صوت القلب
بقلم زهرة الاقحوان
بقلم زهرة الاقحوان
(راح أغيب فتره عن الكل مااريد اسمع اخبار احد او احد يرسلي أخباره )
ياريت تفكرون بالتصرفاتكم قبل لاتفقدون شخص غالي عليكم وتندمون
طيف:🥺 معقوله رائد تتركني
بس ارجع كلشي مااريد
ابتسام : مااعرف شنو الحجي الي صار
بينه وبين طيف بس اعرف انا ماقصرت وهواي سببت تعاسه اله
سديت التلفون وانا مخنوكه
(السياج رفيع مااكدر امشي بس وراي نار
وكدامي شويه خضار ومن بعيد طبيعه
امشي انا على السياج وهو قديم ويوكع نصه وانا امشي
بس عبرته
نزلت وانا تعبانه من الخوف ومن المخاطرة
نزلت امشي بسرعه اريد اوصل للمكان الي بيه طبيعه تجنن بس كل مااقترب يبعد علي اكثر )
فزيت
وانا تعبانه كلش
طلعت من الغرفه
لكيت طيف تصلي يم ام رائد
كعدت وانا مشمئزة من نفسي
ليش مااكون طبيعيه مثلهم ليش دائمآ اغلط واوكع بمشاكل
تكره الناس بيه
كومي الدنيا ماتسوى كومي
وذكري الله ابدي صفحه جديده
توضيت وانا احس نفسي غير
هل المره مصره ان اصلح نفسي
مااريد استمر بالخطأ
فرشت سجادتي بصف طيف
طيف:😳ابتسام
الله يهديج
-يمه طوفه ما اتصل رائد
قلبي مثل الجمر عليه
-لاوالله خاله وانا هم والله ماحاسه بطعم شي
مايملي البيت غيره
😔
مااتصور حجايتي هجي سوت بيه
جان يكدر يكلي مااكدر
اكيد انا احبه مراح اعاند وياه
-بنتي ميفيد الندم
كافي الله يخليكم راح يضيع ابني مني
الي مااحبه وتريدله الاذيه
تروح عنه
انتبهنا ابتسام منصيه راسها وتبجي
طيف: بيج شي ابتسام
-ماادري مخنوكه
وبعد شسوي محد يصدك بيه
انا مااريد اخسر رائد
تدرين طيف بس هو الي بقالي
اخ حتى ميسأل علي
ومايدري وين صرت
ماالي غيره
بس هو يحبج
😔
-بنفسي اصدك حجيها مااعرف ماعندي ثقه بيها
المهم رائد يرجع
ومر اسبوع
والبيت هدوء
انا وابتسام متعاونين وماحاولت تاذيني او تسمعني حجايه
انا راح انام كلش تعبت
ابتسام :وانا هم والله هل الجهال دمار
راح انام
حجيه محتاجه شي منه
-لايمه روحو ارتاحو
طيف :دخلت تمددت على الفراش
وانا اتحسس مكان رائد
واشتم بيه
رائد اشتاقيتلك
معقوله كل هل الفتره قلبك انطاك تتركني
سحبت التلفون
وانا اتمنى يرن
-المشترك لديه مكالمه أخرى
-😳تلفون رائد يشتغل
كمت بسرعه اركض الحجيه
