صوت القلب
بقلم زهرة الاقحوان
الجزء الثاني /البارت الاول
-خير يوم شصاير
اشو صوتج مايطمن
-يوم تعال وانت تعرف
-ياساتر ياالله
انا كل ماافرح اخاف احس اكو شي راح يكسر فرحتي
شغلت السياره ورحت للبيت بس القلق
دمرني
هاي ليش بابنا مفتوح 😳
نزلت ركض لكيت نسوان يم امي
شبيج يوم صاير شي
ترى قلبي بعد مايتحمل
-والله ياماما ماادري شكولك
ورى ماطلعت
نرجع بالأحداث
ابتسام : شلون راح ادخل للبيت
ظليت واكفه من بعيد
انتظر رائد يطلع
ماطول رائد طلع من وكت
اباوع عليه شعره وجهه
اووووووف شكد احبك صح حياتنا ماكانت مثاليه بس حبك اقوى من اي شي عشته غلطت وبغلطتي خسرتك
حاولت بس انت تجاهلتني ولكيت بسرعه بديل عني
وكانما سلعه عندك مو صالحه تشمرها
رائد طول ماانتَ تاركني مراح تحس بطعم الراحه
خلي ارن الجرس عسى ولعل العجوز تطلع
اتذكرت المفتاح عندي
كوّن مامبدله
اول ماخليته بالباب
انفتح هههههههه ظنيت انت ذكي طلعت غبي ههههه
دخلت لكيت ساره لازم التلفون
وجدتها نايمه
بصوت ناصي تعالي ماما تعالي
بس هي خافت ابد مافرحت يشوفتي وكعدت جدتها
-شتردين 😡وشلون دخلتي
-شوفي انت ماالج دخل سدي حلكج وتفرجي
فرحانه تردين تزوجينه غيري
لعد راح تشوفين السعاده
كومي ساره😡
تعالي لا اعرف شلون اخذج
سحبتها من ايدها
كعدتها على السرير
فتحت الحقيبه وبديت امليها ملابسي وأغراضي وذهبي
وحتى مستمسكاتنه اخذتها
صفنت على جهة رائد
اشتاقيت لعطره لملابسه
فتحت كنتوره شفت تشيرت لونه مآوي بيه نقش نيلي
كان المفضل عندي
سحبته طلعت فلوس جواه اخذتهم
-يمه رائد
اريد اوصل للتلفون مااكدر لزمني ظهري
ظليت اقرب نفسي شوي شوي
عبرت من يمي ابتسام
ابتسام ابتسام
كلشي اخذي تركي ساره
-ههههه شنو عدكم علمود اخذه
عود خلي رائد يتصل علي خليتله رقم 😘وصليله اياه
كليله حيل مشتاقتلك
فتحت الباب
وظلت ام رائد تصرخ بعلو صوتها
اضطريت اسرع قبل لايشوفني احد وأكع باشكالات
......
يوم شلون شلون ياربي
خليت أيدي على راسي
شلون أتخلص من ابتسام اعتبرها لعنه
اتذكرت الجيران يمنه
من رخصتكم ترتاح الحجيه لان تعبانه
-عدها العافيه وليدي دير بالك عليها
-ان شاء الله
وصلتهم للباب
يوم كليلي وين خلت رقمها
-ماادري ماادري
😭بنيتي ساره
ماادري بيها وين اخذتها
الله ياخذج ياابتسام
