صوت القلب
بقلم زهرة الاقحوان
البارت ال٣ من الجزء الثاني
ماما كعدي جهالج صارلهم ساعتين كاعدين
-راسي يوجعني
لميت الفراش ونظفت الاستقبال
ساره حبيبتي تريكتي
-ماما كعدت هي والجهال واكلنا سوى
ظليتي بس انت
-انا مااشتهي
راح ارجع انام اذا عدكم شغل كولو
-لا ماعدنه بس شجاج على النوم كعدي لجهالج
ساره :ماما اريد ملابس استحي
-خههه حقج راح اكوم اغسل ملابسج واجففها على ماياخذج بابا
ياربي مصدعه
-شبيج ماما تشكين من شي
خاف نازل ضغطج لو دمج
نرجس سوي لطيف كوب ليمون
-ماما😡لاتطلبين شي الي
انا اكوم اسويه
-لا طيف ماقبلتها منج احنه خوات شنو الفرق اذا سويتلج
باجر هم احتاجج
-مااريد اتعبج وانت حامل
نرجس :عصرت ليمون وخليت عليه نعناع وهي جانت تغسل ملابس
ساره
تعالي طيف
دخلتها غرفتي
خلي اراويج ملابس زين
-راح تسمونه زين
-يي زين العابدين
-حلو الله يتممها عليكم
كعدت وهي بدت اتطلعلي مشترياتهم
-تدرين ذكرتيني بحملي ولادتي بيزن وزينه
كانت اصعب ايّام
الحمد لله
كلش حلوات والله يزيدكم
نرجس :كعدت يمها
طيف... انا اريدج مثل اختي
اختي ابتعدت عني وماعندي احد
شيلي الحواجز بينه خلينه خوات من صدك
جربيني وشوفي
هذا عصيرج
-ان شاء الله انا هم ماعندي احد نولدت بهل الدنيا
يتيمه وحيده وظليت لاصديقه ولااخت
ماعشت مثل البنات ولأسريت احد
ولااحد شاركني همومي
كبرت لوحدي ☹️
-بستها وانا فعلا حابه تكون مقربه مني
اكول طيف شوكت
يجي يخطبج
-ههههه يبين صرت ثكيله عليكم
-لاوالله بالعكس انتِ شوفي حتى عمو زياد تغير
-والله ماادري نرجس وانا استحي الح بالموضوع
هذا الشي راجعله
-الله كريم
-شكرآ على العصير
اروح اتصل عليه😉
.........
رائد :كعدت الصبح لكيت عشر مكالمات من ابتسام
ردت احظرها
بعدين كلت خلي اواجها واشوف شتريد
-ها سويت الي برأسك 😡
يعني دائمآ تحاول تستغبيني
كافي حرام عليك هواي ظلمتني وتبهذلت بسببك 😭
-ابتسام مو قصة الي براسي
انت نفسج ماحافظتي عليها شلون تحافظين على ساره
ثانيا شبهذلت منج انت من تغلطين ماتقبلين احد يحاسبج
وتستكين علي
اما سالفة تتقربين وترجعين الي هاي منتهين منها
ابتسام انا احب انسانه
اكثر ماجنت احبج صدكي
احس هي نفسي افهمي هل الشي
الشغف الي جان بيناتنه مات انقتل بسبب سوء تصرفاتج
بس صدكي انا حاليآ ماحافه عليج
اريد بس أعيش متهني
اريد ارجع حالي حال الناس مستقر
وساره بنتي انا حريص عليها
مثل ماجاي احاول ابني حياتي
انت هم لاتتوقفين خلص الله انطاج فرصه وهاي مو كل وحده تلكاها
صدكي غيرج ينقتلون وظلم
انطيني ساره وتركيها بحالها
