صوت القلب
بقلم زهرة الاقحوان
البارت الخامس
-صباح الخير حبيبي
-صباح النور ابتسام مااريدج تكوليلي حبيبي
-صار حظرتلج الريوك
-متاخر اريد اروح
-تعال اشرب على الأقل الشاي
رائد بالنسبه لامك انا مراح اقصر عنها بشي وساره راح اخليها بعيوني
ادري بيك ماراضي عني بس صدكني خلال وقت قصير راح تصدك بكلشي اكوله
-انا مراح اداوم اليوم بس مستعجل لان لازم اضبط كلشي
اليوم ارتباطي بطيف وهذا اليوم كلش مميز عندي
تدرين ياابتسام اذا خرب هذا اليوم بسببج شنو راح اسوي
احركج صدكي 😡
واخلص
-مراح احجي شي براحتك
بس وافقة لو لا على روحتي
-انا اخاف من تصرفاتج ادري وراها شي
-مراح أجبرك على شي اوكي روحو وانا اظل بالبيت
رائد :معقوله شنو هل الهدوء الي عدها
سحبت التلفون اتصل على طيف
ماترد
............
لج يوم ردي مايصير تركينه هجي
-عمه كتله اختار وهو اختار بعد ماحاجه يتصل
-لاتصيرين عنيده على ابوج الله يرحمه
من راد امج كلها كلتله لا وهو اصر
وضيعها وهو هم ضاع
كضو حياتهم بس مشاكل
انت هسه احنه مقتنعين وهو واهله هم لا بعنادج تخسرين
-عمه شخسر شخسر
لاتضغطين علي صدكي جاي اموت لان ادري بيها يمه
بس مااريد اكضي حياتي بالغيره والمشاكل والقهر
انا اريد انسان يشتريني
-والله ياعمه ماادري بيج احتاريت شكلج
وشسوي وياج بس هو اليوم جاي
-وشسويله
-انت تعرفين جاي علمودج
-انا كلتله لا مايفرض قراره علي
كلمن يعيش حياته مثل ماهو راد
-انطيني رقم الولد خلي احجي وياه
-عمه تركيه تركيه😡جاي احسج مهتمتله اكثر مني
............
-حجيه كومي خلي اسبحج
-شنو😳اول مره بحياتج تسويها
-يي اريد أغير حياتي كلها
كومي ماعندج وقت اليوم مهر رائد
-تعاي اكلج بيبي
نصيت راسي عليها
شوفي بيبي تعاي ورانه واخذي التلفون خاف هاي ابتسام تكتلني خابري على ابوج
خوش
-بيبي اخاف 😭
ابتسام :شبيكم جنكم ريه وسكينه كومي
-بدت تسبحني واشوف ساره تباوعلي الباب مامسدود كلش
بس هل المره غير لاصيحة علي ولا اذتني
-يالله ام رائد كومي
كعدتها على القنفه وعطرتها وبديت اظفر شعرها
رائد :اشتريت حلقات وعقد وانا امشي كلشي اشوفه أتصورها بيه
والله مشتاق لصوتج
علقتين حيل بيج
مختنك لان بعيده عني
حلقت ورجعت للبيت
دخلت اشم ريحة الطبخ
البيت نظيف
دخلت اشوف امي كاعده تضحك وتسولف ويه ساره
واثنينهم نظيفات
يوم شلونج
-زينه يوم الحمد لله
تعال وليدي
