صوت القلب
بقلم زهرة الاقحوان
البارت (٣١)
-خلصت الجلسه والاطفال من حضانتج
مبروك
طيف : كعدت على ركبي وابجي معقوله واخيرآ أطفالي
بحضني 😭😭😭
-مبروك طيف انت تستاهلين
تعبتي وصبرتي كومي طيف كعدي.
استلمي اطفالج علمود نروح
-انا اكول رائد ابتعد هسه منا لان وجودك يثير شراره
واحنه نريد انسد القضيه
-سهله وكفت بمكان بعيد وانا اباوعلها
.........
-اخي لا زم تسلم الاطفال لامهم والا الها حق تشتكي عليك
-مااخاف منها وهي وينها
-برى تنتظر أطفالها
زينب :فدوه حسن مارايده منك شي بس خلي الاطفال عندي
اموت بلياهم 😭حسن فدوه لاتاخذهم
-جيبيهم بس مصيرهم ارجعهم الي
خليها مثل الخدامه تربي وتكبر
وانا اجي اخذهم
-حسن لا لا تاخذهم اموت
طلع وانا اركض وراه
واتعثر
حسن :ها ست طيف
صايره احوال
ماشاء الله ورجعتي تشوفين
منو الجديد الي نصبتي عليه وصرف عليج
طيف :👋 تدري انت ولا شي بحياتي فمااثرت علي بشي
بس هاي الصفعه على عمري الي ضاع وياك
مرات البشر يضحي ويكون غلطان
لان المقابل مايسوى شي ولايسوى دمع عيني
انت وأمك مارحمتوني استخدمته كل الأساليب بااذيتي
وين حبك الي انت اناني ماتحب
حسن :لزمت ايدها ولويتها قسم بالله اكسرها الج ياسافله
اخذي الجهال بس انا وراج ومثل نفسج وياويلج يصير بيهم شي
ولج مو حسن الي مره ترفع ايدها عليه
والله ادمرج بس اخليج بالي 😡
رائد :اتركني متشوفه يتجاوز عليها
-شبيك استاذ رائد ظهورك وياها راح يسببلها مشاكل
-اووووف مااتحمل اشوفها لوحدها 😔😔
-استاذ ترى انت واضح تحبها لهذا انا بعدك
طيف :اووووف أطفالي يمشون
ماما حبايبي. زينه .... يزن
انا طيف امكم
تركو ايدي. رجعو لزوجة حسن وظلو يبجون
مجلبين بملابسها
زينب :فدوه طيف اتوسل بيج
لاتحرميني منهم
انا محرومه من الاطفال ميصير عندي
وروحي أتعلقت بيهم
-رجاءآ لاتكملين ظلمهم الي انت
هذول قطعه مني تدرين انا شلون روحي طلعت
لذة الحياة ماحسيت بيهم
بعدوهم غصب عني وانت تردين تكملينها
لا مااقبل
-ادري والله وحاسه بيج
بس انا سهرت وربيت
كليلي شلون راح انام وهما مو يمي
تمرضو وسننو ومشو وحجو
احلى أيامهم كبالي 😭😭😭😭
-ذنبج على حسن واهله الي عيشوج ظروف المفروض
ماتعيشيها
مشيت وانا لزمتهم وهما يحاولون يتركوني ويرحون
ويصيحون ماما وأيديهم على زينب
فتح السياره رائد وانا صعدتهم
مشت السياره وهما يعيطون بكل قوتهم
وزينب تمشي ورى السياره وتبجي
