقحوان
البارت التاسع عشر
-وخر كافي
كتلك مو عندي وعيب عليك تطيع امك بدون ماتتأكد من هل الشي
-يي هو اريد أتأكد
ومو انتًِ الي اتعلميني شلون اتصرف افتهمتي
👊🏻👊🏻اتعلمتي على الضرب
-حسبي الله ونعم الوكيل
بيك وبأمك
بدا يشمر بالفراش
وبملابسي
وانا كاعده ابجي
ظل يكلب
وماشف شي وظل يضربني
وامه تحلف تكله عدها انا متأكده
-يمه حلفها بكتاب الله
-الله واكبر على روسكم
الله واكبر
امه شالت الجهال خلتهم بالارض وفتحت ملابسهم
-كافي عوفيهم والله مو عدهم والله ماخاله شي بجهالي
ظلت تشمر بالملابس ومااشوف اله حسن لزمني من شعري
وظل يضرب
رفعت عيني شفت امه لازمه لفلوس
-يا عزه وكعت حسن اتركها راح تموت بيدك
-تولي ساقطه حراميه
الي تبوك كلشي تسوي
-انطيني عطر خل اشممها
-انطيها سم
اكرها اكرها مااطيقها
-يمه سم بالرحمن
طيف :فتحت عيوني وشهكت
والألم ذابحني
ام حسن كاعده كبالي
ها يم حسن ارتاح ضميرج
-انت ماتجوزين تحبين اللعب بالنار وهاي نتيجته
كعدي راحه راح يموتج بضرباته
كومي غسلي والجهال جوعانين
-مابيه ماااااابيه راسي راسي😭
-الحمد لله والشكر عود جبتج تعينيني
-بقلبي جنت اردد حسبي الله ونعم الوكيل على ظلمج الي
غطيت نفسي
وهي ظلت محتاره بين البيت والجهال
حسن : هاي ثالث يوم المحروسه نايمه
شبيها
-ماادري مو مرتك روح اسئلها لعبت نفسي
انا
-طيف طيف شبيج
اباوعلها هاي ليش عركانه وشفايفج حمر
-يهمك امري
-لزمت ايدها حاره
من شوكت انتِ مصخنه
-درت وجهي عنه
من يوم ألي عرفتك وانا حياتي صارت سوده
-هاج هذا خافض حراره اخذيه
انا زواجي بهل الاسبوع مااريد مشاكل
-شبسرعه تريد تزوج علمود لاتكشف حياتكم شلونها
-تظلين ام لسان
شربي علاج وكومي امي تعبت
-اول ماوخر بلعت الدوى
ودرت وجهي
ظلو تعشو وهوستهم والأم عصبيه وبس تصيح
بس مااهتميت
فتحت عيني صار هدوء
درت لكيت الاضويه مطفيه والماعيين ترس المطبخ
مشيت بهدوء
ممغوصه ياربي اخذت موزه وقطعة خبر
ورجعت اركضت كبل رجعت لفراشي وانا اضحك
هههه حسّيت نفسي طفله
أكلتهم ورجعت نمت صحيت احس نفسي تمام
كعدت لكيت خالتي تغسل المواعين وتحجي
