صوت القلب
بقلم زهرة الاقحوان
البارت السابع
طيف :صحيت وكلي نشاط
اخذت زينه ويزن سبحتهم وفورتلهم حليب
شغلت التلفزيون
الكل نايم
كعدو ياكلون وانا احس نفسيتي غير مستوعبتهم بكل حركاتهم
-صباح الخير
-هلا ماما شلونج
-شنو هل النشاط
صدك باجر ياخذج رائد
حاجي يم عمج وعمج كايله بكيف طيف هاي حياتها
-يي ماما ادعيلي الله يتممها علي
اخر فرصه الي هو رائد
اريد أعيش اريد استقر
-الله يسعدكم بنتي
ديري بالج على نفسج انت ويه عمه ماعاشتي
هسه لازم تصيرين قويه وياج عمه وشريجه
لازم تهونين كلشي لخاطير رائد
-حتى انا ماما ماعندي جرئه أذي اي شخص لهذا خايفه
-بنتي انت تحبين رائد ؟ اذا تحبيه لازم تتحملين
وتكولين خلص هذا قراري
-يمه هنا شنو بالجسد بداخله شنو
الروح هو روحي
يعني من يبتعد عني احس روحي بس جسد
-الله يسعدكم
بنتي انا مابيه اطلع اكمل شغلاتج اخذي مرت اخوج لو عمتج ماعندج وقت
نرجس :صباح الخير
كاعدات الحبايب من وكت
-يي ماما باجر نودع طيف تروح لبيتها
-شنو هاي شبسرعه🥺
-احسن ارتاحي من دوختنه
-لاطيف
البيت صار يجنن وياكم
-بنتي اخذيها وجهزي غراضها
-عمه مااكدر بس اطلع أولد
كلش تعبانه
اظاهر قربت ولادتي
-صلوات يالله خلي أصير عمه
-بنتي اتصلي على عمتج تروح وياج
-يووو ماما لاتشيلين هم
عادي مو اله اغشه 😁
عندي ملابس وانا ارتب نفسي
وأيام الله هواي انا وياه نشتري الي يعجبنه
-مايصير بنتي انت داخله عليهم عروس
حتى الفصليه تدخل بثوب جديد
-ماما اخلص شغلي
وانطي خبر لعمتي
محتاجه شي
-لابنتي انتِ محتاجه فلوس كولي
-لايوم اريد سلامتج
دخلت للغرفه وانا مقهوره ماما هامله نفسها
وملابسها قديمه
انطيت خبر لعمتي
وحبيبتي ماكالت شي
كالت نص ساعه وهي تنتظرني بالسياره
اخذت كل الفلوس ألي انطاني اياها
رائد
لبست تشيرت ماوي وبنطرون جينز
وحذاء رياضي شال فانيله نيلي
خليت مكياج خفيف
خليت زينه ويزن يم التلفزيون
يوم عينج عليهم
مااطول
-روحي قلبي
سبحان الله
انطاج ورود بداية عمرج وحملج مسؤوليه جبيره
اله بيها حكمه
......
هلا عمه 😘
شلونج انا حيل تعبت وياي وكلش خجلانه منج
-انتِ بنيتي وعيونج الحلوات لو ماتكليلي ازعل واعتبر نفسي غريبه
-بستها على ايدها
وخليت راسي على كتفها
واحس همومي طارت وانا احس ارتباطي ويه رائد ماظلت غير ساعات
☺️
