صوت القلب
بقلم زهرة الاقحوان
البارت ٣٣
طيف :دخل رائد بصفته حسن وقدم نفسه للمعلمات على أساس والدهم
ومخليهم يم امهم وانا اضحك
-يالله طيف مااوصيج على الاطفال
-ههههه والله انت ممثل جيد
بس مااله داعي اكدر اسجلهم انا
-لا حبيبتي مااريد الناس تحكم عليج لوحدج وماعندج احد
وطيف القسط مالهم من عندي
-لا رائد لهنا وكافي أنا اريد
اعتمد على نفسي وبعد مااتقبل منك اي مساعده
-شنو افهم من هذا كلامج
انت بعد ماترديني
-لارائد انو اريدك موضوع وحاجتي موضوع ثاني
انا احتاج وجودك وياي
مو احتاج فلوسك
بالعكس بهل الحاله راح اعتمد على نفسي لكن مااستغني عنك
-ماادري افرح بكلامج مدري اضوج
من اسمعج احس انت تحبيني ومن اشوف الواقع غير
احس ماالي مكان بحياتج
-يالله عيني بدأ الدرس انكمل كلامنا بعدين
-اوكي ديري بالج على نفسج والاطفال
وطمنيني عليج
-ان شاء الله
يزن وزينه خلوهم حضانه
وانا اخذت درسي وانا مرتاحه
أطفالي قريبين مني
وماعندي بعد شي اقلق عليه
وكل شوي اشوفهم متونسين ويه الاطفال
وهذا الشي كلش كافي بالنسبه الي
...............
-هذا دوامج وبيتج اندليته اليوم كافي اروح اشوف
زينب
الطريق كله وانا افكر شوكت ارتاح
خواتي حمل بركبتي لهذا خفت أزوجهم اي احد
وهسه زينب حالتها صعبه بين وضعها هي تعيش عمرها بدون اطفال
وبين اطفالها الي ربتهم وزوجها الي بدون شخصيه
مااعرف شلون راح يكون وضعها
ياريت اتصير مثل طليقة حسن وظيفه
وبيت ولا هامها شي
بهل الوكت العاطفي مينراد يتعب وميلكه مكان
.........
......
......
ها يوم اشو تلمون بالاغراض
-اي ماما خروج لزينب حرارتها نزلت
-الحمد لله والشكر
-بس يحتاجلها تغذيه علمود تكدر تمارس حياتها طبيعي
لان عدها فقر دم ودوخه
-هي بس خلي تكون سالمه
كلشي سهل شنو تريد اروح هسه أجيبه
زينب :لاتكول شي ماتكدر عليه
طلبت منك طلب وأحد
وينه ها وينه 😔
-اريدج توكفين على رجليج وتمشين بحيلج اوديج الها
-شبيك يمه اخذها هجي خلي تشوفها شصار بيها
وحوبت بنيتي ماتضيع تلكاها بيها
-اليوم اخذها بالليل
وآمري لله فأكلي عدل علمود تكدرين تحجين مثل الناس
زينب :واخيرآ راح اشوف يزن وزينه
اوووووف اشتاقيت لعطرهم
-يالله كافي اكمل اوواقج واجي مااريد الكي نوح
-يي يمه كافي ترى هواي مدللج محمد
واحد غيره ولاعليه بهل السؤالف
شدي حيلج
زينب :دخلوني البنات سبحوني
مشطو شعري
احس شوي بتحسن بس الدنيا تدور بيه
كعدت تغديت وحاولت اجبر نفسي
علمود اكوم
مشتاقتلهم هواي
........
......
ماما اول مايجي محمد كعديني مو تخليني
ازعل عليكم والله
