صوت القلب
بقلم زهرة الاقحوان
البارت الرابع /الجزء الثاني
رائد :كلش ضاكت الدنيا بعيني
جنت فرحان وأحل اموري وهسه كلشي تخربط
ساره :بابا انا اخاف وديني يم بيبي
-بابا هسه ليل خاف يخترعون
خليها باجر الصبح اوديج
تعالي احضنج ونامي بحضن ابوج
اجت يمي حضنتني بقوه ونامت
اوووووف ياساره كسرتي ظهري
انا هسه بين نارين بينج وبين طيف
واثنينكم اعزاز علي مااكدر افرط بيكم
مرت ساعات الليل
الهدوء بكل مكان
الا في داخلي ضوضاء الأفكار والحزن وضجيج بين العقل والقلب
طيف بامكانها تضحي بس ساره تضيع اذا ابعدها
مااكدر راح ارجع ابتسام بس مراح اترك طيف
اكيد هسه بعصبيتها وغيرتها
مراح تكدر تسيطر على ردت فعلها بس
ادري بيها تحبني وراح ترجعلي
راسي ماجاي يهدأ
سحبت الستاره بدأ ضوء الفجر يكسر حاجز الليل
اااخ اتمنى الظلام الي بحياتي ينتهي
سويت جاي
واخذت شاور
شغلت قرأن محتاج لصوت يدخل الهدوء علي
كعدي بابا ساره
اكلي علمود اخذج
-صباح الخير
-صباح النور
-يالله روحي غسلي وتعالي اكلي
-بابا شوكت نجيب ماما طيف
-والله يابنتي ماادري
اختنكت
بكيفها هي يمتى ماتريد اجيبها لبيتنه
-بس هي تكول بكيف أبوج
-الله كريم بس امج راح ترجع
-امي منو؟
-ابتسام
-😔بس انا اريد ماما طيف تحبني
وتداريني
امي ابتسام تضربني
وجانت تحبسني بالشقه
واسمعها تسولف وتضحك
-بابا لاتحجين هل الشي
هسه ترحين وياي وبعدين انا أحاسب امج على كلشي سوته
احس بنفسي راح ارتكب خطأ جبير برجوع ابتسام للبيت
بس مابليد حيله
انطيت خبر لبيت احمد
انزل طيف يمهم ويرجعون امي وساره وياي
...................
طيف صحيت من النوم وانا احس بخنكه
الوكت متاخر
زينه ويزن يم ماما
باوعت على التلفون
ماكو اي اتصال او رساله منه
اوووف اتصل وبرد قلبي
مااكدر اتصل عليك
واحس النار تاكل بجسمي
نرجس :شبيج طيف
اشو شكلج تعبان
طيف :مااعرف نرجس كلشي يمشي بالعكس وياي
-شنو صاير
-مااعرف بس لسه مااتصل رائد
-ههههخ حسبالي بيج شي تلكينه مشغول لو عنده شي يفرغ ويتصل عليج
-يي حقج ماتدرين
مااكدر احجي لان فقدت الثقه بالناس
ماعندي ثقه بااحد
-ولكم بنات وحده منكم تفتح الباب
طيف :فز قلبي معقوله هذا رائد
نرجس كامت
وانا اشوف من الشباك
اها عمتي
ركضت حضنتها
شكد مشتاقتلج عمه ليش تكطعين ويانه
-انا هم مشتاقتلج بس تعالي شنو هل الموال الحزين
خلي اسلم على الباقين ونسولف
طيف :دخلت احضر الضيافه
ورن التلفون
شكد مامشتاقه اسمع صوته شكد ماخايفه
يكلي شي يبعدنه
