صوت القلب
بقلم زهرة الاقحوان
البارت الثالث
-ها يوم شنو متواعد
رائد :يي يوم متواعد جنت اعمى وهسه فتحت عيني
-شوفت رائد يبتسم حسّيته مو من قلبه بس فرحت
ابتسام :رائد تعال
رائد
رائد
-لا تصيحين منو انت علمود تصيحين
خليني اشوف حياتي
كافي
جنت اظنج ام بيتي بس طلعت غلطان
هدمتي كل أحلامي وياج
ابتعدي عني
انت بعد تحرمين علي
شغلت السياره
الي افتهمته اني مو غلطان ليش انقهر
نزلت للحلاق عدلت شعري
ورجعت مباشره للبيت
فتحت باب غرفتي
طفرت ابتسام حسبالها جايلها
طلعت كل ملابسها
ابتسام :شبيك شجاي تسوي
-هاي عش زوجيه مو عش خيانه
انت ام ساره هنا
ومكانج تنامين يم امي واذا مايعجبج
تسوين فضل وتطلعين
ابتسام :بس الغرفه من حقي 😡
-من حقج من تصونين البيت الي انتِ بيه
حجيت هواي بهل الموضوع مامضطر كل شوي احجي
روحي رتبي غراضج من اليوم انام انا وبتي بهل الغرفه
ابتسام :اول ماطلعت من الغرفه سد الباب حيل بوجهي
سندت ظهري على الحائط والنار الي بداخلي
ماتطفه غلطت وغلطتي ماتصحح
😭😭
ظليت بالساعة ونص ابجي محد بحالي
طلع رائد كاشخ ومعطر
وخاله غطت نفسها ونامت
انذليت وذليت نفسي بيدي
😔😔😔😔😔😔
بس مايفيد الحجي
مااعرف شنو مصيري وشراح يصير بيه
مسحت دموعي
ولميت غراضي فتحت معرض الحجيه
وظليت اصفط غراضي
- سويت نفسي نايمه بس انا بهل طريقه ابعد نفسي وماادخل نفسي بمشاكلهم
ايييه ياابتسام لعبتي بنفسج
جنت أميره شوفي شصار بحالج
الله يصلح حالكم
......
رائد :اتوجهت للزوراء
مافكرت شلون شكل البنيه الي راح اقابلها ولا شنو وضعها ابد ومايهمني اعرف اي شي
كل النساء نفس الشي
يخدعون ويوهموك ويضحكون عليك
وبعدين تنصدم بأفعالها
وصلت واني أتمشى بخطوات بطيئة
انتظرها ترن
-مرحبا
رائد :التفيت
بنت بسيطه تفضلي اختي
-انت الولد الي دفعت النا اجرة الفندق
-وانت صاحبة التلفون
-يي انا صاحبته
انا طبعآ أصريت اقابلك مو علمود التلفون
هذا الك المبلغ ورحم الله والديك ماقصرت
وهاي هديه من الحجيه
-هذا تلفونج وهاي الفلوس رجعوها
يحرم اخذ فلس
والوالدة شلون صارت
-والله يا...
-رائد
-بعدها تعبانه بس بعد مارجعنه تحسنت شوي
-الله يشافيها
مامحتاجين شي
-ماقصرت كفيت وفيت
الله وياك
