صوت القلب

البارت الخامس

صوت القلب

بقلم زهرة الاقحوان

البارت الخامس

خطوات تجعلك تتقدم لكن لاتعلم الى اين
ربما الى متاهه تجعلك شبه عاجز
مازلت صغيره دخلت في دوارة الزمن
لترميني في مكان مظلم
أصبحت لاارى
احسست اني فقدت بصري
لكن لم افقد الأمل
استمررت في البحث عن ضوء ولو قليل
حتى لو ثقب يتخلله أشعة الشمس
ربما يدلني الى طريق الذي كنت ابحث عنه
.....  

اهلًا وسهلا هلا بيج ام حسن

-تسلمين ام فرات
خيه مو غربه احنه لاترحين تقدمين شي تعالي
سالوفه اسولفها وياج وانا مو خطار

-عيوني الج
-شوفي ام فرات حسن يريد يتزوج
وجهز كلشي وانت تدرين بيه من زمان عنده محلات والده يشتغل بيهم
وخير من الله وهو متحمل مسؤوليه من زمان

-يي صح
-حسن ماراد لابنات خاله ولابنات عمه
مايريد الا طيف
وهاي اني اجيتج ومااريدج ترديني

-بس طيف بعدها صغيره وجاي تكمل دراسه
-يي شكو بيها بيتنا بيتكم ماكو فرق تكمل هي هم بنيتنا
ونعرفها ونعرف أخلاقها

-😰والله مااعرف شكلج انا راح أبلغها وتظل يمها
اذا قبلت مانلكه احسن منكم
واذا لا بعد عذرونه

-سهله ام فرات انتم بس فكرو عدل ولاتستعجلون ورديلي خبر

-طيف :جنت نايمه تعبانه من الدراسه
صحصحت وفتحت الباب وصارت بوجهي ام حسن
شلونج خاله

-هلا يوم.  يوم سعيد وعيد تصيرين عندي

-ماافتهمت شي ابتسمت
ورحت اغسل وساعد ماما بالشغل
ماما كلش تعبت تعبها زياد
وفرات مو على مرامها

دخلت لغرفة فرات
اجت امي وراي

-كعدي طيوفه احجي وياج قبل لايجي عمج
-شكو ماما شبيج
-مابيه شي انت هل السنه سادس
وماظلج شي وتخلصين وتبدين مرحله جديده
وكل بنيه عدها اخلاق ومؤدبه من تكبر يدكون بابها
اجت ام حسن تخطبج لحسن

-شنو😡
-انا ماانطيتها حجايه انتظرج منج
تدرين يوم انت الي طلعتيلي من المرحوم
ومااريد اظلمج اكثر من الدنيا
اذا موافقه ماالي بس افرحلج
واذا لا اردلهم خبر يولون