صوت القلب
بقلم زهرة الاقحوان
البارت السابع عشر
حسن :دخلت لكيتها سابحه ومرتبه الغرفه والأطفال نظف
صار فتره غرفتي وصخه
ماشفتها بهل النظافه
اقتربت من طيف عطرها قوي جذبني الها
خليت ايدي على خصرها
طفرت وكعدت على حيلها
-وخر مني 😡
-شبيج تخبلتي انت مرتي
-من شوكت مرتك ا
هاااااا نسيت قبل جنت مرتك
-لعد شنو رجعتج ألي اذا جايه تتمضيكين علي
-شوف حسن جنت أظنك اكثر شخص تحبني بهل الكون وتخاف على مصلحتي
بس عكب الي صار عرفتك حالك حال البقيه
انا اكلك مااريد ارجع لبيت اهلي
خليني هنا خدامه لجهالي
-ولج والله اذا مااكسر ركبتج مااصير انا حسن
-هههه يمعود هي ماظال بيها شي
انكسرت من زمان
من مات ابوي وتركني لناس ماترحم
دفرني وكعني بالكاع
-امشي يالله مااريدج كدامي افتهمتي
نامي جوى رجلي انا وجهالي
سهله اذا مااخليج تندمين على عنادج هذا.
-شحجي عليك زياد
مااكول الا حسبي الله ونعم الوكيل
اخذت الكوشه وشرشف
تغطيت وانا اباوع على جهالي
معقوله راح تكبرون وتداروني
-حقيره بس نزلت نامت
وانا ظليت اعصابي مشتعله نار اريد اردلها
لسانها الي طولان وصايره مو سهله
-كل مااكعد على بجيت الجهال
اشوف حسن كاعد بس مااهتم لان تعبت حيل
......
.........
صوت حسن جاي يبدل كعدني
طليت على زينه ويزن
شفتهم نايمين وقمة البراءه
ابتسم هذي الشوفه تغنيني عن حسن وخبالاته
غيرت ملابسي لبست دشداشه
وغسلت ورحت اركض للمطبخ
حظرت اله ريوك
وكعدت انتظره
امه جانت كاعده كبالي
ياااا هاي انت خاله
ماشفتج صباح الخير ☺️
-وخلاله وعله ولج نمله ماشفتيني الحوله
صايره ماتنكدرين
-صباح الخير يوم شلونج
-نعمه يمه ماطولك بخير انا بخير
طيف :ماسلم علي
وركز بالسلام على امه عود يغيضني
مايعرف ان هذا الشي طبيعي الانسان يميل آلامه
بس كوّن تفتخر من تكون انت وياها حقانين
يالله شعلي بيهم
حسن :يوم اريدج تدوريلي مره
وأريدها معدله مو شون ماجان
-صدك يمه تحجي😁
-اي والله اختاريت وطلع اختياري زباله
بلكي اختيارج يصيب
-كلللللللللوش
طيف :احتمال يريد يغيضني
بس هل الشي مايخصني انا مااريده بعد
والدليل انو ماضجت من ألي سواه
عَل الخير حسن
ان شاء الله تلكه وحده مثل شمرتك
-اكول وليدي
وين تكعدها بيت لوحدها
-افاااا انا اجيب مره اكعدها بيت لوحدها واتركج
انا اريد اصحح خطئي
طيف : هم حقك بس وين راح تخليها هنا
-بغرفتي انت تكعدين بغرفة امي زايده عليج لو تنامين بالصاله
-تصدك ياحسن ماعندي اي مشكله
وبأي مكان اكعد المهم عائلتي يمي
